Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Смирнова Наталья Владимировна

РУВИКИ-ре ҫак хушаматлӑ ытти ҫынсем пирки те статьясем пур: Смирнова.

Смирнова Наталья Владимировна (ҫур. 1979 ҫулхи ҫӑвӑн 11-мӗшӗ, Ҫӗнӗ Шупашкар, Чăваш Автономиллĕ Социализмлă Совет Республики) — Раҫҫей спортсменки, ирӗклӗ кӗрешӳ енӗпе Раҫҫей чемпионачӗсен чемпионки тата призёрӗ, Европа чемпионачӗн призёрӗ, Раҫҫей тава тивӗҫлӗ спорт мастерӗ.

Пурнӑҫӗпе ӗҫӗ-хӗлӗ

1979 ҫулхи ҫӑвӑн 11-мӗшӗнче Чӑваш АССРӗнчи Ҫӗнӗ Шупашкар хулинче ҫуралнӑ.

Кӗрешӳ ӑсталӑхне Ҫӗнӗ Шупашкарти Ачасемпе ҫамрӑксен 1-мӗш спорт шкулӗнче Раҫҫей Федерацийӗн тава тивӗҫлӗ тренерӗ Н. П. Белов патӗнче туптама пуҫланӑ. Олимп резервӗн Ҫӗнӗ Шупашкарти училищинчен тата Кама патшалӑх физкультурӑпа спорт институтӗнчен вӗренсе тухнӑ[1][2].

2002 ҫултан пуҫласа 2012 ҫулччен ҫӗршывӑн пӗрлештернӗ командин пайташӗ. Пӗрлештернӗ командӑшӑн тупӑшнӑ ҫулсенче 4 виҫе категорийӗнче тупӑшнӑ — 51-рен пуҫласа 63 кг таран[3]. 2012 ҫулта спорт карьерине вӗҫленӗ[2].

Тренер карьери

Спорт карьерине вӗҫленӗ хыҫҫӑн 2012 ҫулта тренер ӗҫне куҫнӑ. 2012—2014 ҫулсенче Раҫҫейӗн хӗрарӑмсен пӗрлештернӗ командин тренерӗ пулса ӗҫленӗ, 2015 ҫулхи кӑрлачӑн 1-мӗшӗнчен вара Раҫҫейӗн юниорсен пӗрлештернӗ командин аслӑ тренерӗ пулма ҫирӗплетнӗ[2][4].

2018 ҫулта вӑл ертсе пынипе команда тӗнче тата Европа первенствисенче 8-шар медаль ҫӗнсе илнӗ[5].

Раҫҫей спорт кӗрешӗвӗн федерацийӗн 2026 ҫулхи даннӑйӗсем тӑрӑх, Дагестан Республикинче тренер пулса ӗҫлет[6][7].

Спорт кӑтартӑвӗсем

  • 2012 ҫулхи кӗрешӳ енӗпе Европа чемпионачӗ (Белград) — 2 (63 кг таран)[8];
  • 2009 ҫулхи кӗрешӳ енӗпе Европа чемпионачӗ (Вильнюс) — 3 (55 кг таран)[2];
  • 2006 ҫулхи кӗрешӳ енӗпе Европа чемпионачӗ (Мускав) — 3 (51 кг таран)[2];
  • 2005 ҫулхи кӗрешӳ енӗпе Европа чемпионачӗ (Варна) — 2 (51 кг таран)[2];
  • 2012 ҫулхи хӗрарӑмсен кӗрешӗвӗ енӗпе Раҫҫей чемпионачӗ — 3;
  • 2012 ҫулхи Иван Ярыгин Гран-прийӗ — 2;
  • 2011 ҫулхи хӗрарӑмсен кӗрешӗвӗ енӗпе Раҫҫей чемпионачӗ — 3;
  • 2009 ҫулхи хӗрарӑмсен кӗрешӗвӗ енепе Раҫҫей чемпионачӗ — 2;
  • 2009 ҫулхи Иван Ярыгин Гран-прийӗ — 1;
  • 2008 ҫулхи хӗрарӑмсен кӗрешӗвӗ енӗпе Раҫҫей чемпионачӗ — 1;
  • 2008 ҫулхи Иван Ярыгин Гран-прийӗ — 3;
  • 2007 ҫулхи хӗрарӑмсен кӗрешӗвӗ енӗпе Раҫҫей чемпионачӗ — 2;

Ҫемье

Йӑмӑкӗ, йӗкӗреш хӑраххи — Смирнова Ольга Владимировна, Олимп хатӗрленӗвӗн центрӗн хӗрарӑмсен кӗрешӗвӗ енӗпе хатӗрлекен тренерӗ[9].

Хисепӗ

2013 ҫултанпа Чӑваш Республикинче (Ҫӗнӗ Шупашкар е Шупашкар спорт шкулӗсенче) юниоркӑсен хушшинче Раҫҫей тава тивӗҫлӗ тата тӗнче класлӑ спорт мастерӗсен йӗкӗреш-спортменкӑсен Ольга тата Наталья Смирновсен парнисене ҫӗнсе илессишӗн хӗрарӑмсен ирӗклӗ кӗрешӗвӗ енӗпе Пӗтӗм Раҫҫейри ӑмӑртусем ирттереҫҫӗ[10][11].

Ӑнлантарусем

  1. ^ Уроженка Новочебоксарска Наталья Смирнова возглавила национальную сборную по вольной борьбе. grani21.ru. Пӑхнӑ кун: 2026 ҫулхи пушӑн 23-мӗшӗ.
  2. ^ 1, 2, 3, 4, 5, 6 Смирнова Наталья Владимировна. pg21.ru. Пӑхнӑ кун: 2026 ҫулхи пушӑн 23-мӗшӗ.
  3. ^ Александр Егоров. Звёзды нашей борьбы (выр.). Советская Чувашия (22 чӳкӗн 2013). Пӑхнӑ кун: 2026 ҫулхи пушӑн 23-мӗшӗ.
  4. ^ Сборную России по женской борьбе возглавила Наталья Смирнова из Новочебоксарска. cheboksary.ru. Пӑхнӑ кун: 2026 ҫулхи пушӑн 23-мӗшӗ.
  5. ^ Юниорки привезли по восемь медалей с первенств мира и Европы. wrestrus.ru. Пӑхнӑ кун: 2026 ҫулхи пушӑн 23-мӗшӗ.
  6. ^ Федерация спортивной борьбы России (выр.). wrestrus.ru. Пӑхнӑ кун: 2026 ҫулхи пушӑн 23-мӗшӗ.
  7. ^ Смирнова Наталья Владимировна. wrestrus.ru. Пӑхнӑ кун: 2026 ҫулхи пушӑн 25-мӗшӗ.
  8. ^ Наталья Смирнова пробилась в финал чемпионата Европы. wrestrus.ru. Пӑхнӑ кун: 2026 ҫулхи пушӑн 23-мӗшӗ.
  9. ^ Ольга Смирнова: Женское это дело — борьба (выр.). grani21.ru. Пӑхнӑ кун: 2026 ҫулхи пушӑн 23-мӗшӗ.
  10. ^ Юные спортсменки из разных регионов страны в Новочебоксарске разыграли призы сестёр Смирновых в соревнованиях по женской борьбе (выр.). Министерство физической культуры и спорта Чувашской Республики (23 пушӑн 2026). Пӑхнӑ кун: 2026 ҫулхи пушӑн 11-мӗшӗ.
  11. ^ Воспитанницы чувашской школы женской вольной борьбы выиграли 3 медали Всероссийских соревнований на призы сестер Смирновых (выр.). Министерство физической культуры и спорта Чувашской Республики (6 чӳкӗн 2024). Пӑхнӑ кун: 2026 ҫулхи пушӑн 23-мӗшӗ.

Каҫӑсем

Темӑпа ҫыхӑннисем

Категорисем