Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Башкиров Сергей Геннадьевич (биатлонист)

РУВИКИ-ре ҫак хушаматлӑ ытти ҫынсем пирки те статьясем пур: Башкиров; Башкиров Сергей; Башкиров Сергей Геннадьевич.

Башкиров Сергей Геннадьевич (ҫур. 1977 ҫулхи раштавӑн 30-мӗшӗ, Шупашкар) — Раҫҫей биатлонисчӗ тата тренерӗ. Тӗнче класлӑ спорт мастерӗ (1999)[1].

Пурнӑҫӗпе ӗҫӗ-хӗлӗ

1977 ҫулхи раштавӑн 30-мӗшӗнче Чӑваш АССРӗн Шупашкар хулинче ҫуралнӑ.

Биатлонпа 1988 ҫулта кӑсӑкланма тытӑннӑ. Пӗрремӗш тренерӗ — ашшӗ, Геннадий Башкиров. Тренерсем — Г. П. Салдимиров, Н. И. Чегодаев[2].

В. И. Чапаев ячӗллӗ Шупашкар производство пӗрлешӗвӗн ачасемпе ҫамрӑксен спорт шкулӗн воспитанникӗ. Шупашкар Олимп резервӗн училищине, И. Я. Яковлев ячӗллӗ Чӑваш патшалӑх педагогика университетне (1999) «математикӑпа информатики вӗрентекенӗ» специальноҫпа вӗренсе пӗтернӗ[2].

Свердловск облаҫӗнчи Новоуральск хулинче пурӑнать.

Спорт карьери

1997 ҫулхи юниорсен тӗнче чемпионачӗн бронза призёрӗ эстафетӑра.

Ултӑ сезон хушшинче Раҫҫей пӗрлештернӗ командин йышӗнче Тӗнче кубокӗн(выр.)чăв. ӑмӑртӑвӗсене хутшӑннӑ. 2002/03 сезонри Тӗнче кубокӗн тапхӑрӗн историре пӗрремӗш хут ҫак турнир шайӗнче иртнӗ хутӑш эстафета ҫӗнтерӳҫи. Тӗнче чемпионатне икӗ хутчен (2003 тата 2004) хутшӑннӑскер, чи лайӑх кӑтарту — 13-мӗш вырӑн. Европа кубокӗн(выр.)чăв. тӑватӑ чупӑвӗн ҫӗнтерӳҫи. 2001 ҫулхи Европа чемпионатне хутшӑннӑ (чи лайӑх кӑтарту — спринтра тата пасьютра 5-мӗш вырӑн).

Раҫсей чемпионӗ (пасьют, 12,5 ҫухрӑм, 2004), Раҫҫей чемпионачӗсен кӗмӗл (2003, 2004, 2005 — спринт, 10 ҫухрӑм, 2003 — пасьют, 12,5 ҫухрӑм, 2005 — эстафета 4х7,5 ҫухрӑм) тата бронза (2010 — команда чупӑвӗ, 10 ҫухрӑм) призёрӗ.

XIX хӗллехи Олимп вӑййисенче(выр.)чăв. (Солт-Лейк-Сити(выр.)чăв., АПШ, 2002) биатлон енӗпе Раҫҫейӗн пӗрлештернӗ командине кӗнӗ, анчах та пӗр чупура та старта тухман[3][4].

РФ Хӗҫпӑшаллӑ вӑйӗсен тата Свердловск облаҫӗн командисемшӗн ӑмӑртнӑ[5].

Тренер ӗҫӗ-хӗлӗ

Спорт карьерине вӗҫленӗ хыҫҫӑн ҫӗршывӑн юниорсен пӗрлештернӗ командинче Александр Касперович ертсе пынипе тренерта ӗҫлеме тытӑннӑ. Ун хыҫҫӑн Раҫҫейӗн арҫынсен тӗп сборнӑйӗнче тӗл перессипе тренер пулса ӗҫленӗ.

2018—2019 сезонра Кӑнтӑр Корейӑра тренер пулса ӗҫленӗ. Раҫҫее таврӑнсан Санкт-Петербург командине лекнӗ[6].

Тӗрлӗ ҫулсенче Максим Цветков, Матвей Елисеев, Александр Логинов, Евгений Гараничев, Василий Томшин, Антон Бабиков, Александр Поварницын пек биатлонистсене хатӗрленме пулӑшнӑ[7].

2021 ҫул пуҫламӑшӗнче Раҫҫейӗн биатлон сборнӑйӗнче тӗрлӗ тренировка ушкӑнӗсем ҫине пайлассине ӗҫе кӗртнӗ, Сергей Башкирова пӗр ушкӑнӑн ертӳҫине ҫирӗплетнӗ. Раҫҫей Федерацийӗн биатлон енӗпе пӗрлештернӗ командин «Раҫҫей пӗрлештернӗ командисене хатӗрлемелли спорт центрӗ» ФПБУ (Мускав) тренерӗ шутланать[8].

XXIV хӗллехи Олимп вӑййисене(выр.)чăв. (Пекин, Китай, 2022) биатлон енӗпе Раҫҫей сборнӑйӗн тренерӗн статусӗнче хутшӑннӑ[9][10]. Спортсменсене 2022 ҫулхи XXIV хӗллехи Олимп вӑййисене ӑнӑҫлӑ хатӗрленӗшӗн Раҫҫей Федерацийӗн Президенчӗн Хисеп хутне тивӗҫнӗ[8].

2025—2026 сезона Башкиров ушкӑнне Савелий Коновалов, Михаил Стребко, Олег Домичек, Ярослав Конкин, Дмитрий Евменов, Никита Малюгин, Роман Канаровский, Егор Прокудин (резерв), Денис Иродов (резерв) кӗнӗ[11].

2026—2027 сезон валли Раҫҫейӗн пӗрлештернӗ командинче Башкиров 2-мӗш йышпа ӗҫлет, ун патӗнче Роман Канаровский, Тимофей Грехов, Михаил Куприн, Алексей Матвеев, Егор Соломенников тата Николай Алексеев хатӗрленеҫҫӗ[12].

Тӗнче кубокӗ

  • 2000/01 — 63-мӗш вырӑн;
  • 2001/02 — 73-мӗш вырӑн;
  • 2002/03 — 36-мӗш вырӑн;
  • 2003/04 — 41-мӗш вырӑн;
  • 2004/05 — 54-мӗш вырӑн;
  • 2005/06 — 54-мӗш вырӑн.

Ӑнлантарусем

  1. ^ БУ Национальная библиотека ЧР. Спортивная гордость Чувашии (англ.). www.nbchr.ru. Пӑхнӑ кун: 2025 ҫулхи чӳкӗн 25-мӗшӗ.
  2. ^ 1, 2 Н. Г. Скородумов. Башкиров Сергей Геннадьевич (выр.). Чувашская энциклопедия. Пӑхнӑ кун: 2025 ҫулхи чӳкӗн 25-мӗшӗ.
  3. ^ Россия в Солт-Лейк-Сити: 166 олимпийцев (выр.). Спорт-Экспресс (21 кӑрлачӑн 2002). Пӑхнӑ кун: 2025 ҫулхи чӳкӗн 25-мӗшӗ.
  4. ^ В составе национальной сборной на зимней Олимпиаде-2002 - биатлонист Сергей Башкиров (выр.). Официальный портал органов власти Чувашской Республики. Министерство физической культуры и спорта Чувашской Республики (8 нарӑсӑн 2002). Пӑхнӑ кун: 2025 ҫулхи чӳкӗн 25-мӗшӗ.
  5. ^ БАШКИРОВ Сергей Геннадьевич | Российские спортсмены | Спортивная Россия (выр.). www.infosport.ru. Пӑхнӑ кун: 2025 ҫулхи чӳкӗн 25-мӗшӗ.
  6. ^ Тренерский состав федерации - Спортивная Федерация Биатлона, Санкт-Петербург. Тӗрӗсленӗ: 2025 ҫулхи чӳкӗн 25-мӗшӗ.
  7. ^ https://metaratings.ru/blog/intervyu-trenera-muzhskoi-sbornoi-rossii-sergeya-bashkirova-o-latypove-cvetkove-babikove-povyrnicyne/?ysclid=mie6wo5uvz285853344&utm_source=ya.ru&utm_medium=referral&utm_campaign=ya.ru&utm_referrer=ya.ru. metaratings.ru. Пӑхнӑ кун: 2025 ҫулхи чӳкӗн 25-мӗшӗ.
  8. ^ 1, 2 О награждении и поощрении членов спортивных сборных команд Российской Федерации | Центр спортивной подготовки сборных команд России (выр.). sport-teams.ru. Пӑхнӑ кун: 2025 ҫулхи чӳкӗн 25-мӗшӗ.
  9. ^ Владислав Николаев. В Пекин едут тренеры из Чувашии (выр.). Чебоксарский кооперативный институт (4 нарӑсӑн 2022). Пӑхнӑ кун: 2025 ҫулхи чӳкӗн 25-мӗшӗ.
  10. ^ Чебоксарец Сергей Башкиров вошёл в тренерский штаб национальной олимпийской сборной по биатлону (выр.). Управление физической культуры и спорта администрации города Чебоксары (4 нарӑсӑн 2022). Пӑхнӑ кун: 2025 ҫулхи чӳкӗн 25-мӗшӗ.
  11. ^ Состав сборной России по биатлону на сезон 2025/2026. Тӗрӗсленӗ: 2025 ҫулхи чӳкӗн 25-мӗшӗ.
  12. ^ Виктория Дмитриева. В русском биатлоне определились с составами сборных: Каминский ушёл, звёзды на самоподготовке, ставка на молодёжь (выр.). sport24.ru. Пӑхнӑ кун: 2026 ҫулхи утӑн 23-мӗшӗ.

Вуламалли

  • Скородумов, Н. Г. Башкиров Сергей Геннадьевич / Н. Г. Скородумов // Краткая чувашская энциклопедия. — Шупашкар, 2001. — С. 83;
  • Скородумов, Н. Г. Башкиров Сергей Геннадьевич / Н. Г. Скородумов // Чувашская энциклопедия. — Шупашкар, 2006. — Т. 1: А-Е. — С. 192;
  • Скородумов, Н. Г. Башкиров Сергей Геннадьевич / Н. Г. Скородумов // Чувашская спортивная энциклопедия / Н. Г. Скородумов. — Шупашкар, 2007. — С. 89.

Каҫӑсем

Темӑпа ҫыхӑннисем

Категорисем