Гаврилов Николай Емельянович
Гаврилов Николай Емельянович (1929 ҫулхи кӑрлачӑн 2-мӗшӗ, Тупах, Вӑрмар районӗ, Чӑваш АССР — 2005 ҫулхи утӑн 23-мӗшӗ, Питӗр, Раҫҫей Федерацийӗ) — совет саманинче производствӑра малта пыракан, Социализмла Ӗҫ Паттӑрӗ (1982).
Пурнӑҫӗпе ӗҫӗ-хӗлӗ
1929 ҫулхи кӑрлачӑн 2-мӗшӗнче Чӑваш АССРӗн Вӑрмар районӗнчи Тупах ялӗнче, чӑваш ҫемйинче ҫуралнӑ.
Кӗтӳҫре, колхозра конюхра ӗҫленӗ. Совет Ҫарӗнче хӗсметре тӑнӑ. Демобилизаци хыҫҫӑн 1953 ҫулта Ленинграда тухса кайнӑ, платник пулса ӗҫленӗ, унтан 35 ҫул хушши — Главленинградстройри 18-мӗш «Ленуниверситетстрой» обществӑлла трестӑн 16-мӗш куҫса ҫӳрекен механизациленӗ колоннӑн комплекслӑ бригадин бригадирӗ. 1973 ҫулхи плансене тата йышӑннӑ социализмла обязательствӑсене ирттерсе пурнӑҫланӑшӑн Ленин орденӗпе чысланӑ.
Вӑл ертсе пыракан бригада 1976 ҫулта тума пуҫланӑ Синявино кайӑк-кӗшӗк ӗрчетекен комплекса тунӑ ҫӗре хутшӑннӑ. Вӑл Европӑра ҫӑмарта тата кайӑк-кӗшӗк какайне туса кӑларакан чи пысӑк комплекс пулса тӑнӑ.
Ленинград облаҫӗнчи Синявино кайӑк-кӗшӗк ӗрчетекен комплекса тунӑ чухнехи пысӑк ҫитӗнӳсемшӗн СССР Аслӑ Канашӗн Президиумӗн 1982 ҫулхи ҫу уйӑхӗн 7-мӗшӗнчи хушӑвӗпе Ленин орденӗ тата «Ҫурлапа Мӑлатук» ылтӑн медаль парса Николай Емельянович Гаврилова Социализмла Ӗҫ Паттӑрӗн ятне панӑ[1].
Питӗр хулинче пурӑннӑ, 2005 ҫулхи утӑ уйӑхӗн 23-мӗшӗнче вилнӗ.
Хисепӗсем
- Социализмла Ӗҫ Паттӑрӗ (07.05.1982),
- Ленин орденӗ (27.02.1974, 07.05.1982 № 395023),
- «Ҫурлапа Мӑлатук» ылтӑн медаль (07.05.1982 № 20060),
- «1941—1945 ҫҫ. Тӑван Ҫӗршывӑн Аслӑ вӑрҫинче хастар ӗҫленӗшӗн» медаль,
- «Ӗҫри хастарлӑхшӑн» медаль (18.11.1965),
- медальсем.
Ӑнлантарусем
- ^ Указ Президиума Верховного Совета СССР о присвоении Н.Е. Гаврилову звания Героя Социалистического Труда. (выр.). Ведомости ВС СССР. 1982. № 19. Ст. 329. (7 ҫӑвӑн 1982).
Вуламалли
- Гаврилов Николай Емельянович // Энциклопедия Урмарского района. — Чебоксары, 2023. — С. 107-108 : фот.
- Мадебейкин, И. Н. Гаврилов Николай Емельянович / И. Н. Мадебейкин // Родники памяти / [сост. Я. Н. Зайцев и др.]. — Чебоксары, 2009. — С. 6.
- Мадебейкин, И. Н. Гаврилов Николай Емельянович / И. Н. Мадебейкин // Чувашская энциклопедия. — Чебоксары, 2006. — Т. 1 : А-Е. — С. 392.
- Сержант стройки: Гаврилов Николай Емельянович. — Текст : электронный.