Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Бородин Иван Фёдорович

Бородин Иван Фёдорович (1925, Колпнянский район[d] — 1945 ҫулхи акан 25-мӗшӗ, Саксони) — Рабочисемпе хресченсен Хӗрлӗ Ҫарӗн красноармейцӗ. Вӑл Тӑван Ҫӗршывӑн Аслӑ вӑрҫине хутшӑннӑ. 1945 ҫулта ӑна Совет Союзӗн Паттӑрӗ ятне панӑ.

Пурнӑҫӗ

Иван Бородин 1925 ҫулта Бурычки ялӗнче ҫуралнӑ. Ку ял халь Орёл облаҫӗн Колпнянск районне кӗрет. Вӑл хресчен кил-йышӗнче ҫуралнӑ. Иван вӑтам пӗлӳ илнӗ. 1943 ҫулта ӑна Рабочисемпе хресченсен Хӗрлӗ Ҫарне хӗсмете чӗнсе илнӗ. 1944 ҫултанпа вӑл Тӑван Ҫӗршывӑн Аслӑ вӑрҫин фрончӗсенче ҫапӑҫнӑ. 1945 ҫулхи кӑрлач уйӑхӗ тӗлне гварди красноармейцӗ Иван Бородин 1-мӗш Украина фрончӗн 21-мӗш ҫарӗн 1-мӗш гварди кавалери корпусӗн 2-мӗш гварди кавалери дивизийӗн 7-мӗш гварди кавалери полкӗнче пулемётчик пулнӑ. Вӑл Польшӑна ирӗке кӑларнӑ чухне тата Одер урлӑ каҫнӑ чухне палӑрнӑ[1].

1945 ҫулхи кӑрлачӑн 24-мӗшӗнче Эренфорст хулишӑн (халь — Славенцице, Польша) ҫапӑҫу пулнӑ. Бородин хӑйӗн подразделенийӗнчен пӗрремӗш хула хӗррине кӗнӗ. Вӑл пулемётран пени взвода малалла кайма пулӑшнӑ. Ҫак ҫапӑҫура вӑл тӑшманӑн темиҫе салтакне пӗтернӗ. Одер юханшывӗ урлӑ каҫнӑ чухне Бородин каллех хӗвеланӑҫ ҫыранне пӗрремӗш тухнӑ. Вӑл пулемётран персе тӑрса взвод каҫнине хӳтӗленӗ. Ҫапӑҫура вӑл тӑшманӑн 2 пулемёт расчетне тӗп тунӑ. Ратибор хули (халь — Рацибуж, Польша) патӗнчи плацдармшӑн пыракан ҫапӑҫусенче Бородин 50 яхӑн тӑшман салтакне пӗтернӗ. Ҫапӑҫу вӑхӑтӗнче вӑл контузиленнӗ. Анчах та вӑл ҫапӑҫу вырӑнне пӑрахса кайман. 1945 ҫулхи акан 25-мӗшӗнче вӑл ҫапӑҫура пуҫне хунӑ. Ӑна Обермушюц ялӗн кӑнтӑр-хӗвелтухӑҫ енче (Германири Риза хули патӗнче) масарта пытарнӑ[1].

СССР Аслӑ Канаш Президиумӗн 1945 ҫулхи ҫӗртмен 27-мӗшӗнчи Указӗпе Иван Бородина вилнӗ хыҫҫӑн Совет Союзӗн Паттӑрӗ ятне панӑ. Ҫавӑн пекех ӑна Ленин орденӗпе тата Тӑван Ҫӗршыв вӑрҫин II степеньлӗ орденӗпе наградӑланӑ[1].

Ӑнлантарусем

  1. ^ 1, 2, 3 Бородин Иван Фёдорович (выр.). AZ Library. Пӑхнӑ кун: 2012 ҫулхи акан 15-мӗшӗ.

Вуламалли

  • Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.
  • За землю родную. — Орел, 1963. — С. 38—41.
  • Фролов П. И., Пирогов В. А., Макушев А. Ф. Боевое созвездие орловцев. — Тула, 1985. — С. 46—47.

Каҫӑсем

Темӑпа ҫыхӑннисем

Категорисем