Ершов Владимир Алексеевич
Ершов Владимир Алексеевич (1923 ҫулхи ҫӑвӑн 28-мӗшӗ, Мускав — 1997 ҫулхи пушӑн 19-мӗшӗ, Мускав) — Совет Союзӗн Паттӑрӗ (1946), разведчик, аслӑ лейтенант. Тӑван Ҫӗршывӑн Аслӑ вӑрҫине хутшӑннӑскер [1].
Пурнӑҫӗпе ӗҫӗ-хӗлӗ
Владимир Алексеевич Ершов 1923 ҫулхи ҫу уйӑхӗн 28-мӗшӗнче Мускавра ҫуралнӑ. Наципе — вырӑс [2].
Вӑл вӑтам пӗлӳ илнӗ. 1940 ҫулта Хӗрлӗ Ҫара хӗсмете чӗнсе илнӗ. 1942 ҫулта Краснодарти пӗрлештернӗ вӗҫекенсен тата вӗҫекен-штурмансен училищинче вӗренсе тухнӑ [2]. Тӑван Ҫӗршывӑн Аслӑ вӑрҫине 1944 ҫулхи февраль уйӑхӗнчен пуҫласа хутшӑннӑ [1].
1945 ҫулхи февраль тӗлне вӑл 16-мӗш сывлӑш ҫарӗн 16-мӗш уйрӑм инҫе разведка авиаци полкӗн вӗҫекен-разведчикӗ пулнӑ. Ҫак вӑхӑта вӑл 104 ҫапӑҫу вӗҫевӗ туса тӑшман аэродромӗсене, коммуникацисене тата хӳтӗлӳ ҫурт-йерӗсене разведка туса ӳкернӗ [1][3].
Вӑл 162 тӑшман аэродромне, 572 чукун ҫул эшелонне, 197 артиллери батарейине, 12074 пулемёт точкине тата 1220 блиндажа ӳкернӗ [1][2].
1946 ҫултанпа вӑл запасра пулнӑ. Мускавра пурӑннӑ, 2-мӗш подшипник заводӗнче ӗҫленӗ [1]. 1946 ҫулта ВКП(б) йышне кӗнӗ [2].
Владимир Алексеевич Ершов 1997 ҫулхи пуш уйӑхӗн 19-мӗшӗнче Мускавра вилнӗ. Ваганьково ҫӑвинче пытарнӑ [1].
Хисепӗсем
- СССР Аслӑ Канашӗн Президиумӗн 1946 ҫулхи ҫу уйӑхӗн 15-мӗшӗнчи Хушӑвӗпе аслӑ лейтенант Ершов Владимир Алексеевича Совет Союзӗн Паттӑрӗ ятне панӑ. Ленин орденӗпе тата «Ылтӑн Ҫӑлтӑр» медальпе (№ 7046) чысланӑӗ [1][3];
- икӗ Хӗрлӗ Ялав орденӗ [1][3];
- икӗ I степеньлӗ Тӑван Ҫӗршыв вӑрҫин орденӗ [1][3];
- медальсем [2].
Астӑвӑм
- Мускавра, Паттӑр пурӑннӑ ҫурт ҫине, асӑну хӑми ҫакнӑ [1].
Ӑнлантарусем
Каҫӑсем
- Ершов Владимир Алексеевич // «Герои страны» сайт
