Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Иванов Александр Степанович

Disambig gray.svg Иванов хушаматлă урăх çынсем çинчен РУВИКИ-ре статьясем пур.

Иванов Александр Степанович (ҫур. 1957 ҫулхи утӑн 11-мӗшӗ, Çатракасси (Муркаш районĕ, Çатракасси ял тăрăхĕ)) — патшалӑх ӗҫченӗ. «Пӗрлӗхлӗ Раҫҫей» парти пайташӗ[1].

Чӑваш Республикин Президент Администрацийӗн ертӳҫи (2010—2014), Чӑваш Республикин информаци политикин тата массӑллӑ коммуникацисен министрӗ (2014—2018), Чӑваш Республикин вӗренӳ тата ҫамрӑксен политикин министрӗ (2018).

Пурнӑҫӗпе ӗҫӗ-хӗлӗ

Александр Степанович 1957 сулхи чӳкӗн 7-мӗшӗнче Чӑваш АССРӗн Муркаш районне кӗрекен Ҫатракасси ялӗнче ҫуралнӑ[2].

Александр Иванов 1979 ҫулта И.Я. Яковлев ячӗллӗ Чӑваш патшалӑх педагогика институтӗнче «Математика» специальноҫпе пӗлӳ илнӗ. Ҫавӑн пекех 1998 ҫулта вӑл Мускав патшалӑх социаллӑ университетран «Юриспруденци» специальноҫпе вӗренсе тухнӑ[2][1].

Хӑйӗн ӗҫӗ-хӗлне вӑл Ишлей вӑтам шкулӗнче ачасене математика предметне вӗрентнинчен пуҫланӑ[1]. Каярахпа Шупашкар районӗн Салапайкасси сакӑр ҫул вӗренмелли шкулӑн директорӗ, ВЛКСМ Шупашкар райкомӗн пӗрремӗш секретарӗ, ВЛКСМ Чӑваш обкомӗн организаци пайӗн заведующийӗ пулса тӑрӑшнӑ. 1988–1994 ҫулсенче Шупашкар районӗн халӑх вӗрентӗвӗн пай заведующийӗ пулнӑ[2].

1992–1994 ҫулсенче Кӳкеҫ посёлокӗн депутатсен пухӑвӗн депутачӗ пулнӑ[1].

1994–2001 ҫулсенче Шупашкар район администраци пуҫлӑхӗн ҫумӗ, пӗрремӗш ҫумӗ.

2001 ҫулхи утӑ уйӑхӗнчен пуҫласа 2010 ҫулхи авӑнӑн 13-мӗшӗччен Чӑваш Республикин Патшалӑх канашӗн Аппарат ертӳҫи пулнӑ. 2010 ҫулхи авӑн уйӑхӗнче ӑна Чӑваш Республикин Президент Администрацийӗн ертӳҫине лартнӑ, ҫав ҫулхи раштав уйӑхӗнче — Чӑваш Республикин Патшалӑх канашӗн Председатель ҫумне — Чӑваш Республикин Президент Администрацийӗн ертӳҫине. 2012 ҫулхи кӑрлачӑн 1-мӗшӗнче республика пуҫлӑхӗн ятне Президентран Пуҫлӑх ҫине улӑштарнӑ хыҫҫӑн унӑн должноҫӗн ячӗ улшӑннӑ: Чӑваш Республикин Патшалӑх канашӗн Председатель ҫумне — Чӑваш Республикин Пуҫлӑх Администрацийӗн ертӳҫи[2].

2014 ҫулхи юпа уйӑхӗнче ӑна Чӑваш Республикин информаци политикин тата массӑллӑ коммуникацисен министерствине ертсе пыма шанса панӑ. Ку ӗҫе вӑл 2018 ҫулхи ҫу уйӑхӗ таран пурнӑҫланӑ. Ҫав вӑхӑтрах, 2014 ҫулхи юпа уйӑхӗнчен пуҫласа 2015 сулхи авӑн уйӑхӗччен, Чӑваш Республикин Патшалӑх канашӗн Председатель ҫумӗ пулнӑ. 2018 ҫулхи ҫу уйӑхӗнче ӑна Чӑваш Республикин вӗренӳ тата ҫамрӑксен политикин министрӗн вырӑнне лартнӑ. Ку вырӑна вӑл юпа уйӑхӗччен йышӑннӑ[2].

2018 ҫулхи юпа уйӑхӗнче министр пуканне пушатнӑ хыҫҫӑн вӑл пӗр хушӑ И.Я. Яковлев ячӗллӗ Чӑваш патшалӑх педагогика университетӗнчи ректорат ҫумӗнче канашҫӑ пулса ӗҫленӗ. 2021 ҫултанпа Чӑваш кӗнеке издательствин тӗп директорӗн вырӑнне йышӑнать[2].

Хисепӗсем

Александр Степанович ҫакӑн пек медальсемпе орденсене тата хисепсене тивӗҫнӗ[2]:

  • Раҫҫей Федерацийӗн Федераллӑ Пухӑвӗн Патшалӑх Думин Аппарачӗн Хисеп хучӗ (2006)
  • Чӑваш Республикин Патшалӑх Канашӗн Хисеп хучӗ (2007);
  • «Чӑваш Республики умӗнчи тава тивӗҫлӗ ӗҫсемшӗн» орден медалӗ (2012);
  • «Чӑваш Республики умӗнчи тава тивӗҫлӗ ӗҫсемшӗн» орден (2018);
  • тата ыттисем.

Ӑнлантарусем

  1. ^ 1, 2, 3, 4 Иванов Александр Степанович (выр.). Единая Россия. Пӑхнӑ кун: 2025 ҫулхи ҫурлан 13-мӗшӗ.
  2. ^ 1, 2, 3, 4, 5, 6, 7 Иванов, Александр Степанович (гоударственный деятель; 07.11.1957) (выр.). «Наследие Чувашии». Цифровая библиотека чувашского наследия. Пӑхнӑ кун: 2025 ҫулхи ҫурлан 13-мӗшӗ.

Вуламалли

  1. Чувашская Республика. Глава (2012- ; М. В. Игнатьев). О награждении орденом «За заслуги перед Чувашской Республикой» Иванова А.С. : указ Главы Чувашской Республики [от 24 окт. 2018 г. № 119] // Вести Чувашии. — 2018. — 27 окт. (№ 42). — С. 63.
  2. Иванов, А. С. Александр Иванов: Электронлӑ мелпе анлӑн усӑ кураҫҫӗ : [Чӑваш Республикин информаци политикин тата массӑллӑ коммуникацисен министрӗпе калаҫни] / А. С. Иванов // Хыпар. — 2018. — 23 пуш/март. — С. 5 : сӑн ӳкерчӗк. — (Пурнӑҫран юлмасӑр / кӑларӑма И. Клементьева хатӗрленӗ).
  3. Петров, Д. Вӑлах вице-премьер та… / Д. Петров // Хыпар. — 2010. — 31 раштав. — С. 2.
  4. Иванов Александр Степанович // Государственный Совет Чувашской Республики третьего созыва. — Чебоксары, 2004. — С. 119.
  5. Иванов Александр Степанович // Энциклопедия Моргаушского района. — Чебоксары, 2020. — С. 144-145.
  6. Муллина, М. Перенастройка лояльности : в правительстве Чувашии поменяли руководителя / М. Муллина // Коммерсантъ. — 2011. — 8 февр. (№ 21). — С. 8. — (Поволжье).
  7. Назначен заместителем премьер-министра // Советская Чувашия. — 2011. — 12 янв. — С. 2. — (Общество).
  8. Чернова, О. Назначения и отставки / О. Чернова // Чебоксарские новости. — 2010. — 14 сент. — С. 1.

Каҫӑсем

Темӑпа ҫыхӑннисем

Категорисем