Алексеев Валерий Васильевич
| Ҫын пирки | |
| Алексеев Валерий Васильевич | |
 | |
| Çуралнă вăхăт | 1947 ҫулхи кӑрлачӑн 5-мӗшӗ (78 ҫулта) |
|---|---|
| Çуралнă вырăн | |
| Гражданлăх | |
| Альма-матер | |
Алексеев Валерий Васильевич (1947 ҫулхи кӑрлачӑн 5-мӗшӗ, Хачӑк, Шупашкар районӗ) — физикӑпа математика ӑслӑлӑхӗсен кандидачӗ, доцент[1].
Пурнӑҫӗпе ӗҫӗ-хӗлӗ
1964 ҫулта Ишлей вӑтам шкулӗнчен вӗренсе тухнӑ. 1970 ҫулта И.Я. Яковлев ячӗллӗ Чӑваш патшалӑх педагогика институтӗнче аслӑ пӗлӳ илнӗ, 1976 ҫулта В.И. Ленин ячӗллӗ Мускав патшалӑх педагогика институчӗн хытӑ япаласен физикин кафедри ҫумӗнче аспирантурӑна пӗтернӗ[2].
Ишлейри пысӑк вольтлӑ савутра токарь пулса ӗҫленӗ[2].
1974 ҫултанпа И.Я. Яковлев ячӗллӗ Чӑваш патшалӑх педагогика институтӗнче вӑй хунӑ[1]:
- 1974–1984 ҫулсенче — декан ҫумӗ;
- 1984 ҫултанпа — физикӑпа математика факльтечӗн деканӗ;
- 2010 ҫултанпа — университетӑн пӗрремӗш проректорӗ.
Университетра класикӑллӑ механика тата астофизика предметсемпе лекцисем вулать. Ӑслӑлӑх тӗпчевӗсен тӗп облаҫӗ — полимерсен физики тата механики[1].
Ӗҫӗсем
Пурӗ 20 ытла ӑслӑлӑх ӗҫӗ пичетлесе кӑларнӑ. 1981 ҫулта Мускавра унӑн «Релаксационные переходы в эластомерах» автореферачӗ пичетленсе тухнӑ[1].
Хисепӗсем
Валерий Васильевич ҫак хисепсене тивӗҫнӗ[2]:
- СССР Ҫутӗҫ министерствин Хисеп хучӗ;
- Чӑваш Республикин тава тивӗҫлӗ вӗренӳ ӗҫченӗ.
Ӑнлантарусем
Вуламалли
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 42. — 505 с.
- Ученые Чувашского государственного педагогического университета им. И.Я.Яковлева. — Чебоксары, 2010.