Вырӑсла версиЯтарлӑ проектсем
Сӑна ӗнерлеЧӗлхе суйлаИнформаци
РУВИКИ ҪИНЧЕН

Гречко Георгий Михайлович

Георгий Михайлович Гречко (1931 ҫулхи ҫӑвӑн 25-мӗшӗ[1][2], Санкт-Петербург[d], Раççей Федерациллĕ Социализмлă Совет Республики, СССР[1] — 2017 ҫулхи акан 8-мӗшӗ, Мускав, Раҫҫей Федерацийӗ) — совет космонавчӗ, икӗ хутчен Совет Союзӗн Паттӑрӗ.

Пурнӑҫӗ

undefined

1931 ҫулхи ҫӑвӑн 25-мӗшӗнче Ленинградра служащийсен ҫемйинче ҫуралнӑ. Ашшӗ — украинец, амӑшӗ — беларус[3][4]. Вӑрҫӑ пуҫлансан Украинӑна кукашшӗ-кукамӑшӗ патне кайса икӗ ҫул оккупацире пурӑннӑ. 1955 ҫулта Ленинградри механика институтне хӗрлӗ дипломпа вӗренсе пӗтернӗ, каярах Тӗп конструктор бюровӗнче С. П. Королёв патӗнче ӗҫленӗ[5]. 1966 ҫултанпа — космонавтсен ушкӑнӗнче.

Космосри вӗҫевӗсем

Пӗтӗмпе виҫӗ хутчен космоса вӗҫнӗ, вӗҫевсен пӗтӗмӗшле вӑхӑчӗ — 134 талӑк та 20 сехет те 32 минут. Уҫӑ космосра 1 сехет те 28 минут пулнӑ.

  • Пӗрремӗш хут — 1975 ҫулхи кӑрлачӑн 11-мӗшӗнчен пуҫласа нарӑсӑн 9-мӗшӗччен «Союз-17» караппа тата «Салют-4» станцире бортинженер пулса вӗҫнӗ (командирӗ — А. А. Губарев). Ҫак вӗҫевшӗн ӑна Совет Союзӗн Паттӑрӗ ятне панӑ.
  • Иккӗмӗш хут — 1977 ҫулхи раштавӑн 10-мӗшӗнчен пуҫласа 1978 ҫулхи пуш уйӑхӗн 16-мӗшӗччен «Союз-26» караппа тата «Салют-6» станцире вӗҫнӗ (командирӗ — Ю. В. Романенко). 96 талӑк тӑсӑлнӑ экспедицире ун чухнехи вӑхӑтшӑн тӗнчери рекорд лартнӑ. Ку вӗҫевшӗн иккӗмӗш хут Совет Союзӗн Паттӑрӗ ятне тивӗҫнӗ.
  • Виҫҫӗмӗш хут — 1985 ҫулхи авӑн уйӑхӗнче «Союз Т-14» караппа тата «Салют-7» станцире вӗҫнӗ. Ку вӑхӑтра вӑл 54 ҫулта пулнӑ, ҫавна пула 10 ҫул хушши космоса вӗҫнӗ чи ватӑ совет космонавчӗ шутланнӑ.

Ытти ӗҫӗ-хӗлӗ

Спортпа (автоспорт, парашют, планер) хастаррӑн аппаланнӑ. 1986–1991 ҫулсенче СССР Ту йӗлтӗр спорчӗн федерацийӗн президенчӗ пулнӑ. Техника ӑслӑлӑхӗсен кандидачӗ (1967), физикӑпа математика ӑслӑлӑхӗсен докторӗ (1984). Маркӑсем пухма юратнӑ, СССР Филателистсен пӗрлӗхӗнче хастар ӗҫленӗ.

1977–1990 ҫулсенче телекуравра «Этот фантастический мир» (Ку фантастика тӗнчи) кӑларӑма ертсе пынӑ. Темиҫе кинофильмра («Не послать ли нам… гонца?», «Карнавальная ночь 2, или 50 лет спустя») хӑйне хӑй выляса ӳкерӗннӗ.

2017 ҫулхи акан 8-мӗшӗнче Мускаври пульницӑра чирлесе вилнӗ[6]. Мускаври Троекурово масарӗнче пытарнӑ.

Хисепӗсем

  • Икӗ хутчен Совет Союзӗн Паттӑрӗ (1975, 1978).
  • Чехословаки Паттӑрӗ (1978).
  • Виҫӗ Ленин орденӗ (1975, 1978, 1985).
  • «Космос уҫлӑхне алла илнӗшӗн» медаль (2011).
  • Байконур тата Королёв хулисен хисеплӗ гражданӗ.
  • Тӗрлӗ ҫӗршывсен орденӗсемпе медалӗсем.

Астӑвӑм

  • Санкт-Петербургра Ҫӗнтерӳ паркӗнчи Паттӑрсен аллейинче бюстне вырнаҫтарнӑ.
  • Чулхулари планетари унӑн ячӗпе хисепленет, 2021 ҫулта ун умӗнче космонавтӑн бюстне вырнаҫтарнӑ.
  • Северодвинск хулинчи урама унӑн ятне панӑ[7].

Ӑнлантарусем

  1. ^ 1, 2, 3, 4 Гречко Георгий Михайлович // Большая советская энциклопедия (выр.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. ^ 1, 2 Georgij Mihajlovič Grečko // MAK (польск.)
  3. ^ Космонавт Георгий Гречко: «Я очень вовремя родился!»: , Wayback Machine çинчи 2017 ҫулхи акан 9-мӗшӗнчи копийӗ «До войны я жил в Ленинграде, с папой и мамой. Мама была главным инженером завода, папа — младшим научным сотрудником… Понимаете, у меня мама — белоруска, папа — украинец, у него было два брата, и они все любили шутить».
  4. ^ Дважды герой Советского Союза лётчик-космонавт Георгий Гречко: «В космосе у нас было все: и алкоголь, и женщины…»: , Wayback Machine çинчи 2017 ҫулхи акан 9-мӗшӗнчи копийӗ «Мой отец, Михаил Федорович, родом из Украины — из Черниговской области, а мама, Александра Яковлевна — из Белоруссии, — говорит Георгий Гречко. — Поэтому, когда интересуются, кто я по национальности, отвечаю: русский!»
  5. ^ Биография космонавта Георгия Гречко , Wayback Machine çинчи 2021 ҫулхи ҫӗртмен 8-мӗшӗнчи копийӗ, 08.04.2017
  6. ^ Умер космонавт Георгий Гречко. ТАСС (8 акан 2017). Пӑхнӑ кун: 2017 ҫулхи акан 8-мӗшӗ. Архивланӑ 2017 ҫулхи ҫурлан 10-мӗшӗ.
  7. ^ «Улица имени космонавтов» // «Правда Севера» от 24 мая 1978 года

Вуламалли

  • Осташев А. И. Испытания ракетно-космической техники — дело моей жизни: события и факты. — 2005. — 284 с.
  • Позамантир Р. Д. «Ракетно-космический наукоград Королёв». — ИП Струченевская О.В., 2018. — 260 с. — ISBN 978-5-905234-12-5.
  • С. П. Королёв. Энциклопедия жизни и творчества / Под ред. В. А. Лопота. — М.: РКК «Энергия» им. С. П. Королёва, 2014. — ISBN 978-5-906674-04-3.
  • Советские и российские космонавты. 1960—2000 / Сост. И. А. Маринин, С. Х. Шамсутдинов и А. В. Глушко; Под ред. Ю. М. Батурина. — ООО Информационно-издательский дом «Новости космонавтики», 2001. — ISBN 5-93345-003-0.
  • Черток Б. Е. Ракеты и люди. , Wayback Machine çинчи 2017 ҫулхи утӑн 10-мӗшӗнчи копийӗ — М.: Машиностроение, 1999. — ISBN 5-217-02942-0.
  • Кордияко И.И. Следы на снегу. — Издательство «Арт.Экспресс», 2020. — 228 с. — ISBN 978-5-6043057-7-5.

Каҫӑсем

Темӑпа ҫыхӑннисем

Категорисем