Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

В.М. Краснов ячӗллӗ Шупашкар Олимп резервӗн училищи

В.М. Краснов ячӗллӗ Шупашкар Олимп резервӗн училищи (выр. Чебоксарское училище олимпийского резерва им. В. М. Краснова) — Шупашкарти (Чӑваш Республики) вӗрентӳпе спорт комплексӗ. Хӑй тӗллӗн вӗренӳ заведенийӗ пек ӗҫлет, аслӑ шкул шутне кӗмест.

Историйӗ

Шупашкар олимп резервӗсен училищине 1983 ҫулта Шупашкарти 32-мӗш вӑтам шкул никӗсӗ ҫинче йӗркеленӗ. Учреждени Чӑваш Республикин Физкультурӑпа спорт министерствине пӑхӑнса тӑрать[1][2].

Аталану тапхӑрӗсем:

  • 1983 ҫулхи авӑн уйӑхӗн 1-мӗшӗ — спорт профильлӗ пӗтӗмӗшле пӗлӳ паракан вӑтам шкул-интерната уҫнӑ. Директора РСФСР тава тивӗҫлӗ вӗрентекенне Владимир Фадеевич Цветкова лартнӑ[2].
  • 1983 ҫултанпа училищӗрен вӗренсе тухнӑ 14 вӗренекен Олимп вӑййисене хутшӑннӑ, 6 спортсмен – Сурдлимп вӑййисене. Вӗсем ҫӗршыва 1 кӗмӗл, 3 бронза олимп медалӗсем, ҫавӑн пекех Сурдлимп вӑййисен 2 ылтӑн, 4 кӗмӗл медалӗсем кӳнӗ. Олимп призерӗсен хушшинче УОР вӗренекенӗсемпе выпускникӗсем: Иванова Олимпиада-XXVIII Олимп вӑййисен кӗмӗл призерӗ (спорт утти); Калентьева Ирина-XXIX Олимп вӑййисен бронза призерӗ (маунтинбайк); Петрова-Архипова Татьяна-XXX Олимп вӑййисен бронза призерӗ (марафон); Ефремова Лилия – XX хӗллехи Олимп вӑййисен бронза призерӗ (биатлон); Ефремов Михаил - XXI Сурдлимп вӑййисен ҫӗнтерӳҫи тата кӗмӗл призерӗ (бадминтон); Павлова Алена – XXI Сурдлимп вӑййисен ҫӗнтерӳҫи тата кӗмӗл призерӗ (бадминтон); Седова Анастасия – XXI Сурдлимп вӑййисен (бадминтон) кӗмӗл призерӗ; ХАЛЬХИ УОР студенчӗ Пакин Иван-XXII Сурдлимп вӑййисен (ҫӑмӑл атлетика) кӗмӗл призерӗ.
  • 1989 ҫулхи утӑ уйӑхӗн 23-мӗшӗнче — интерната спорт профильлӗ Шупашкари олимп резервӗсен училищи туса хунӑ, ӑна Чӑваш АССР физкультурӑпа спорт патшалӑх комитечӗн аллине панӑ[1][2].
  • 1993 ҫулхи чӳк уйӑхӗн 4-мӗшӗнче — «Шупашкар олимп резервӗсен ятарлӑ вӑтам училищи» патшалӑх вӗренӳ учрежденийӗн уставне йышӑннӑ[1][2].
  • 2010 ҫулхи кӑрлач уйӑхӗнче — училищӗне Чӑваш Республикин Физкультурӑпа спорт тата туризм министерствин олимп резервӗсен Шупашкарти училищи (техникум) ят панӑ[2].
  • 2016 ҫулхи ҫурла уйӑхӗн 24-мӗшӗнче Чӑваш Республикин Министрсен Кабинечӗ 356 № постановлени йышӑннӑ, унпа килӗшӳллӗн "Олимп резервӗсен Шупашкарти училищине" "В.М. Краснов ячӗллӗ олимп резервӗсен Шупашкарти училищине" ят панӑ. Йышӑну училищӗне Ҫӗнӗ Шупашкарти олимп резервӗсен училищине хутшӑнтарса ҫӗнӗлле йӗркеленипе ҫыхӑннӑ та Раҫҫей Федерацийӗн тата Чӑваш Республикин физкультурӑн тава тивӗҫлӗ ӗҫченӗн Вячеслав Максимович Красновӑн ятне ӗмӗрлӗхе асра хӑварас тесе йышӑннӑ.

Хальхи вӑхӑтра училищӗре 238 студент вӗренет, вӗсенчен суйласа илнӗ спорт тӗсӗсемпе хушма вӗренӳ программисенче 159 ҫын спорт тӗсӗсемпе тата вӗренӳ пулӑшӑвӗсемпе 79 ҫын. Раҫҫейри 13 спорт мастерӗ, спорт мастерӗн 68 кандидачӗ, 48 пӗрремӗш разрядлӑ, 30-шӗ-массӑллӑ разрядлӑ спортсмен спорт хатӗрленӗвӗн хушма вӗренӳ программисенче вӗренеҫҫӗ. Спорт тӗсӗсемпе раҫҫейӗн пӗрлештернӗ командисен йышне училищӗн 43 вӗренекенӗпе студентне кӗртнӗ, тӗп йыша 29 спортсмена, резерв командисене -14.

Училищӗре вӗренекенсемпе республикӑри малта пыракан 68 тренер-преподаватель вӗренӳпе тренировка ӗҫне илсе пырать, вӗсенчен чылайӑшӗ "Раҫҫейӗн Тава тивӗҫлӗ тренерӗ" тата "Чӑваш Республикин Тава тивӗҫлӗ тренерӗ" ята тивӗҫет. Раҫҫейӗн тава тивӗҫлӗ тренерӗ Валентин Давалов, Чӑваш Республикин тава тивӗҫлӗ тренерӗсем Ольга Смирнова тата Геннадий Ильин ӗҫленӗ.

Ҫавӑн пекех училищӗре тӗрлӗ ҫулсенче СССР тата Раҫҫей Тава тивӗҫлӗ тренерӗсем Виктор Семеновпа Михаил Кузнецов вӑй хунӑ.

Профессисем

  • Физкультура (квалификаци — физкультурӑпа спорт педагогӗ).

Ӑнлантарусем

  1. ^ 1, 2, 3 Кочеткова Л.Д. 25 лет Чебоксарскому училищу олимпийского резерва. Государственный архив современной истории Чувашской Республики.
  2. ^ 1, 2, 3, 4, 5 История Чебоксарского УОР начинается с ШИСП. Чебоксарское училище олимпийского резерва.

Каçăсем

Категорисем