Агрессине пула шар курнӑ айӑпсӑр ачасен пӗтӗм тӗнчери кунӗ

«РУВИКИ» ирӗклӗ энциклопединчи материал
Агрессине пула шар курнӑ айӑпсӑр ачасен пӗтӗм тӗнчери кунӗ
Ҫулталӑкри кун Ҫӗртме, 4
Официаллӑ сайт un.org/en/observances/ch…

Агрессине пула шар курнӑ айӑпсӑр ачасен пӗтӗм тӗнчери кунӗ (ҫавӑн пекех: Пӗтӗм тӗнчери айăпсăр ачасен-агрессирен инкек курнисен кунĕ[1], ПНО-н ытти официаллӑ чӗлхисемпе: исп. Día internacional de los Niños Víctimas Inocentes de Agresión, китай 受侵略戕害的无辜儿童国际日, фр. Journée internationale des enfants victimes innocentes de l’agression) — 1983 ҫултан пуҫласа ҫӗртме уйӑхӗн 4-мӗшӗнче ҫулсерен паллӑ тӑвакан кун.

1982 ҫулхи ҫурлан 19-мӗшӗнче хӑйӗн ҫӗнелнӗ 7-мӗш ятарлӑ сессийӗн[2] 31-мӗш пленарлӑ ларӑвӗнче Палестина ыйтӑвне пӑхса тухнӑ май ПНО Генеральнӑй Ассамблейи «Израиль агрессине пула Палестинӑпа Ливанта айӑпсӑр шар курнӑ ачасен йышӗ пысӑк пулнипе хумханса ӳкнӗ хыҫҫӑн» кашни ҫулхи ҫӗртмен 4-мӗшне Агрессине пула шар курнӑ айӑпсӑр ачасен пӗтӗм тӗнчери кунӗ тесе палӑртма йышӑннӑ[3].

Ҫак куна Израиль авиацийӗ 1982 ҫулхи ҫӗртмен 4-мӗшӗнче иртнӗ атакӑранпа ҫулталӑк ҫитнӗ май палӑртаҫҫӗ, ун чухне Бейрут ҫине тата Ливанти хӑш-пӗр ытти ял-хула ҫине пӗрремӗш хут тапӑннӑ пулнӑ. Вӑл вӑхӑтра ахаль ҫынсем хушшинче вилнисен йышӗ пысӑк пулнӑ, ҫав шутра ачасем те сахал мар вилнӗ.

Авиаципе хуласене ҫӗмӗрнин сӑлтавӗ — 1982 ҫулхи ҫӗртмен 3-мӗшпе ҫӗртмен 4-мӗш хушшинчи каҫхине Абу Нидалӗн террорла организацийӗ Аслӑ Британири Израиль элчине Шломо Аргова вӗлерме хӑтланни, ку ӗҫ-пуҫ 1982 ҫулхи Ливан вӑрҫине пуҫарса янӑ[4][5].

Ӑнлантарусем

  1. ^ Июнь уйăхĕн 4-мӗшӗнче - Пӗтӗм тӗнчери айăпсăр ачасен-агрессирен инкек курнисен кунĕ. (чăв.). «Урал сасси» (2020-06-04).
  2. Wayback Machine çинчи 2014 ҫулхи Ҫӗртме уйӑхӗн 6-мӗшӗнчи копийӗ (выбрать язык)
  3. ^ ООН сайтӗнчи палӑртакан кунӑн официаллӑ страници.
  4. ^ June 4, 1982 // Lebanese Civil War 1982 (акăлч.). liberty05.com. çăлкуçран архивланă 19 Ака уйӑхӗн 2012. Тĕрĕсленĕ 3 Ака уйӑхӗн 2013.
  5. Wayback Machine çинчи 2013 ҫулхи Кӑрлач уйӑхӗн 20-мӗшӗнчи копийӗ // The Guardian, 25 February 2003(акăлч.)

Каҫӑсем

WP-TranslationProject TwoFlags.svg Ку статьяна РУВИКИН Вырӑс уйрӑмӗнчи Международный день невинных детей — жертв агрессии статьяна чӑвашла куҫарса хатӗрленӗ.