Вӑрнар ял хуҫалӑх техникумӗ
Вӑрнар ял хуҫалӑх техникумӗ (выр. Вурнарский сельскохозяйственный техникум) — Чӑваш Республикинчи чи ватӑ вӗренӳ заведенийӗсенчен пӗри[1].
Историйӗ
Вӑрнар ял хуҫалӑх техникумӗ (1-мӗш вӗренӳ корпусӗ) республикӑри чи ватӑ вӗренӳ заведенийӗсенчен пӗри шутланать, Ӑна 1920 ҫулта Шупашкарта вӑтам ял хуҫалӑх шкулӗ пек уҫнӑ. Техникум Александри чӑваш хӗрарӑм мӑнастирӗн никӗсӗ ҫинче вырнаҫнӑ[1].
1930 ҫулта ӑна выльӑх-чӗрлӗх тата ветеринари техникумӗ ят панӑ.
1968 ҫулхи утӑ уйӑхӗн 1-мӗшӗнчи «Родина» колхоза тата Вӑрнарти зооветтехникума пӗрлештерсе Вӑрнар совхоз-техникумне туса хунӑ[2][3].
РСФСР Ял хуҫалӑх министерствин 1792 ҫулхи пушӑн 17-мӗшӗнчи 174-мӗш хушӑвне тӗпе хурса 1992 ҫулта Вӑрнар совхоз-техникумне Вӑрнар ял хуҫалӑх техникумӗ ят панӑ.
Раҫҫей Федерацийӗн Ял хуҫалӑх министерствин 2000 ҫулхи чӳкӗн 16-мӗшӗнчи 918-мӗш хушӑвӗпе 2000 ҫулхи чӳкӗн 16-мӗшӗнчен Вӑрнар ял хуҫалӑх техникумне федерацин вӑтам професси пӗлӗвӗ паракан «Вӑрнар ял хуҫалӑх техникумӗ» патшалӑх вӗренӳ учрежденийӗ туса хунӑ.
2010 ҫулхи раштавӑн 12-мӗшӗнчен «Вӑрнар ял хуҫалӑх техникумӗ» вӑтам професси пӗлӗвӗн федераллӑ патшалӑх вӗренӳ учрежденийӗн учредителӗ Раҫҫей Федерацийӗн Вӗрентӳпе наука министерстви шутланать.
2013 ҫулта техникума Вӑрнарти 29-мӗш професси училищипе пӗрлештернӗ.
Техникумран ял хуҫалӑх профильлӗ вӑтам звенори 17 пин ытла специалист вӗренсе тухнӑ.
Профессисем
- Пӗтӗмӗшле строительство ӗҫӗсен маҫтӑрӗ[4];
- Аш-какай тата аш-какай продукчӗсен технологийӗ (квалификаци — технолог)[4];
- Автомеханик;
- Машинӑпа трактор паркне пӑхса-юсаса тӑракан маҫтӑр;
- Ветеринари (квалификаци — ветеринар)[4];
- Экономика тата бухгалтер учечӗ (отрасльсемпе);
- Повар, кондитер[4];
- Аппаратпа программӑна йӗркелекенсем;
- Пахчаҫӑ;
- Каменщик.
Ӑнлантарусем
- ^ 1, 2 Вӑрнарти ял хуҫалӑх техникумӗ-чӑваш Республикинчи чи ватӑ вӗренӳ заведенийӗсенчен пӗри Вурнарский МО.
- ^ Вӑрнар ял хуҫалӑх техникумӗ. Чӑваш энциклопедийӗ
- ^ Вӑрнар районӗн энциклопедийӗ. Том 2: Вӑрнарти ял хуҫалӑх техникумӗ - ФГОУ СПО «ВСХТ»
- ^ 1, 2, 3, 4 Вӑрнар ял хуҫалӑх техникумӗ Чӑваш Енӗн Вӗренӳ Министерстви абитуриентсене 2025 ҫулта ҫак вӗренӳ программисемпе йышӑнассине пӗлтерет.