Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Бочарников Иван Петрович

Бочарников Иван Петрович (1913 ҫулхи ҫӑвӑн 19-мӗшӗ, Гвазда[d], Тӗп-Хура ҫӗрлӗ область[d] — 1943 ҫулхи чӳкӗн 11-мӗшӗ, Васильковский район[d], Киев облаçĕ) — Рабочисемпе хресченсен Хӗрлӗ Ҫарӗн гварди аслӑ лейтенанчӗ, Тӑван Ҫӗршывӑн Аслӑ вӑрҫине хутшӑннӑскер, Совет Союзӗн Паттӑрӗ (1944)[1].

Пурнӑҫӗ

Иван Бочарников 1913 ҫулхи ҫу уйӑхӗн 19-мӗшӗнче Гвазда ялӗнче (халӗ — Воронеж облаҫӗнчи Бутурлиновка районӗ) хресчен кил-йышӗнче ҫуралнӑ[2]. Хӑйсен ялӗнчи шкулта ҫичӗ класс вӗренсе тухнӑ хыҫҫӑн Бутурлиновка посёлокӗнче хапрӑкпа савутӑн вӗренӳ шкулӗнче вӗреннӗ. Колхозра тракторист пулса ӗҫленӗ. 1935—1937 ҫулсенче Рабочисемпе хресченсен Хӗрлӗ Ҫарӗнче хӗсметре тӑнӑ, Урал ҫар округӗнче «Т-26» танк башнинин командирӗ пулнӑ. Ҫартан таврӑнсан комсомол район комитетӗнчи шкул уйрӑмӗн ертӳҫи, парти райкомӗн инструкторӗ, Клеповкӑри машинӑпа трактор станцийӗн (МТС) директорӗн политпай енӗпе ӗҫлекен ҫумӗ пулса ӗҫленӗ[2]. 1940 ҫулта ВКП(б) ретне кӗнӗ. 1941 ҫулхи пуш уйӑхӗнче Воронеж облаҫӗнчи Воронцовка районӗн ҫар комиссариачӗ ӑна каллех ҫара чӗнсе илнӗ[1].

1941 ҫулхи утӑ уйӑхӗнчен пуҫласа — Тӑван Ҫӗршывӑн Аслӑ вӑрҫи фрончӗсенче. Анӑҫ, Воронеж тата 1-мӗш Украина фрончӗсенче ҫапӑҫнӑ. Вӑрҫӑ вӑхӑтӗнче икӗ хут аманнӑ. Невельпа Великие Луки хулисене хӳтӗлеме, Мускавшӑн пынӑ ҫапӑҫӑва, Ржев-Вязьма операцине, Курск пӗккинчи ҫапӑҫӑва, Сулахай Украина ҫӗрӗсене ирӗке кӑларма, Деснапа Днепр урлӑ каҫма тата Киевшӑн пынӑ ҫапӑҫусене хутшӑннӑ[3]. 1943 ҫулхи чӳк уйӑхӗ тӗлне гварди аслӑ лейтенанчӗ Иван Бочарников 1-мӗш Украина фрончӗн 38-мӗш ҫарӗн 5-мӗш гварди танк корпусӗн 21-мӗш гварди танк бригадин танк ротипе командӑланӑ. Киев операцийӗ вӑхӑтӗнче уйрӑмах палӑрнӑ[1][4].

1943 ҫулхи чӳкӗн 11-мӗшӗнче Бочарников роти тӑшман тылне 20 ҫухрӑм кӗрсе кайса Киев облаҫӗн Васильков районӗнчи Саливонки ялне кӗрсе кайнӑ та унти гарнизона тӗп тунӑ. Ҫак ҫапӑҫура рота тӑшманӑн 9 орудине, 30 автомашинине, 50 урапана, 150 салтакӗпе офицерне пӗтернӗ. Бочарников танкне тӑшман снарячӗ лекнӗ, вӑйлӑ сирпӗннипе танк башни вӗҫсе тухнӑ. Бочарниковӑн икӗ урине те татса кайнӑ, ӑна танкран туртса кӑларса ҫапнӑ. Вӑл пистолетран перкелесе юлашки патронччен кӗрешнӗ, анчах тӑшман ӑна вӗлернӗ. Ӑна ҫав районти Гребёнки посёлокӗнче пытарнӑ[1][2].

Хисепӗсем

СССР Аслӑ Канаш Президиумӗ 1944 ҫулхи ҫурлан 25-мӗшӗнче кӑларнӑ Указпа «Киевшӑн пынӑ ҫапӑҫура кӑтартнӑ харсӑрлӑхпа паттӑрлӑхшӑн» Иван Бочарников гварди аслӑ лейтенантне вилнӗ хыҫҫӑн Совет Союзӗн Паттӑрӗ ятне панӑ.

Ҫавӑн пекех вӑл ҫак наградӑсене тивӗҫнӗ:

Астӑвӑм

  • Бочарников ятне вӑл ҫуралнӑ Гвазда ялӗнчи урампа шкула панӑ. Ялта астӑвӑм хӑми вырнаҫтарнӑ (2002 ҫул).
  • Бутурлиновка хулинче Паттӑрӑн бюстне лартнӑ (1995 ҫул)[1].
  • Гвазда ялӗнчи вӑтам шкулти пионер отрячӗ Паттӑр ячӗпе хисепленет[2].

Ӑнлантарусем

  1. ^ 1, 2, 3, 4, 5, 6 Бочарников Иван Петрович (выр.). warheroes.ru. Герои страны. Пӑхнӑ кун: 2026 ҫулхи ҫӑвӑн 28-мӗшӗ.
  2. ^ 1, 2, 3, 4 Бочарников Иван Петрович (выр.). victorymuseum.ru. Музей Победы. Пӑхнӑ кун: 2026 ҫулхи ҫӑвӑн 28-мӗшӗ.
  3. ^ 1, 2 Бочарников Иван Петрович (выр.). moypolk.ru. Бессмертный полк (21 акан 2015). Пӑхнӑ кун: 2026 ҫулхи ҫӑвӑн 28-мӗшӗ.
  4. ^ Урок мужества «Уходили ребята, словно дым в podnebese» (выр.). culture.ru. Культура.РФ. Пӑхнӑ кун: 2026 ҫулхи ҫӑвӑн 28-мӗшӗ.

Каçăсем

Темӑпа ҫыхӑннисем

Категорисем