Егоров Илья Егорович
Егоров Илья Егорович (1924 ҫулхи ҫӗртмен 11-мӗшӗ, Самар кĕперни — 1945 ҫулхи пушӑн 3-мӗшӗ, Польша) — Тӑван Ҫӗршывӑн аслӑ вӑрҫинче кӗҫӗн лейтенант, Совет Союзӗн Паттӑрӗ (16.10.1943)[1][2] [3]. Совет Союзĕн Паттăрĕн чысне илнĕ вăхăтра Вăта фронтăн 13-мĕш çарĕн 6-мĕш гварди стрелоксен дивизийӗн автоматчиксен 25-мĕш гварди стрелоксен полкĕн взвочĕн командирĕ, гварди кĕçĕн лейтенант|кĕçĕн лейтенанчĕ.
Болеславец хулинчи Кутузов мемориалӗнче пытарнă.
Пурнӑҫӗпе ӗҫӗ-хӗлӗ
Илья Егоров 1924 ҫулта Филипповка ялӗнче служащий ҫемйинче ҫуралнӑ.
1937 ҫулта ҫемйи Мордовские Липяги ялне (халӗ — Самар облаҫӗн Волжский районӗ) куҫса кайнӑ.
Куйбышеври чукун ҫул техникумӗнче вӗреннӗ.
1942 ҫулхи августра Егорова Рабоче-крестьянской Хӗрлӗ Ҫарне хӗсмете чӗнсе илнӗ.
1943 ҫулта вӑл Куйбышеври ҫар пехота училищине пӗтернӗ, хыҫҫӑн Аслӑ Отечественнӑй вӑрҫӑ фронтне янӑ, Центр фрончӗн 13-мӗш ҫарӗн 6-мӗш гварди стрелок дивизин 25-мӗш гварди стрелок полкӗн взводне ертсе пынӑ.
Днепршӑн ҫапӑҫура уйрӑмах палӑрнӑ.
Егоров взвочӗ полкра пӗрремӗшсенчен пулса Днепр урлӑ каҫнӑ, унӑн хӗвеланӑҫ ҫыранӗнче плацдарма ярса илнӗ, кайран плацдарма сармалли ҫапӑҫусене хастар хутшӑннӑ.
1943 ҫулхи сентябрӗн 29-мӗшӗнче Егоров взвочӗ пӗрремӗшсенчен пулса Припять урлӑ каҫнӑ та унӑн хӗвеланӑҫ ҫыранӗнче плацдарма ярса илнӗ, ҫирӗплетӳ ҫитнӗччен тытса тӑнӑ.
Рота командирӗ строя тухсан, Егоров унӑн вырӑнне йышӑннӑ.
Унӑн ертсе пынипе рота Украина ССРӗн Киев облаҫӗн Чернобыль районӗнчи Опачичи тата Плютовище ялӗсенче нимӗҫ гарнизонӗсене хупӑрланӑ.
СССР Аслӑ Канашӗн Президиумӗн 1943 ҫулхи октябрӗн 16-мӗшӗнчи Указӗпе «нимӗҫ оккупанчӗсемпе кӗрешӳ фронтӗнче командовани ҫапӑҫу задачисене тӗрӗс пурнӑҫланӑшӑн тата ҫакӑн чухне кӑтартнӑ хастарлӑхпа героизмшӑн» кӗҫӗн лейтенант Илья Егорова Совет Союзӗн Геройӗн ҫӳллӗ ятне панӑ, Ленин орденӗпе 2825 номерлӗ «Ылтӑн Ҫӑлтӑр» медальне парса.
Малалли ҫапӑҫусен пӗринче аманнӑ, ҫав амансенчен 1945 ҫулхи мартӑн 3-мӗшӗнче вилнӗ.
Болеславец хулинчи Кутузов мемориалӗнче пытарнӑ.
Унсӑр пуҫне 1-мӗш степеньлӗ Отечественнӑй вӑрҫӑ орденӗпе наградӑланӑ.
Егоров ячӗпе унӑн тӑван ялӗнче тата Самар облаҫӗнчи Новокуйбышевск хулинче урам ят панӑ.
Ӑнлантарусем
- ^ Егоров Илья Егорович. Архивланӑ 2012 ҫулхи ҫурлан 17-мӗшӗ.
- ^ Егоров Илья Егорович. Архивланӑ 2012 ҫулхи ҫурлан 4-мӗшӗ.
- ^ Егоров Илья Егорович. Наградной лист. Страницы:1.2.
