Абрамов Владимир Никифорович

Абрамов Владимир Никифорович
Ҫуралнӑ вӑхӑт	1920 ҫулхи ҫӗртмен 16-мӗшӗ(1920-06-16)
Ҫуралнӑ вырӑн	Венёв[d], Тула кӗпӗрни[d], РСФСР
Вилнӗ вӑхӑт	1994 ҫулхи ҫурлан 19-мӗшӗ(1994-08-19) (74 ҫул)
Вилнӗ вырӑн	Севастополь, Украина
Пӑхӑнни	СССР
Ҫар тӗсӗ	Инженер
Звани
Часть	1-мĕш Беларуç фрончĕн 61-мĕш çарĕн 17-мĕш штурмлакан инженер-сапёр бригадин 85-мĕш уйрăм штурм инженер-сапёр батальонӗн командирĕ
Вӑрҫӑсем/ҫапӑҫусем	Иккӗмӗш Тӗнче вӑрҫи
Наградӑсемпе хисепсем

Абрамов Владимир Никифорович (1920 ҫулхи ҫӗртмен 16-мӗшӗ, Венёв^[d], Тула кӗпӗрни^[d] — 1994 ҫулхи ҫурлан 19-мӗшӗ, Севастополь) — Совет-финн тата Тӑван Ҫӗршывӑн Аслӑ вӑрҫисене хутшӑннӑ, 1-мĕш Беларуç фрончӗн 61-мĕш çарӗн 17-мӗш штурмлакан инженер-сапёр бригадин 85-мĕш уйрăм штурм инженер-сапёр батальонӗн командирӗ, Совет Союзӗн Паттӑрӗ (1945), майор.

Пурнӑҫӗпе ӗҫӗ-хӗлӗ

1920 ҫулхи ҫӗртмен 16-мӗшӗнче Тула кӗпӗрнин Венёв хулинче рабочи ҫемьинче ҫуралнӑ. Вырӑс. 1938 ҫулта вӑтам шкул пӗтерсен Хӗрлӗ Ҫар ретне тӑнӑ. 1939 ҫулта Мускаври ҫарпа инженери училищине вӗренсе пӗтернӗ хыҫҫӑн 1939—1940 ҫулсенчи Совет-финн вӑрҫине (1939 ҫулхи кӑрлачӑн 5-мӗшӗнчен пуҫласа 1940 ҫулхи пушӑн 13-мӗшӗччен) хутшӑннӑ.

1941 ҫулхи ҫӗртме уйӑхӗнче Тӑван Ҫӗршывӑн Аслӑ вӑрҫин фронтне ӑсатнӑ. Тепӗр ҫул КПСС ретне тӑнӑ. 1945 ҫулхи кӑрлачӑн 14-мӗшӗнче 1-мӗш Беларуҫ фрончӗн 61-мӗш ҫарӗн 17-мӗш штурмлакан инженер-сапёр бригадин 85-мӗш уйрӑм штурмлакан инженер-сапёр батальонӗн командирӗ, капитан, вӑл ертсе пыракан подразделени тӑшманӑн татти-сыпписӗр вутне пӑхмасӑр Пилица юханшывӗ урлӑ каҫнӑ. Ҫакӑн хыҫҫӑн Абрамов чи малтан траншейӑна кӗрсе кайнӑ. 1945 ҫулхи нарӑсӑн 27-мӗшӗнче ӑна Совет Союзӗн Паттӑрӗ ятне панӑ.

Ҫав 1945 ҫултах Абрамов, майор званине илнӗскер, запаса кайнӑ. Ногинска пурӑнма куҫнӑ, ӑна патшалӑх суту-илӳ ӗҫченӗсен профсоюзӗн хула комитечӗн председательне ҫирӗплетнӗ. 1968 ҫулта Мускаври Пӗтӗм Союзри совет суту-илӗвӗн куҫӑн мар институтне вӗренсе пӗтернӗ хыҫҫӑн столовӑйсен Ногинск тресчӗн директорӗн вырӑнне йышӑннӑ. 1978 ҫулхи ҫӗртме уйӑхӗнче Абрамов Севастополе куҫса кайнӑ.

Хисепӗсем

• Совет Союзӗн Паттӑрӗ (27.02.1945);
• «Ылтӑн Ҫӑлтӑр» медаль;
• Ленин орденӗ (27.02.1945);
• Хӗрлӗ Ялав орденӗ (12.07.1944);
• икӗ Тӑван Ҫӗршыв вӑрҫин орденӗн I степенӗ (04.04.1945, 11.03.1985);
• Тӑван Ҫӗршыв вӑрҫин орденӗн II степенӗ (25.03.1944);
• икӗ Хӗрлӗ Ҫӑлтӑр орденӗ (13.01.1943, 22.06.1944);
• медальсем.

Ӑнлантарусем

Каçăсем

•  Абрамов Владимир Никифорович «Ҫӗршыв Паттӑрӗсем» сайтра

• Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.