Волков Николай Иванович (Совет Союзĕн Паттăрĕ)
Волков Николай Иванович (1924 ҫулхи ҫӑвӑн 25-мӗшӗ, Кананикольское[d] — 1983 ҫулхи юпан 24-мӗшӗ, Магнитту[d], Челепи облаҫӗ) — Тӑван Ҫӗршывӑн аслӑ вӑрҫинче Хӗрлӗ Ҫар сержанчӗ, пулемётчик, Совет Союзӗн Паттӑрӗ (10.04.1945)[1][2][3]. Совет Союзĕн Паттăрĕн чысне илнĕ вăхăтра 1-мӗш Украина фрончӗн 5-мӗш гварди ҫарӗн 58-мӗш гварди стрелоксен дивизин 175-мӗш гварди стрелоксен полкӗн 1-мӗш стрелоксен ротин станок пулемёчӗн расчёчӗн пӗрремӗш номерӗ, гварди сержанчӗ.
Пурнӑҫӗпе ӗҫӗ-хӗлӗ
1924 ҫулхи ҫу уйӑхӗн 25-мӗшӗнче Пушкӑрт АССР йышӗнчи Зилаир кантонӗн Кананикольское салинче (халӗ Пушкӑрт Республикин Зилаир районӗнче вырнаҫнӑ) хресчен кил-йышӗнче ҫуралнӑ[4].
Пуҫламӑш шкултан вӗренсе тухнӑ, унтан колхозра ӗҫленӗ. 1942 ҫулхи ҫурла уйӑхӗнче Пушкӑрт АССРӗн Зилаир район ҫар комиссариачӗ Хӗрлӗ Ҫара хӗсмете чӗнсе илнӗ те Тӑван Ҫӗршывӑн Аслӑ вӑрҫин фронтне янӑ. 1945 ҫулхи кӑрлач уйӑхӗ тӗлне 1-мӗш Украина фрончӗн 5-мӗш гварди ҫарӗн 58-мӗш гварди стрелоксен дивизин 175-мӗш гварди стрелоксен полкӗн 1-мӗш стрелоксен ротин станок пулемёчӗн расчёчӗн пӗрремӗш номерӗ, гварди сержанчӗ пулнӑ. Одер урлӑ каҫнӑ чухне палӑрнӑ[5].
1945 ҫулхи кӑрлачӑн 23-мӗшӗнче Волков Оппельнран ҫурҫӗр-анӑҫалла Одер урлӑ хӑйӗн ротинче чи малтисенчен пӗри каҫнӑ та юханшывӑн анӑҫ ҫыранӗнче плацдарма туртса илес, тытса тӑрас тата анлӑлатас ӗҫе хастар хутшӑннӑ. Ҫав ҫапӑҫусенче Волков икӗ танка хӑй тӗп тунӑ, тӑшман салтакӗсемпе офицерӗсене те нумай пӗтернӗ.
СССР Аслӑ Канашӗн Президиумӗн 1945 ҫулхи акан 10-мӗшӗнчи хушӑвӗпе нимӗҫ захватчикӗсемпе пыракан ҫапӑҫу фрончӗсенче ҫар командованийӗн хушӑвӗсене лайӑх пурнӑҫланӑшӑн тата хӑюлӑхпа паттӑрлӑх кӑтартнӑшӑн Волков Николай Иванович гварди сержантне Ленин орденӗпе тата «Ылтӑн Ҫӑлтӑр» медальпе (№8882) чысласа Совет Союзӗн Паттӑрӗ хисеплӗ ят панӑ[5].
Вӑрҫӑ вӗҫленсен Волкова демобилизациленӗ. Тӑван тӑрӑха таврӑннӑ, колхозра счетоводра, унтан больницӑра завхозра ӗҫленӗ. 1960 ҫултанпа Магнитогорскра пурӑннӑ. 1983 ҫулхи юпан 24-мӗшӗнче вилнӗ, Магнитогорскра пытарнӑ[4].
Хисепӗсем
- Совет Союзӗн Паттӑрӗ (10.04.1945, «Ылтӑн Ҫӑлтӑр» медаль № 8882);
- Ленин орденӗ (10.04.1945);
- Мухтав орденӗн 3-мӗш степенӗ;
- медальсем[4].
Астӑвӑм
Волков ятне Магнитогорскри урама тата шкула панӑ, тӑван ялӗнче вӑл вӗреннӗ шкул ҫурчӗ ҫине асӑну хӑми вырнаҫтарнӑ[4].
Ӑнлантарусем
- ^ Волков Николай Иванович. Архивланӑ 2012 ҫулхи ҫӗртмен 13-мӗшӗ.
- ^ Волков Николай Иванович. Архивланӑ 2012 ҫулхи ҫӗртмен 13-мӗшӗ.
- ^ Волков Николай Иванович. Награда хучĕ. Страницы: 1. Архивланӑ 2012 ҫулхи ҫӗртмен 13-мӗшӗ. 2. Архивланӑ 2012 ҫулхи ҫӗртмен 13-мӗшӗ.
- ^ 1, 2, 3, 4 И. Г. Каримова. Волков Николай Иванович (выр.). Региональный интерактивный энциклопедический портал «Башкортостан» (8 чӳкӗн 2019). Пӑхнӑ кун: 2026 ҫулхи акан 2-мӗшӗ.
- ^ 1, 2 Н. В. Уфаркин. Волков Николай Иванович (выр.). Международный патриотический интернет-проект «Герои страны». Пӑхнӑ кун: 2026 ҫулхи акан 2-мӗшӗ.
Вуламалли
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — [[Служебная:Источники книг/отс., Рег. № в РКП 87-95382|ISBN отс., Рег. № в РКП 87-95382]].
- Подвиги их — бессмертны. — Уфа: Китап, 2000.
- Славные сыны Башкирии. Книга 3. Уфа, 1968.
Каçăсем
- Региональный интерактивный энциклопедический портал «Башкортостан». Волков Николай Иванович (2026 çулхи акан 2-мĕшĕнче тĕрĕсленĕ.).
- Международный патриотический интернет-проект «Герои страны». Волков Николай Иванович (2026 çулхи акан 2-мĕшĕнче тĕрĕсленĕ.).
- Республиканский музей боевой славы. Официальный сайт. Волков Николай Иванович (2026 çулхи акан 2-мĕшĕнче тĕрĕсленĕ.).
- Сайт «Стена Памяти» Волков Николай Иванович (2026 çулхи акан 2-мĕшĕнче тĕрĕсленĕ.).
