Валитов Минхайдар Минзалитович

	Ҫын пирки
	Валитов Минхайдар Минзалитович
Çуралнă вăхăт	1968 ҫулхи ҫурлан 16-мӗшӗ
Вилнĕ вăхăт	1987 ҫулхи ҫӗртмен 5-мӗшӗ (18 ҫул)

Валитов Минхайдар Минзалитович (1968 ҫулхи ҫурлан 16-мӗшӗ(19680816), Чкаловски, Патӑрьел районӗ — 1987 ҫулхи ҫӗртмен 5-мӗшӗ(19870605), Афганистан) — СССР Хӗҫпӑшаллӑ Вӑйӗсен рядовойӗ, Афганистанри вӑрҫа хутшӑннӑскер, хӗсмет тивӗҫӗсене пурнӑҫланӑ чухне пуҫне хунӑ, Хӗрлӗ Ҫӑлтӑр орденӗн кавалерӗ (вилнӗ хыҫҫӑн).

Кун-ҫулӗ

Минхайдар (хӑш-пӗр ҫӑлкуҫсенче Минхайдяр) Минзалитович Валитов 1968 ҫулхи ҫурла уйӑхӗн 16-мӗшӗнче Чӑваш Автономиллӗ Социализмлӑ Республикинчи Патӑрьел районӗнчи Чкаловски ялӗнче ҫуралнӑ. Вӑтам шкултан вӗренсе тухсан коопераци училищине вӗренме кӗнӗ^[1].

1986 ҫулхи юпан 10-мӗшӗнче Патӑрьел район ҫар комиссариачӗ Валитова СССР Хӗҫпӑшаллӑ Вӑйӗсене хӗсметне йыхравланӑ. Вӗренӳ вӑхӑтӗнче радиотелефонист-регулировщик ҫар специальноҫне алла илнӗ^[2].

1987 ҫулхи нарӑс уйӑхӗнче Валитова совет ҫарӗсен суйласа илнӗ салтакӗсен йышӗнче Афганистан Демократиллӗ Республикине янӑ, хӗсметре вӑл унта тӑма пуҫланӑ. 108-мӗш мотострелоксен дивизин 181-мӗш мотострелоксен полкӗнче радиотелефонист-регулировщик пулса хӗсметре тӑнӑ. 5 ҫар операцине ирттерме хастар хутшӑннӑ.

1987 ҫулхи ҫӗртмен 5-мӗшӗнче Валитов хӑйӗн взвочӗн йышӗнче Алихейль ял таврашӗнче черетлӗ ҫар операцине хутшӑннӑ. Унӑн уйрӑмӗ моджахедсен засадине лекнӗ те ирӗксӗрех ҫапӑҫӑва кӗме тивнӗ. Валитов, меллӗ вырӑн йышӑнса, позицие аманнӑ хыҫҫӑн та пӑрахса каймасӑр, хӑйӗн юлташӗсене каялла чакма пулӑшса автоматран персе тӑнӑ. Иккӗмӗш хут ӑна вилмеллех амантнӑ. Вӑл хӑйӗн пурнӑҫне шеллемесӗр ҫапӑҫнине пула взводри ытти салтаксем ҫӑлӑнса юлнӑ^[2].

Чӑваш Енри Патӑрьел районӗнчи Шӑнкӑртам ялӗнчи масарта пытарнӑ.

СССР Аслӑ Канашӗн Президиумӗн Хушӑвӗпе Валитов Минхайдар Минзалитович рядовоя вилнӗ хыҫҫӑн Хӗрлӗ Ҫӑлтӑр орденӗпе чысланӑ^[1].

Астӑвӑм

Валитов ячӗпе Шӑнкӑртам ялӗнчи пӗр урам хисепленет.
Валитова асӑнса Шӑнкӑртамра «Корэш» наци кӗрешӗвӗ енӗпе Чӑваш республикин турнирӗ иртет^[3].

Ӑнлантарусем

^ ¹^,² Книга Памяти о советских воинах, погибших в Афганистане. В 2-х томах. Том 1. — М.: Воениздат, 1995.
^ ¹^,² Валитов Минхайдяр Минзалитович. (выр.). Сайт, посвящённый истории 181-го мотострелкового полка.. Пӑхнӑ кун: 25 Ҫурла уйӑхӗн 2021. Архивланӑ 25 Ҫурла уйӑхӗн 2021 ҫул.
^ Валитов Минхайдяр Минзалитович. (выр.). Республиканский турнир по национальной борьбе «Корэш» в память воина-интернационалиста М. М. Валитова.. Пӑхнӑ кун: 25 Ҫурла уйӑхӗн 2021. Архивланӑ 25 Ҫурла уйӑхӗн 2021 ҫул.

[кп-1] ¹^,² Книга Памяти о советских воинах, погибших в Афганистане. В 2-х томах. Том 1. — М.: Воениздат, 1995.

[мсп-2] ¹^,² Валитов Минхайдяр Минзалитович. (выр.). Сайт, посвящённый истории 181-го мотострелкового полка.. Пӑхнӑ кун: 25 Ҫурла уйӑхӗн 2021. Архивланӑ 25 Ҫурла уйӑхӗн 2021 ҫул.

[корэш-3] Валитов Минхайдяр Минзалитович. (выр.). Республиканский турнир по национальной борьбе «Корэш» в память воина-интернационалиста М. М. Валитова.. Пӑхнӑ кун: 25 Ҫурла уйӑхӗн 2021. Архивланӑ 25 Ҫурла уйӑхӗн 2021 ҫул.

[1]

[2]

[3]