Васильев Леонид Васильевич
| Ҫын пирки | |
| Васильев Леонид Васильевич |
Васильев Леонид Васильевич (Ҫӗрпӳ районӗ, Чӑваш АССР) — Чӑваш АССРӗн тава тивӗҫлӗ вӑрманҫи.
Пурнӑҫӗ
1950 ҫулхи ҫу уйӑхӗн 5-мӗшӗнче Чӑваш АССРӗнчи Ҫӗрпӳ районӗнчи Елӳ ялӗнче ҫуралнӑ. Сӗнтӗрвӑрри вӑрман техникумӗнчен (1970) вӗренсе тухнӑ. 1970—1972 ҫулсенче Совет Ҫарӗнче хӗсметре тӑнӑ. Салтакран таврӑнсан Канаш вӑрман хуҫалӑхӗн Энӗшпуҫ лесничествинче вӑрман ӑсти пулса ӗҫлеме пуҫланӑ. 1977 ҫултан — Опытный вӑрман хуҫалӑхӗн Ҫӗрпӳ лесничествин техник-вӑрманҫи. Чернобыльти авари хыҫҫӑнхи лару-тӑрӑва сиенсӗрлетес ӗҫе хутшӑннӑ. Ҫӗрпӳ районӗнчи «Чернобыль» организацие ертсе пынӑ.
Хисепӗсем
- Паттӑрлӑх орденӗ (1999);
- Чӑваш АССР Аслӑ Канашӗн Президиумӗн Хисеп грамоти (1983);
- Чӑваш АССРӗн тава тивӗҫлӗ вӑрманҫи (1994);
- «РСФСР вӑрман пуянлӑхне перекетленӗшӗн тата йышлатнӑшӑн» паллӑ;
- «РСФСР Патшалӑх вӑрман хуралӗнче Х ҫул ӗҫленӗшӗн» паллӑ;
- «РСФСР Патшалӑх вӑрман хуралӗнче ХХ ҫул ӗҫленӗшӗн» паллӑ;
- «РСФСР Патшалӑх вӑрман хуралӗнче ХХХ ҫул ӗҫленӗшӗн» паллӑ.
Вуламалли
- Петрова Т.Г., Николаев В. Д. По труду и честь. — Новое время, 2023. — С. 115. — 168 с.