Шостаковский Вячеслав Николаевич
Шостаковский Вячеслав Николаевич (1937 ҫулхи юпан 23-мӗшӗ, Стемас, Улатӑр районӗ, Чӑваш АССР) — совет саманинчи тата Раҫҫей политика ӗҫченӗ, РФ ФС Патшалӑх Думин пӗрремӗш пухӑвӗн депутачӗ (1993-1995)[1].
Кун-ҫулӗ
Львоври медицина институтне вӗренсе пӗтернӗ, философи ӑслӑлӑхӗсен кандидачӗ, истори ӑслӑлӑхӗсен докторӗ, профессор;
1986–1989 — Мускаври аслӑ парти шкулӗн ректорӗ; пӗтӗм Тӗнчери социаллӑ пурнӑҫпа экономика тата политологи тӗпчевӗсен фончӗн общество пӗлӗвӗсен центрӗн директорӗ (Горбачев фончӗ);
1989-мӗш ҫулта «КПССри демократиллӗ платформа» майлисен юхӑмне хутшӑннӑ;
1990 ҫулхи чӳк уйӑхӗнче РФ Республика партийӗн (РПРФ) сопредседателӗсенчен пӗри пулса тӑнӑ, партин сопредседателӗсенчен пӗрне, РПРФ Политканашӗн председательне суйланнӑ;
1994 ҫулта РПРФран тухнӑ та «Демократиллӗ Альтернатива» партин оргкомитечӗн председателӗ пулса тӑнӑ, 1995 ҫулта унӑн председательне суйланнӑ;
1995 ҫ. кӑрлач уйӑхӗнчен — «ЯБЛОКО» общество пӗрлӗхӗн Федераци Канашӗн бюровӗн пайташӗ.
Патшалӑх думин депутачӗ
1993 ҫулхи юпан 15-мӗшӗнче иртнӗ Раҫҫей Федерацийӗн Республика партийӗн IV съездӗнче Явлинскипе пӗр блока пӗрлешме йышӑну тунӑ. Думӑна 12 депутат тӑратнӑ, вӗсенчен 5-шне — Григорий Бондаревпа Валерий Горячева, ҫавӑн пекех парти сопредседателӗсенчен виҫҫӗшне — Вячеслав Шостаковскине, Игорь Яковенкона тата Владимир Лысенкона — Явлинский блокӗнчен депутатсен йышне суйланӑ.
Шостаковский В.Н. Вӗренӳ, культура тата ӑслӑлӑх комитечӗн пайташӗ, «Демократиллӗ альтернатива» парти председателӗ пулнӑ.
Ӑнлантарусем
- ^ Состав Государственной Думы первого созыва (выр.). Государственная Дума. Пӑхнӑ кун: 2020 ҫулхи ҫӑвӑн 17-мӗшӗ.
|
Ку статьяна РУВИКИН Вырӑс уйрӑмӗнчи Шостаковский, Вячеслав Николаевич статьяна чӑвашла куҫарса хатӗрленӗ. ' |
Темӑпа ҫыхӑннисем
 |
|
|---|
