Вайгина-Ефремова Лилия Николаевна

Вайгина-Ефремова Лилия Николаевна
Харпӑр информаци
Арлӑх	хĕрарăм
Тулли ят	Вайгина-Ефремова Лилия Николаевна
Патшалӑх	СССР СССР, РФ, Беларуҫ, Украина
Специализаци	биатлон
Ҫуралнӑ	1977 çулхи акан 26-мĕшĕ
Ҫуралнӑ вырӑн	Шупашкар хули, Чăваш Ен, РСФСР, СССР
Ҫӳллӗшӗ	151
Йывӑрӑшӗ	49

Вайгина-Ефремова Лилия Николаевна (ҫур. 1977 ҫулхи акан 15-мӗшӗ, Шупашкар) — Шупашкар хулинче ҫуралнӑ украин биатлонисчӗ, Туринри 2006 ҫулхи Хӗллехи Олимп вӑййисен бронза призёрӗ, хӑй вӑхӑтӗнче Раҫҫей тата Беларуҫ пӗрлештернӗ командисенче те ӑмӑртнӑ.

Пурнӑҫӗпе ӗҫӗ-хӗлӗ

Чӑваш АССРӗн Шупашкар хулинче 1977 ҫулхи ака уйӑхӗн 15-мешӗнче ҫуралнӑ.

Лилия биатлонпа 1987 ҫулта В. И. Чапаев ячӗллӗ Шупашкар производство пӗрлешӗвӗн ачасемпе ҫамрӑксен спорт шкулӗнче кӑсӑкланма тытӑннӑ. Пӗрремӗш тренерӗ — Г. П. Салдимиров, Чӑваш Республикин тата Раҫҫей Федерацийӗн тава тивӗҫлӗ тренерӗ.

Шупашкар олимп резервӗн училищинче, И. Я. Яковлев ячӗллӗ Чӑваш патшалӑх педагогика университетӗнче вӗреннӗ.

Тӗнче кубокӗн тапхӑрӗсенче кӑтартусем пысӑках маррипе вӑл 1999/2000 сезонра ҫеҫ тӗнче шайенчи пысӑк ӑмӑртусене хутшӑнма пуҫлать. Каярахпа вӑл Тӗнче кубокне те тӑтӑш хутшӑнман, ҫавӑнпа та Раҫҫейӗн тӗп перлештернӗ команда йышӗнче ҫирӗпленеймен.

2002 ҫулхи Солт-Лейк-Ситири Олимпиадӑна лекейменрен Лилия Ефремова Беларуҫ биатлон федерацийӗн сӗнӗвне йышӑннӑ та Беларуҫ пӗрлештернӗ командине куҫнӑ. Ҫак командӑшӑн ӑмӑртса Ефремова Тӗнче кубокӗн(выр.)чăв. тапхӑрӗсенчи эстафета ӑмӑртӑвӗсенче пьедестал ҫине пӗрре мар хӑпарнӑ, сезон пӗтӗмлетӗвӗсемпе харпӑр тупӑшура вӑл 34-мӗш вырӑн йышӑннӑ.

Беларуҫ физкультурӑпа спорт университетне вӗренсе пӗтернӗ.

2003 ҫулта каллех гражданлӑхне тепӗр хут улӑштарнӑ, Украина команди йышӗнче Ефремова тӗп биатлонисткӑсенчен пӗри пулса тӑнӑ. 2006 ҫулта Лилия Ефремова хӑйӗн карьеринче чи пысӑк ҫитӗнӳ тунӑ — Туринри Хӗллехи Олимп вӑййисен бронза медальне ҫӗнсе илнӗ. Беларуҫпе Украина пӗрлештернӗ командисенче ӑмӑртусене хӑйӗн мӑшӑрӗ Константин Вайгин ертсе пынипе хатӗрленнӗ.

Тӗнче кубокӗ

Раҫҫейшӗн

• 1999—2000 — 55-мӗш вырӑн (13 очко);
• 2000—2001 — 74-мӗш вырӑн (4 очко);

Беларуҫшӗн

• 2002—2003 — 34-мӗш вырӑн (118 очко);

Украинӑшӑн

• 2003—2004 — 63-мӗш вырӑн (12 очко);
• 2004—2005 — 60-мӗш вырӑн (25 очко);
• 2005—2006 — 26-мӗш вырӑн (225 очко);
• 2007—2008 — 57-мӗш вырӑн (20 очко);
• 2008—2009 — 57-мӗш вырӑн (93 очко);
• 2009—2010 — 53-мӗш вырӑн (89 очко).

Хисепӗсем

• Ольга княгиня орденӗн III степенӗ (2006).

Харпӑр пурнӑҫ

Мӑшӑрӗ — Вайгин Константин Геннадьевич(выр.)чăв. (1964 — 2021) — совет биатлонисчӗ, СССР тӗнче класлӑ спорт мастерӗ, Беларуҫ Республикин тава тивӗҫлӗ тренерӗ.

Украинӑна куҫсан ҫемье малтанласа нумаях мар Сумы хулинче пурӑннӑ, кайран Киев хулине куҫнӑ. 2011 ҫулхи пуш уйӑхӗн 3-мӗшӗнче вӗсен Александра хӗрача ҫуралнӑ.

Ăнлантарусем

Вуламалли

• Скородумов, Н. Г. Ефремова Лилия Николаевна / Н. Г. Скородумов // Чувашская спортивная энциклопедия / Н. Г. Скородумов. — Чебоксары, 2012. — С. 35;
• Скородумов, Н. Г. Ефремова Лилия Николаевна / Н. Г. Скородумов // Чувашская энциклопедия. — Чебоксары, 2009. — Т. 3 : М-Се. — С. 579.

Каçăсем

• Чӑваш спортсменӗсем Хӗллехи Олимп вӑййисенче
• Вайгина-Ефремова Лилия Николаевна
• Хӗллехи Олимп вӑййисен украин призёрӗсем