Бухгалтер кунӗ
| Уяв | |
| Бухгалтер кунӗ | |
 Шутламалли счёт | |
| Тӗсӗ | Професси уявӗ |
|---|---|
| Палӑртаҫҫӗ | кашни ҫул |
| Кун |
|
«Бухгалтер кунӗ» — професси уявӗ, тӗнчери нумай ҫӗршывсенче ӑна бухгалтер учёчӗ енӗпе ӗҫлекен специалистсем (бухгалтерсем) паллӑ тӑваҫҫӗ.
Пӗтӗм тӗнчери бухгалтери кунӗ
«Пӗтӗм тӗнчери бухгалтери кунне» (акăл. «International Accounting Day») ҫулсерен чӳкӗн 10-мӗшӗнче паллӑ тӑваҫҫӗ. 1494 ҫулта ҫак кун бухгалтерин хальхи принципӗсен никӗсне хывакансенчен пӗри шутланакан итальян математикӗ Лука Пачоли «Арифметика, геометри, хутшӑнусемпе пропорцисен хисепӗ» (итал. «Summa de arithmetica, geometria, proportioni et proportionalità») ятлӑ кӗнеке пичетлесе кӑларнӑ[1].
Раҫҫейри бухгалтер кунӗ
Раҫҫейре «Бухгалтер кунне» палӑртассине патшалӑх шайӗнче официаллӑ йӗркепе ҫирӗплетмен[1].
Пурнӑҫра вара Раҫҫейри бухгалтерсем йӑлана кӗнӗ тӑрӑх ҫак професси уявне ҫулсерен чӳкӗн 21-мӗшӗнче палӑртаҫҫӗ[2]. Ҫакна 1996 ҫулхи чӳк уйӑхӗн 21-мӗшӗнче Раҫҫей Федерацийӗн Президенчӗ Борис Ельцин «Бухгалтери учёчӗ ҫинчен» 129-ФЗ №-лӗ саккуна алӑ пуснӑ кунпа ҫыхӑнтарса ирттереҫҫӗ (2013 ҫулхи кӑрлач уйӑхӗн 1-мӗшӗнче вӑл хӑйӗн вӑйне ҫухатнӑ; 2011 ҫулхи раштавӑн 6-мӗшӗнчен пуҫласа 402 №-лӗ федераллӑ саккун вӑйра тӑрать).
2000 ҫултан пуҫласа ҫак кунах, чӳкӗн 21-мӗшӗнче, Раҫҫейре официаллӑ йӗркепе ҫулсерен Раҫҫей Федерацийӗн налук органӗсенче ӗҫлекенсен професси уявне палӑртаҫҫӗ — «Раҫҫей Федерацийӗнчи налук органӗсен ӗҫченӗн кунне», ӑна 2000 ҫулхи чӳкӗн 11-мӗшӗнче йӗркеленӗ[2].
Раҫҫейри уяв историйӗ
2000 ҫулхи ҫӗртмен 21-мӗшӗнче Мускавра иртнӗ Раҫҫей бухгалтерӗсемпе аудиторӗсен Пухӑвӗн иккӗмӗш ларӑвӗнче Раҫҫей бухгалтерӗн кунне йӗркелессине сӳтсе явнӑ. «Бухгалтер кунӗ» ятлӑ професси уявне йӗркелеме ыйтакан хутпа Раҫҫей Федерацийӗн финанс министерствине тухма йышӑну тунӑ пулнӑ. «Бухгалтер кунӗ» валли чӳкӗн 21-мӗшне суйласа сӗннӗ пулнӑ — ҫакна 1996 ҫулхи чӳк уйӑхӗн 21-мӗшӗнче Раҫҫей Федерацийӗн Президенчӗ Борис Ельцин «Бухгалтери учёчӗ ҫинчен» федераллӑ саккуна алӑ пуснипе ҫыхӑнтарнӑ[3].
2002 ҫултанпа Раҫҫейри профессиллӗ бухгалтерсемпе аудиторсен институчӗ (Раҫҫей ИБП) чӳкӗн 28-мӗшӗнче Мускавра ҫулсерен «Профессиллӗ бухгалтер кунне» палӑртма пуҫланӑ[4].
2014 ҫулта Раҫҫей Федерацийӗн финанс министерствинче «Раҫҫей бухгалтерӗн кунӗ» валли официаллӑ майпа уявламалли куна суйлас ӗҫ пуҫланнӑ[5], анчах ӑна вӗҫне-хӗрне ҫитермен.
Раҫҫей регионӗсенче бухгалтер кунӗ
Раҫҫей Федерацийӗн хӑш-пӗр субъекчӗсенче «Бухгалтер кунне» уявламалли куна регион шайӗнче палӑртнӑ:
- «Ярославль облаҫӗнчи бухгалтер кунӗ» — ҫулсерен ака уйӑхӗн пӗрремӗш вырсарникунӗнче (1996 ҫултанпа)[6];
- «Волгоград облаҫӗнчи бухгалтер кунӗ» — чӳкӗн 1-мӗшӗ[7];
- «Красноярск крайӗн бухгалтерӗн кунӗ» — чӳкӗн 12-мӗшӗ[8];
- «Петербург бухгалтерӗн кунӗ» — чӳкӗн 15-мӗшӗ;
- «Мускав бухгалтерӗн кунӗ» — чӳкӗн 16-мӗшӗ[8];
- «Тутарстан бухгалтерӗн кунӗ» — чӳк уйӑхӗн юлашки эрнекунӗ[9];
- «Краснодар крайӗнчи аудиторпа бухгалтер кунӗ» — раштавӑн пӗрремӗш вырсарникунӗ (2007 ҫултанпа)[10];
- «Пермь крайӗнчи бухгалтер кунӗ» — чӳкӗн 19-мӗшӗ (2021 ҫултанпа).
Ӑнлантарусем
- ^ 1, 2 Екатерина Добрынина. «Homo buhgalteris». — Есть неофициальные праздники, которые «почитаемы в народе» побольше иных государственных дат. Например, День бухгалтера. «Российская газета» // rg.ru (21 Чӳк уйӑхӗн 2011). Пӑхнӑ кун: 25 Юпа уйӑхӗн 2014. Архивланӑ 25 Юпа уйӑхӗн 2014 ҫул.
- ^ 1, 2 Галина Миловидова, Константин Полтавский. Профессиональный календарь на ноябрь 2019 года. , Wayback Machine çинчи 2019 ҫулхи Юпа уйӑхӗн 25-мӗшӗнчи копийӗ Информационно-правовой портал «Гарант.ру» // garant.ru (25 октября 2019 года)
- ^ Заседание исполкома съезда бухгалтеров и аудиторов России. Официальный сайт Института профессиональных бухгалтеров и аудиторов России (ИПБ России) // ipbr.org (14 Чӳк уйӑхӗн 2000). Пӑхнӑ кун: 25 Юпа уйӑхӗн 2014. Архивланӑ 22 Раштав уйӑхӗн 2014 ҫул.
- ^ С Днём профессионального бухгалтера! — Уважаемые члены ИПБ России, поздравляем вас с корпоративным праздником — Днём профессионального бухгалтера, который отмечается ежегодно, 28 ноября! , Wayback Machine çинчи 2017 ҫулхи Раштав уйӑхӗн 1-мӗшӗнчи копийӗ Официальный сайт Института профессиональных бухгалтеров и аудиторов России (ИПБ России) // ipbr.org (27 ноября 2013 года)
- ^ Новости от главного редактора. Минфин выбирает День бухгалтера. Журнал «Главбух» // e.glavbukh.ru (4 Нарӑс уйӑхӗн 2014). Пӑхнӑ кун: 25 Юпа уйӑхӗн 2014. оригиналтан архивланӑ 28 Пуш уйӑхӗн 2022 ҫул.
- ^ Постановление губернатора Ярославской области А. И. Лисицына от 18 марта 1996 года № 109 «О проведении в Ярославской области Дня бухгалтера». , Wayback Machine çинчи 2017 ҫулхи Раштав уйӑхӗн 1-мӗшӗнчи копийӗ АО «Кодекс» // docs.cntd.ru
- ^ Волгоградские бухгалтеры отмечают свой праздник. , Wayback Machine çинчи 2013 ҫулхи Чӳк уйӑхӗн 3-мӗшӗнчи копийӗ // volgograd.ru
- ^ 1, 2 День бухгалтера в 2024 году: дата, история и традиции праздника (19.09.2024). Тĕрĕсленĕ 13 Чӳк уйӑхӗн 2024.
- ^ С днём бухгалтера Татарстана! , Wayback Machine çинчи 2013 ҫулхи Чӳк уйӑхӗн 12-мӗшӗнчи копийӗ // tatpochta.ru
- ^ Закон Краснодарского края от 14 декабря 2006 года № 1145-КЗ «Об установлении праздничных дней и памятных дат в Краснодарском крае». , Wayback Machine çинчи 2017 ҫулхи Чӳк уйӑхӗн 22-мӗшӗнчи копийӗ АО «Кодекс» // docs.cntd.ru
Каҫӑсем
- Галина Миловидова, Константин Полтавский. Профессиональный календарь на ноябрь 2019 года. Информационно-правовой портал «Гарант.ру» // garant.ru (25 октября 2019 года)