Абрамов Пётр Петрович
Абрамов Пётр Петрович (1915 ҫулхи раштавӑн 13-мӗшӗ [26-мӗшӗ], Полтавченское[d] — 2007 ҫулхи авӑнӑн 18-мӗшӗ, Ростов-Тан-çинчи) — Тӑван Ҫӗршывӑн Аслӑ вӑрҫинче 1-мӗш Украина фрончӗн 2-мӗш сывлӑш ҫарӗн 6-мӗш гварди бомбӑлакан авиаци корпусӗн 1-мӗш гварди бомбӑлакан авиаци дивизин 81-мӗш гварди бомбӑлакан авиаци полкӗн отряд командирӗ, гварди аслӑ лейтенанчӗ. Совет Союзӗн Паттӑрӗ (1948), подполковник (2000).
Пурнӑҫӗпе ӗҫӗ-хӗлӗ
Раҫҫей империн Кубань тӑрӑхӗнчи Полтавченское салинче ҫӗр ӗҫченӗ ҫемьинче ҫуралнӑ. Вырӑс.
1942 ҫултанпа ВКП (б) /КПСС пайташӗ. 1933 ҫулта Дон-ҫи-Ростоври ҫыхӑну ФЗУ-нче, 1937 ҫулта Батай граждан авиацийӗн шкулӗнче вӗренсе тухнӑ. Гражданла Сывлӑш Флотӗнче пилот пулса ӗҫленӗ.
Хӗрлӗ Ҫарта 1941 ҫултанпа. 1941 ҫулхи утӑ уйӑхӗнчен пуҫласа Тӑван Ҫӗршывӑн Аслӑ вӑрҫине хутшӑннӑ.
1-мӗш Украина фрончӗн 2-мӗш сывлӑш ҫарӗн 6-мӗш гварди бомбӑлакан авиаци корпусӗн 1-мӗш гварди бомбӑлакан авиаци дивизин 81-мӗш гварди бомбӑлакан авиаци полкӗн отряд командирӗ, гварди капитанӗ Беларуҫпе Украина партизанӗсене хӗҫ-пӑшалпа апат-ҫимӗҫ ҫитерес тӗлӗшпе палӑрнӑ. Вӑрҫӑ ҫулӗсенче хастар летчик-гвардеец пӗтӗмпе 300 вӗҫев тунӑ.
СССР Аслӑ Канашӗн Президиумӗн 1948 ҫулхи нарӑсӑн 23-мӗшӗнчи хушӑвӗпе нимӗҫ захватчикӗсемпе пыракан ҫапӑҫу фрончӗсенче ҫар командованийӗн хушӑвӗсене лайӑх пурнӑҫланӑшӑн тата хӑюлӑхпа паттӑрлӑх кӑтартнӑшӑн Абрамов Пётр Петрович капитана Ленин орденӗпе тата «Ылтӑн Ҫӑлтӑр» медальпе (№7794) чысласа Совет Союзӗн Паттӑрӗ хисеплӗ ят панӑ.
Вӑрҫӑ хыҫҫӑн Сывлӑш ҫар вӑйӗсенче хӗсметне малалла тӑснӑ. 1946 ҫулхи ҫурла уйӑхӗнчен пуҫласа П. П. Абрамов майор — запасра. 2000 ҫулта — подполковник.
Дон-ҫи-Ростовра пурӑннӑ. 2007 ҫулхи авӑнӑн 18-мӗшӗнче вилнӗ. Хулан Ҫурҫӗр масарӗнче пытарнӑ.
Астӑвӑм
Дон-ҫи-Ростовра Паттӑр пурӑннӑ ҫурт ҫине асӑну хӑми вырнаҫтарнӑ[1].
Хисепӗсем
- Совет Союзӗн Паттӑрӗ (23.02.1948, «Ылтӑн Ҫӑлтӑр» медаль № 7794);
- Ленин орденӗ (23.02.1948);
- икӗ Хӗрлӗ Ялав орденӗ (01.02.1944, 29.02.1944);
- Тӑван Ҫӗршыв вӑрҫин орденӗн I степенӗ (11.03.1985);
- Тӑван Ҫӗршыв вӑрҫин орденӗн II степенӗ (05.06.1943);
- икӗ Хӗрлӗ Ҫӑлтӑр орденӗ (26.11.1941, 07.08.1942);
- «Ленинграда хӳтӗленӗшӗн» медаль;
- «Тӑван Ҫӗршывӑн аслӑ вӑрҫин партизанне» медалӗн 1 степенӗ (26.12.1944);
- медальсем.
Ӑнлантарусем
- ^ Доски героям. Тӗрӗсленӗ: 2026 ҫулхи нарӑсӑн 4-мӗшӗ.
Вуламалли
- Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.
