Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Вязова Лидия Ананьевна

Вязова Лидия Ананьевна (ҫур. 1939 ҫулхи раштавӑн 7-мӗшӗ, Сейма[d], Володарск районӗ[d], Чулхула облаçĕ, Раççей Федерациллĕ Социализмлă Совет Республики, СССР) — совет саманинчи шкул ачисене вӗрентекен, Чӑваш ССРӗн тава тивӗҫлӗ вӗрентекенӗ (1991).

Пурнӑҫӗпе ӗҫӗ-хӗлӗ

1939 ҫулхи раштав уйӑхӗн 7-мӗшӗнче Чулхула облаҫӗн Володарск районӗнчи Сейма чукун ҫул станцийӗнче ҫар ҫыннин ҫемйинче ҫуралнӑ. Чӑваш.

1947—1957 ҫулсенче Чӑваш АССРӗн Муркаш районӑнчи Оринин шкулӗнче вӗреннӗ. Шкул пӗтерсен «Хӗрлӗ Сормово» колхозра ӗҫлеме пуҫланӑ, 1959 ҫулта Оринин шкулӗнче аслӑ пионервожатӑй пулса ӗҫлеме куҫнӑ[1].

1961—1965 ҫулсенче И. Я. Яковлев ячӗллӗ Чӑваш патшалӑх педагогика институтӗнче аслӑ пӗлӳ илнӗ, «Вырӑс чӗлхипе литературин, чӑваш чӗлхипе литературин вӗрентекенӗ» специальноҫпе вӗренсе тухнӑ[2].

1965–1966 ҫулсенче Муркаш районӗнчи Ильинка вӑтам шкулӗнче ачасене вырӑс чӗлхипе литературине вӗрентнӗ, 1966 ҫулта Оринин вӑтам шкулне ӗҫлеме куҫнӑ, 1968 ҫулта ӑна класс тулашӗнчи тата шкул тулашӗнчи ӗҫсемшӗн яваплӑ йӗркелӳҫӗ пулма ҫирӗплетнӗ[1].

1971 ҫултанпа Шупашкар районӗнчи Вӑрман-Ҫӗктер вӑтам шкулӗнче ӗҫленӗ. Малтан шкул ачисене вырӑс чӗлхипе литературине вӗрентнӗ, 1978 ҫултанпа шкул директорӗн вӗренӳпе воспитани енӗпе ӗҫлекен ҫумӗ должноҫӗнче вӑй хунӑ. Пурӗ ҫак шкулта вӑл 38 ҫул вӗрентнӗ. 2001 ҫулта тивӗҫлӗ канӑва кайнӑ[1].

Обществӑлла ӗҫсем

1972—1991 ҫулсенче Вӑрман-Ҫӗктер вӑтам шкулӗнчи парти организацийӗн секретарӗн тивӗҫӗсене пурнӑҫласа пынӑ[1].

Хисепӗсем

Лидия Ананьевна ҫакӑн пек хисепсене тивӗҫнӗ[1][3]:

  • РСФСР Ҫутӗҫ министерствин Хисеп хучӗ (1974);
  • «Хисеп палли» орден (1978);
  • «Ӗҫ ветеранӗ» медаль (1984);
  • КПСС Чӑваш обкомӗн тата Чӑваш АССР Министрсен Канашӗн Хисеп хучӗ (1990);
  • Чӑваш ССРӗн тава тивӗҫлӗ вӗрентекенӗ (1991)[4].

Ҫемье

Тӑванӗсем хушшинче ачасене пӗлӳ парас енӗпе пурнӑҫ ҫулне суйланисем нумай[5]:

  • Никитин Сергей Петрович — пиччӗшӗ, вырӑс чӗлхипе литературин вӗрентекенӗ;
    • Горшкова Татьяна Сергеевна — пиччӗшӗн хӗрӗ, математика вӗрентекенӗ.
    • Тихонова Людмила Сергеевна — пиччӗшӗн хӗрӗ, пуҫламӑш классен вӗрентекенӗ
    • Никитина Вера Ананьевна — пиччӗшӗн арӑмӗ, истори вӗрентекенӗ.

Ӑнлантарусем

  1. ^ 1, 2, 3, 4, 5 Вязова Лидия Ананьевна (выр.). Муниципальное бюджетное общеобразовательное учреждение «Вурман-Сюктерская средняя общеобразовательная школа» Чебоксарского муниципального округа Чувашской Республики. Пӑхнӑ кун: 2026 ҫулхи ҫӑвӑн 13-мӗшӗ.
  2. ^ Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 127. — 505 с.
  3. ^ Т. Л. Молаева. Энциклопедия Чебоксарского района : Вязова Лидия Ананьевна (выр.). Цифровая библиотека НБ ЧР. Пӑхнӑ кун: 2026 ҫулхи ҫӑвӑн 13-мӗшӗ.
  4. ^ Указ Президиума Верховного Совета Чувашской ССР «О присвоении почетного звания «Заслуженный учитель Чувашской ССР» (выр.). Национальная библиотека Чувашской Республики. Пӑхнӑ кун: 2026 ҫулхи ҫӑвӑн 13-мӗшӗ.
  5. ^ https://old-morgau.cap.ru/sitemap.aspx?id=24398&

Вуламалли

  • Родники памяти: Краткие биографии. - Чебоксары, 2009.
  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 127. — 505 с.

Каҫӑсем

Категорисем