Емельянов Пётр Николаевич

1920 ҫулхи ҫӗртмен 12-мӗшӗнче Рязановка ялӗнче (халӗ — Чӗмпӗр облаҫӗ) ҫуралнӑ. Вӑл вӑтам пӗлӳ илнӗ.

1939 ҫулта Емельянова Хӗрлӗ Ҫара хӗсмете чӗннӗ. 1941 ҫулта вӑл Брянск автомотоциклет училищине вӗренсе пӗтернӗ.

Ҫав ҫулхи чӳк уйӑхӗнчен пуҫласа вӑл Тӑван Ҫӗршывӑн Аслӑ вӑрҫин фрончӗсенче пулнӑ. 1943 ҫулта вӑл Аслӑ офицер бронетанк шкулне пӗтернӗ. 1944 ҫулхи утӑ уйӑхӗ тӗлне Пётр Емельянов капитан 1-мӗш Беларуҫ фрончӗн 8-мӗш гварди ҫарӗн 11-мӗш танк корпусӗн 65-мӗш танк бригадин танк ротине ертсе пынӑ.

Вӑл Беларуҫ ССР-не ирӗке кӑларнӑ чухне палӑрнӑ. 1944 ҫулхи утӑн 19-мӗшӗнче Емельяновӑн роти Любомля хулине пӗрремӗш кӗрсе кайнӑ та ҫав ҫӗр Украина ССРӗн Волынь облаҫӗн Любомль районӗнчи Гуща ялӗ патӗнче СССР-па Польша хушшинчи патшалӑх чиккине тухнӑ та тӑхтамасӑр Анӑҫ Буг юханшывне каҫнӑ.

Юханшывӑн анӑҫ ҫыранӗнче рота Рудка ялне кӗрсе кайнӑ, унта вӗсем фашистсен ротине аркатнӑ, плацдарма ярса илнӗ те 8-мӗш гварди ҫарӗн пӗрлешӳллӗ чаҫӗсем ҫитиччен унта ҫирӗпленнӗ. Ку 2-мӗш танк ҫарне Люблин хули енне тапӑнса кӗме май панӑ. Вырӑнӑн йывӑр условисемпе тӑшманӑн хытӑ хӳтӗленӗвне пӑхмасӑр Емельяновӑн роти пӗр ҫар машинине те ҫухатман. Ҫав ҫапӑҫусенче Емельянов нимӗҫ пехотине, темиҫе артиллери туппине тата пулемӗта, тӑшманӑн хӑй тӗллӗн ҫӳрекен артиллери установкине тӗп тунӑ.

СССР Аслӑ Канашӗн Президиумӗн 1944 ҫулхи ҫурлан 22-мӗшӗнчи указӗпе «командованиӗн задачисене тӗрӗс пурнӑҫланӑшӑн тата нимӗҫ оккупанчӗсемпе ҫапӑҫусенче кӑтартнӑ хастарлӑхпа паттӑрлахшӑн» Пётр Емельянов капитана Совет Союзӗн Паттӑрӗн ятне, Ленин орденӗпе 4502 номерлӗ «Ылтӑн Ҫӑлтӑр» медалӗ панӑ.

Вӑрҫӑ вӗҫленсен Емельянов Совет Ҫарӗнче хӗсметре тӑрса юлнӑ.

Вӑл 1947 ҫулхи нарӑсӑн 5-мӗшӗнче синкерле вилнӗ.

• Виҫӗ Хӗрлӗ Ялав орденӗ (19.02.1943, 18.5.1943, 11.8.1944);
• Совет Союзӗн Геройӗ («Ылтӑн Ҫӑлтӑр» медалӗ № 4502 тата Ленин орденӗ; 22.8.1944);
• медальсем.

П. Н. Емельяновӑн бюстне Радищево районӗнчи Новодмитриевка ялӗнче лартнӑ.