Çатракасси (Муркаш районĕ, Çатракасси ял тăрăхĕ)
Çатракасси, — Муркаш районӗнче вырнаçнă ял. Яла хăй вăхăтĕнче Çатракасси, Кошак, тата Сетой ялĕсене пĕрлештерсе тунă. 1927 çулчен Çатра-Хуракасси ятлă пулнă. Ял Шупашкартан 55 çухрăмра, Муркашран 3 çухрăмра ларать.
Ял ячĕ Çатра тата касси сăмахĕсенчен пулнă.
2002 çулхи перепись тăрăх ялта 237 кил шутланнă, 709 çын пурăннă. Ялта шкул, ача-пăча сачĕ, фельдшерпа аккушер пункчĕ, культура çурчĕ, вулавăш, спортзал, стадион, парк, лавкка пур. Яла шыв, газ кĕртнĕ. Ял урлă асфальтлă çул иртет.
Истори
Архив хучĕсем тăрăх XVIII ӗмӗрте ял Хоракасси ятлă пулнă. XIX ӗмӗрте ялта 16 хуçалăх пулнă. 1859 çулхи справочникре Çатракасси пек çырса хăварнă. Вал вахăтра ялта 22 кил шутланнă.
1926 çулхи çурла уйăхĕн 4-мĕшĕччен Етӗрне уесӗн Чăваш Сурăм вулăсне, каярах Шупашкар уесӗн Шурча вулăсĕнче шутланнă.
1927 çулхи юпа уйăхĕн 1 Тутаркас районне кĕнĕ. 1935 çулхи пуш уйăхĕн 1 хыççăн Ишлей районне, 1935 çулхи пуш уйăхĕн 8 хыççăн Тутаркас районне, 1939 çулхи кăрлач уйăхĕн 16 хыççăн Сĕнтĕр районне, 1944 çулхи пуш уйăхăн 30 хыççăн Муркаш районне, 1959 çулхи утă уйăхĕн 14 хыççăн Сĕнтĕр районне, 1962 çулхи раштав уйăхĕн 20 хыççăн Шупашкар районне кĕнĕ. 1964 çулхи пуш уйăхĕн 11 хыççăн хальхи вăхăтченех Муркаш районне кĕрет.
1924 çулта 83 килте 401 çын пурăннă.
Малтан ялта чиркӳ пулнă.
Паллă çыннисем
- Фёдорова Ольга Фёдоровна, Социаллă Ĕç Паттăрĕ.