Воскресенский Александр Андреевич (Совет Союзĕн Паттăрĕ)
Воскресенский Александр Андреевич (1921 ҫулхи чӳкӗн 23-мӗшӗ, Мускав — 2012 ҫулхи ҫӑвӑн 6-мӗшӗ, Мускав) — Тӑван Ҫӗршывӑн аслӑ вӑрҫинче Хӗрлӗ Ҫар командирӗ, Совет Союзӗн Паттӑрӗ (15.05.1946)[1] [2] [3]. Совет Союзĕн Паттăрĕн чысне илнĕ вăхăтра 2-мĕш Украина фрончĕн 7-мĕш механизациленӗ корпусĕн 63-мĕш механизациленӗ бригадин мотострелоксен взвочĕн командирĕ, лейтенант.
Пурнӑҫӗпе ӗҫӗ-хӗлӗ
1921 ҫулхи чӳкӗн 23-мӗшӗнче Мускавра служащий ҫемйинче ҫуралнӑ (унӑн ашшӗ священник пулнӑ). Вырӑс. Вӑтам шкул пӗтернӗ.
1940 ҫултанпа Хӗрлӗ Ҫарта. 1942 ҫулта Хабаровскри ҫар пехота училищине пӗтернӗ. 1943 ҫулхи юпа уйӑхӗнчен пуҫласа ҫарта.
63-мӗш механизациленӗ бригадӑн мотострелок взвочӗн командирӗ, лейтенант Александр Воскресенский 1945 ҫулхи ака уйӑхӗнче Чехословакие ирӗке кӑларнӑ чухне Носислав ялне (Брно хулинчен кӑнтӑралла) пӗрремӗшсенчен пӗри кӗнӗ.
Унӑн взвочӗ Свратка юханшывне каҫса, тӑшман тылне кӗрсе, ӑна хӑюллӑн тапӑннӑ. Брно хулишӗн ҫапӑҫнӑ чухне аманнӑ рота командирӗн вырӑнне йышӑннӑ. Медланки ялӗ патӗнче, Брно хӗрринче, Воскресенский йывӑр аманнӑ, анчах ҫапӑҫу хирӗнчен тухман.
Вӑрҫӑ хыҫҫӑн демобилизациленӗ. Мускаври тӗрлӗ тӗслӗ металлпа ылтӑн институтне пӗтернӗ. 1963 ҫултанпа КПСС пайташӗ.
Мускавра пурӑннӑ тата ӗҫленӗ. Каярахпа пенсие тухнӑ. 2012 ҫулхи ҫу уйӑхӗн 6-мӗшӗнче вилнӗ.
Кӑсӑк факт
Хӑйӗн ашшӗ ҫинчен — Андрей Воскресенский, каярахпа священномучениксен шутне кӗртнӗскер, — Александр Андреевичпа унӑн йӑмӑкӗ Людмила 1960 ҫул хыҫҫӑн ҫеҫ пӗлнӗ, ун чухне унӑн уголовнӑй ӗҫӗпе паллашма май килнӗ.
Чыславсем
Совет Союзӗн Геройӗ ятне 1946 ҫулхи ҫу уйӑхӗн 15-мӗшӗнче панӑ.
Ленин орденӗпе, 1 степеньлӗ Тӑван ҫӗршыв вӑрҫин орденӗпе тата Хӗрлӗ Ҫӑлтӑр орденӗпе, ҫаплах медальсемпе, вӗсен хушшинче «Хӑюллӑ ӗҫшӗн» медальпе чысланӑ.
Ӑнлантарусем
- ^ Воскресенский Александр Андреевич. Архивланӑ 2012 ҫулхи ҫӗртмен 13-мӗшӗ.
- ^ Воскресенский Александр Андреевич.
- ^ Воскресенский Александр Андреевич. Награда хучĕ. Страницы: 1. Архивланӑ 2012 ҫулхи ҫӗртмен 13-мӗшӗ. 2. Архивланӑ 2012 ҫулхи ҫӗртмен 13-мӗшӗ.
