Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Алексеев Аркадий Алексеевич

Disambig gray.svg Алексеев хушаматлă урăх çынсем çинчен РУВИКИ-ре статьясем пур.

Аркадий Алексеевич Алексеев (ҫур. 1937 ҫулхи авӑнӑн 9-мӗшӗ, Ҫӗнӗ Шупашкар) — строитель, СССР Строительство министерствин Чӑваш территори управленийӗн строительствӑпа монтаж тресчӗн 43-мӗш строительство управленийӗн комплекслӑ бригадин бригадирӗ. Социализмла Ӗҫ Паттӑрӗ (1974).

Пурнӑҫӗпе ӗҫӗ-хӗлӗ

1937 ҫулхи авӑнӑн 9-мӗшӗнче Чӑваш АССРӗн Шупашкар районӗнчи Ольтикасси ялӗнче (халӗ Ҫӗнӗ Шупашкар хула шутне кӗрет) колхозник ҫемйинче ҫуралнӑ. Ял хуҫалӑхӗнче ӗҫленӗ. Ҫара чӗнсе илнӗ. ГДРта хӗсметре тӑнӑ.

1961 ҫултанпа Ҫӗнӗ Шупашкарти строительство управленийӗнче химкомбинат тунӑ ҫӗрте тӗрлӗ ӗҫ тӑвакан, унтан комплекслӑ строительство бригадин бригадирӗ, прораб пулса ӗҫленӗ. Обществӑлла ӗҫе хутшӑннӑ. Хула канашӗн депутатне 6 хутчен суйланнӑ.

СССР Строительство министерствин Чӑваш территори управленийӗн 4-мӗш строительствӑпа монтаж тресчӗн 43-мӗш строительство управленийӗн комплекслӑ бригадин бригадирӗ.

СССР Аслӑ Канашӗн Президиумӗн хушӑвӗпе 1974 ҫулхи акан 3-мӗшӗнче «СССР правительствин ятарлӑ заданине пурнӑҫлас ӗҫре пысӑк ҫитӗнӳсем тунӑшӑн» Ленин орденӗпе тата «Ҫурлапа Мӑлатук» ылтӑн медальпе чысласа Социализм Ӗҫӗн Паттӑрӗ ятне панӑ[1].

Хисепӗсем

  • Ленин орденӗ;
  • «Ҫурлапа Мӑлатук» медаль;
  • «Хисеп Палли» орден;
  • «Пушарта паттӑрлӑх кӑтартнӑшӑн» медаль;
  • «Хастар ӗҫленӗшӗн. Владимир Ильич Ленин ҫуралнаранпа 100 ҫул ҫитнине асӑнса» медаль;
  • ВДНХ ылтӑн медалӗ[2];
  • «Ӗҫ ветеранӗ» медаль;
  • Ҫӗнӗ Шупашкар хулин хисеплӗ гражданинӗ (1998).

Ҫемье

Мӑшӑрӗ те, Вера Васильевна, строитель, пенсие кайиччен СУ-43 стройтрестра бетонщица пулса ӗҫленӗ[2].

Икӗ ача ҫуратса ӳстернӗ[2].

Ӑнлантарусем

  1. ^ Указ Президиума Верховного Совета СССР «О присвоения звания Героя Социалистического Труда работникам, наиболее отличившимся при выполнении специального правительственного задания СССР» от 3 апреля 1974 года
  2. ^ 1, 2, 3 И на груди Звезда Героя Соцтруда (выр.). www.grani21.ru. Пӑхнӑ кун: 2026 ҫулхи нарӑсӑн 19-мӗшӗ.

Вуламалли

  • Алексеев Аркадий Алексеевич // Энциклопедия Чебоксарского района. — Чебоксары, 2014. — Т. 1. — С. 42.
  • Алексеев Аркадий Алексеевич : [Герой Социалистического Труда] // Строители Чувашии / сост. П. Сымкин. — Чебоксары, 2015. — С. 21 : фот.
  • Алексеев, А. А. Где родился — там и пригодился / А. А. Алексеев // Грани. — 1998. — 22 окт.
  • Алексеев, А. А. И на груди Звезда Героя Соцтруда : [беседа с почет. гражданином г. Новочебоксарска Аркадием Алексеевым / записал В. Палладьев] ; фото М. Смирновой // Грани. — 2015. — 3 сент. — С. 8 : фот.
  • Мадебейкин, И. Н. Алексеев Аркадий Алексеевич / И. Н. Мадебейкин // Краткая чувашская энциклопедия. — Чебоксары, 2001. — С. 52.
  • Мадебейкин, И. Н. Алексеев Аркадий Алексеевич / И. Н. Мадебейкин // Чувашская энциклопедия. — Чебоксары, 2006. — Т. 1 : А-Е. — С. 73.
  • Павлов, Л. П. Алексеев Аркадий Алексеевич // Павлов, Л. П. Сторона моя чебоксарская / Л. П. Павлов, В. П. Станьял. — Кугеси, 1997. — С. 428.

Каçăсем

Категорисем