Воробьёв Александр Дмитриевич
Воробьёв Александр Дмитриевич (1921 ҫулхи авӑнӑн 11-мӗшӗ, Кострома облаҫӗ[d] — 1995 ҫулхи раштавӑн 26-мӗшӗ) — Тӑван Ҫӗршывӑн аслӑ вӑрҫинче Хӗрлӗ Ҫар старшини, Совет Союзӗн Паттӑрӗ (23.10.1943)[1][2][3]. Совет Союзĕн Паттăрĕн чысне илнĕ вăхăтра Воронеж фрончĕн 40-мĕш çарĕн 10-мĕш танк корпусĕн 11-й мотострелоксен бригадин стрелокӗ, хӗрлӗармеец.
Пурнӑҫӗпе ӗҫӗ-хӗлӗ
1921 ҫулхи авӑнӑн 11-мӗшӗнче Чернятино ялӗнче (халӗ Кострома облаҫӗн Острова районӗн территоринче) хресчен кил-йышӗнче ҫуралнӑ. Шкулта ҫичӗ класс пӗтернӗ. 1941 ҫулхи ака уйӑхӗнче Воробьёва Хӗрлӗ Ҫара хӗсмете илнӗ. 1943 ҫултан — Тӑван Ҫӗршывӑн Аслӑ вӑрҫин фрончӗсенче, Воронеж фрончӗн 40-мӗш ҫарӗн 10-мӗш танк корпусӗн 11-мӗш мотострелокӗсен бригадин стрелокӗ, хӗрлӗармеец. Днепршӑн ҫапӑҫнӑ чухне палӑрнӑ.
1943 ҫулхи авӑнӑн 22-мӗшӗнче Воробьёв хӑйӗн разведчикӗсен ушкӑнӗнче чи пӗрремӗшсенчен пӗри Днепрӑн хӗвеланӑҫ ҫыранне каҫнӑ. Украина ССРӗн Киев облаҫӗнчи Монастырёк хуторӗнче (халӗ — Ржищев посёлокне кӗрет) вӑл тӑшман штабне пӗтерме, нимӗҫ офицерне тата виҫӗ салтака тыткӑна илме, ҫавӑн пекех тӑшман докуменчӗсене туртса илме хутшӑннӑ.
СССР Аслӑ Канашӗн Президиумӗн 1943 ҫулхи юпан 23-мӗшӗнчи хушӑвӗпе нимӗҫ захватчикӗсемпе пыракан ҫапӑҫу фрончӗсенче ҫар командованийӗн хушӑвӗсене лайӑх пурнӑҫланӑшӑн тата хӑюлӑхпа паттӑрлӑх кӑтартнӑшӑн Воробьёв Александр Дмитриевич хӗрлӗармееца Ленин орденӗпе тата «Ылтӑн Ҫӑлтӑр» медальпе (№2799) чысласа Совет Союзӗн Паттӑрӗ хисеплӗ ят панӑ.
1946 ҫулта Воробьёв старшина званийӗнче демобилизациленнӗ. Киев облаҫӗнчи Бровары хулинче пурӑннӑ, йывӑҫ тирпейлекен комбинат цех пуҫлӑхӗнче ӗҫленӗ.
1995 ҫулхи раштавӑн 26-мӗшӗнче вилнӗ.
Хисепӗсем
- Совет Союзӗн Паттӑрӗ (23.10.1943, «Ылтӑн Ҫӑлтӑр» медаль № 2799);
- Ленин орденӗ (23.10.1943);
- Октябрь Революци орденӗ;
- Тӑван Ҫӗршыв вӑрҫин орденӗн I степенӗ;
- Хӗрлӗ Ҫӑлтӑр орденӗ;
- медальсем.
Астӑвӑм
Паттӑр ятне Костромари Мир лапамӗнчи Мухтав монуменчӗ ҫинче вырнаҫтарнӑ асӑну хӑмисем ҫине кӗртнӗ[4].
Ӑнлантарусем
- ^ Воробьёв Александр Дмитриевич. Архивланӑ 2012 ҫулхи ҫӗртмен 13-мӗшӗ.
- ^ Воробьёв Александр Дмитриевич. Архивланӑ 2012 ҫулхи ҫӗртмен 13-мӗшӗ.
- ^ Воробьёв Александр Дмитриевич. Указ ПВС СССР. В списке награждённых под номером 20.
- ^ ВОРОБЬЁВ А.Д. (выр.). starina44.ru. Пӑхнӑ кун: 2026 ҫулхи акан 9-мӗшӗ.
Вуламалли
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — [[Служебная:Источники книг/отс., Рег. № в РКП 87-95382|ISBN отс., Рег. № в РКП 87-95382]].
- Герои-освободители Черкасщины. — Днепропетровск: Промінь, 1980.
- Голубев Е. П. Боевые звёзды. — Ярославль: Верх.-Волж.кн.изд., 1972.
