Макаров Михаил Петрович
Макаров Михаил Петрович (1906 ҫулхи раштавӑн 4-мӗшӗ, Канаш районĕ, Чăваш Автономиллĕ Социализмлă Совет Республики — 1969 ҫулхи раштавӑн 18-мӗшӗ, Шупашкар) — совет саманин историкӗ, педагогӗ, педагогика ӑслӑлӑхӗсен кандидачӗ, доцент, РСФСР шкулӗн тава тивӗҫлӗ вӗрентекенӗ (1960), патшалӑх тата общество ӗҫченӗ. Халӑх комиссарӗ, Чӑваш АССР ҫутӗҫ министрӗ (1941—1952). Чӑваш АССР Аслӑ Канашӗн депутачӗ[1].
Пурнӑҫӗпе ӗҫӗ-хӗлӗ
Чӑваш. Хӑйӗн ӗҫӗ-хӗлне Ҫӗнӗ Мами вулӑс ӗҫтӑвкомӗн делопроизводителӗ пек пуҫланӑ. 1929 ҫулта Хусанти педагогика институчӗн чӑваш уйрӑмӗнчен вӗренсе тухнӑ. Институтран вӗренсе тухсан 1929—1941 ҫулсенче Етӗрнери коопераци техникумӗнче ӗҫленӗ, ачасене шкулта вӗрентнӗ, Шупашкар хулинчи темиҫе вӑтам шкулӑн директорӗ пулнӑ, ВКП(б) Шупашкар хула комитетӗнче парти ӗҫӗнче тӑрмашнӑ[1].
1938 ҫулта Шупашкарти Чӑваш патшалӑх педагогика институтӗнчен вӗренсе тухнӑ[1].
1941 ҫулхи раштав уйӑхӗнче ӑна халӑх комиссарне лартнӑ, 1946 ҫулхи пуш уйӑхӗнчен пуҫласа Чӑваш АССР ҫутӗҫ министрӗ пулса ӗҫленӗ. Ҫак вырӑна вӑл 1952 ҫулхи кӑрлач уйӑхӗччен йышӑннӑ[2].
1952—1962 ҫулсенче Чӑваш патшалӑх педагогика институчӗн куҫӑмсӑр вӗрентӗвӗ енӗпе ӗҫлекен директор ҫумӗ, педагогика кафедрин заведующийӗ тата институт доценчӗ пулнӑ[2].
Чӑваш АССР Аслӑ канашӗн депутатне суйланӑ[1].
Чӑваш халӑхне ҫутта кӑларнин кун-ҫулне тӗпченӗ. Монографи («Илья Николаевич Ульянов и просвещение чуваш», 1958), темиҫе ӑслӑлӑх статйин авторӗ[2].
Хисепӗсем
- Ӗҫлӗх Хӗрлӗ Ялав орденӗ;
- «Хисеп Палли» орденӗ;
- СССР медалӗсем;
- 1960 ҫулта ӑна РСФСР шкулӗн тава тивӗҫлӗ вӗрентекенӗ(выр.)чăв. ятне панӑ[1].
Ӑнлантарусем
- ^ 1, 2, 3, 4, 5 Ф.Ф. Фёдоров. Макаров Михаил Петрович (выр.). Чувашская энциклопедия. Пӑхнӑ кун: 2025 ҫулхи ҫурлан 20-мӗшӗ.
- ^ 1, 2, 3 Макаров, Михаил Петрович (педагог; 16.11.1906-18.12.1969) (выр.). «Наследие Чувашии». Цифровая библиотека чувашского наследия. Пӑхнӑ кун: 2025 ҫулхи ҫурлан 20-мӗшӗ.
Вуламалли
- Eгоров, Д. E. Макаров Михаил Петрович. Ученые-педагоги Чувашии и их вклад в развитие просвещения и педагогической науки. — Чебоксары, 1997. — С. 206—208.
- Земляков, А. Е. Михаил Петрович Макаров: 1906—1969. Нарком, исследователь историй просвещения. Организаторы науки и образования. — Чебоксары, 2008. — С. 119—128. — (Библиотека Президента Чувашской Республики; т. 5).
Каҫӑсем
- Ф.Ф. Фёдоров. Макаров Михаил Петрович (выр.). Чувашская энциклопедия. Пӑхнӑ кун: 2025 ҫулхи ҫурлан 20-мӗшӗ.
