Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Авдеев Николай Дмитриевич

Авдеев Николай Дмитриевич (1919 ҫулхи кӑрлачӑн 6-мӗшӗ, Семипалатинск облаҫӗ[d] — 1944 ҫулхи авӑнӑн 2-мӗшӗ) — Тӑван Ҫӗршывӑн Аслӑ вӑрҫинче аякка вӗҫекен авиацин 2-мӗш гварди авиаци корпусӗн 8-мӗш гварди авиаци дивизийӗн 8-мӗш гварди авиаци полкӗн эскадрилья штурманӗ, гварди капитанӗ, Совет Союзӗн Паттӑрӗ (1944).

Пурнӑҫӗпе ӗҫӗ-хӗлӗ

1919 ҫулхи кӑрлачӑн 6-мӗшӗнче Семипалатинск облаҫӗнчи Олеговка ялӗнче (халӗ Кокпектин районӗ, Тухӑҫ Казахстан облаҫӗ) рабочи ҫемьинче ҫуралнӑ. Вырӑс. КПСС пайташӗ (1941 ҫултанпа). 1937 ҫулта Оренбург облаҫӗнчи Орск хулинчи 1-мӗш (халӗ 10-мӗш шкул) вӑтам шкултан вӗренсе тухнӑ. Хӗрлӗ Ҫарта 1938 ҫултанпа. 1940 ҫулта Харьковри ҫар авиаци училищинчен вӗренсе тухнӑ, аякри бомбардировщик штурманӗ пулнӑ[1][2].

1941 ҫулхи ҫӗртме-утӑ уйӑхӗсенче юлташӗсемпе пӗрле 15 ҫапӑҫу вӗҫевне тухнӑ[3]. Ҫав ҫулах хӗлле 750-мӗш полк йышӗнче Мускава хӳтӗлеме хутшӑннӑ, Можайск, Мценск таврашӗнче нимӗҫ ҫарӗсен капламӗсене пырса ҫапнӑ. 1942 ҫулхи юпа уйӑхӗнчен пуҫласа лейтенант званийӗнче 751-мӗш полк йышӗнче бомбардировщик экипажӗн штурманӗ пулса хӗсметре тӑнӑ. 1942 ҫулхи чӳкӗн 2-мӗшӗнче Тацински районӗнчи аэродрома бомбӑсем пӑрахма задача илнӗ. Ӑна пурнӑҫланӑ чухне Авдеев самолёчӗн двигателӗ сиенленнӗ, анчах лейтенант самолета тӗл ҫине илсе тухнӑ та бомбӑсем пӑрахнӑ. Ҫавӑншӑн вӑл пӗрремӗш Хӗрлӗ Ялав орденне илнӗ.

1944 ҫулхи ҫурлан 19-мӗшӗнче Совет Союзӗн Паттӑрӗ ятне панӑ. Ленин орденӗпе, икӗ Хӗрлӗ Ялав орденӗпе, медальсемпе чысланӑ[4].

Тӑван Ҫӗршывӑн Аслӑ вӑрҫи вӑхӑтӗнче Тӗп, Кӑнтӑр-Анӑҫ, 1-мӗш Украина фрончӗсенчи ҫапӑҫусене хутшӑннӑ. Орёлпа Курск, Белгород тата Харьков, Полтавӑпа Киев, Ярославль тата Витебск патӗнчи ҫапӑҫусене хутшӑннӑ.

1944 ҫулта Люблин патӗнчи ҫапӑҫусенче, нимӗҫ истребителӗсен атакине сирсе янӑ вӑхӑтра, Николай Авдеевӑн самолётне персе антарнӑ. Вӑл 1944 ҫулхи авӑнӑн 2-мӗшӗнче сурансене пула вилнӗ. Киевра пытарнӑ. Унӑн ятне Киеври пӗр гранит плита ҫинче, Ӗмӗрхи Мухтав паркӗнче касса кӑларнӑ[5][1][3].

Хисепӗсем

  • Совет Союзӗн Паттӑрӗ (19.08.1944, «Ылтӑн Ҫӑлтӑр» медаль);
  • Ленин орденӗ (19.08.1944);
  • икӗ Хӗрлӗ Ялав орденӗ;
  • «Ленинграда хӳтӗленӗшӗн» медаль;
  • «Сталинграда хӳтӗленӗшӗн» медаль;
  • медальсем.

Астӑвӑм

  • Орск хулин Совет районӗнчи урама ун ятне панӑ;
  • Орск хулинчи 10-мӗш шкул ҫурчӗ ҫине асӑну хӑми вырнаҫтарнӑ[6];
  • Орскри Мухтав скверӗнче паттӑрӑн бюстне вырнаҫтарнӑ;
  • Николай Авдеев ячӗ Чугуево хулинчи мемориалта пур[7];
  • Киеври Ӗмӗрхи Мухтав паркӗнче пытарнӑ[8].

Ӑнлантарусем

  1. ^ 1, 2 Авдеев Николай Дмитриевич (1919 – 1944)(паллӑ мар). — Коммунальное государственное учреждение "Областная универсальная библиотека имени Абая". Пӑхнӑ кун: 2024 ҫулхи юпан 18-мӗшӗ.
  2. ^ 105 лет со дня рождения Героя Советского Союза Николая Дмитриевича Авдеева (выр.). ГБУ "Объединённый государственный архив Оренбургской области" (6 кӑрлачӑн 2024). Пӑхнӑ кун: 2024 ҫулхи юпан 18-мӗшӗ.
  3. ^ 1, 2 Лукерченко М. Орск. Исторический очерк. — Южно-Уральское книжное издательство, 1968. — С. 36. — 57 с.
  4. ^ Авдеев Н.Д.(паллӑ мар). Восточно-Казахстанская областная библиотека имени А.С. Пушкина. Пӑхнӑ кун: 2024 ҫулхи юпан 18-мӗшӗ.
  5. ^ Секрет М. Г. Золотые звёзды орчан. — 1973. — С. 4. — 33 с.
  6. ^ Орская молодежь героев не помнит (2024-10-15). Тӗрӗсленӗ: 2024 ҫулхи юпан 18-мӗшӗ.
  7. ^ Герой Советского Союза Авдеев Николай Дмитриевич. Герои страны. Пӑхнӑ кун: 2024 ҫулхи юпан 18-мӗшӗ.
  8. ^ Авдеев Николай Дмитриевич(паллӑ мар). Муниципальное автономное учреждение культуры «Орский краеведческий музей». Пӑхнӑ кун: 2024 ҫулхи юпан 18-мӗшӗ.

Вуламалли

  • Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.

Каçăсем

Темӑпа ҫыхӑннисем

Категорисем