Дементьев Геннадий Петрович

Геннадий Петрович Дементьев 1932 çулхи пушăн 21-мĕшĕнче Мускавра совет промăçлăхĕн паллă организаторĕн, иккĕ хутчен Социализм Ĕçĕн Паттăрĕн Петр Васильевич Дементьевăн çемьинче çуралнă. 1957 çулта вăл Ленинградри А. М. Можайский ячĕллĕ сывлăш-вăрçă академинче вĕренсе тухса диплом илнĕ, Мускаври машинăтăвакан «Зенит» савутĕнче инженер-конструктор пулса тăрăшнă. 1958 çулта Мускаври авиаци институтне вĕрентме куçнă. 1967 çултанпа «Зенит» савучĕн Тĕп конструкторĕн çумĕ вырăнĕнче ĕçленĕ.

«Спираль» орбита самолётне, «МиГ-27» бомбă пăрахакан истребителе тата унăн модификацисене ăсталанă ĕçсене хутшăннă^[1].