Ефимов Константин Александрович

Константин Александрович Ефимов 1906 ҫулхи акан 18-мӗшӗнче (ытти ҫӑлкуҫсемпе — ҫу уйӑхӗн 20-мӗшӗнче) Курск кӗпернинчи Тим уесӗнчи Пахонок ялӗнче (хальхи Курск облаҫӗн Тим районӗ) ҫуралнӑ^[1][2]. Вӑл хресчен ҫемьинче ҫуралнӑ. Воронеж кӗпӗрнинчи Бобров хулинче ҫичӗ класс вӗренсе тухнӑ^[1][2].

1928 ҫулхи авӑн уйӑхӗнче Ефимова Рабочи-Хресчен Хӗрлӗ Ҫара чӗнсе илнӗ^[1]. 1929 ҫулта вӗренӳ артиллери дивизионӗнче вӗренсе тухнӑ. 1930 ҫулхи кӑрлач — чӳк уйӑхӗсенче артиллерире отделени командирӗ тата огнь взвочӗн командирне пулӑшаканӗ пулса хӗсметре тӑнӑ. 1932 ҫулта Сум артиллери шкулӗнчен вӗренсе тухнӑ^[1]. Кайрах дивизион взвочӗн командирӗ, батарея командирне пулӑшаканӗ, штаб пуҫлӑхне пулӑшаканӗ тата дивизион разведка пуҫлӑхӗ пулса ӗҫленӗ (Мускав ҫар округӗнче). 1938—1939 ҫулсенче артиллери полкӗн штаб пуҫлӑхӗ пулнӑ (Мускав ҫар округӗнче). 1941 ҫулхи ҫӗртме уйӑхӗнче М.В. Фрунзе ячӗллӗ Ҫар Академийӗнчен вӗренсе тухнӑ^[1][2].

Тӑван Ҫӗршывӑн Аслӑ вӑрҫинче — 1941 ҫулхи утӑ уйӑхӗнчен пуҫласа. Вӑл 792-мӗш артиллери полкӗн (1942 ҫулхи февральтен — 44-мӗш гварди артиллери полкӗ) штаб пуҫлӑхӗ, 1942 ҫулта 16-мӗш гварди стрелоксен дивизийӗн артиллерийӗн штаб пуҫлӑхӗ пулса хӗсметре тӑнӑ^[1]. Резерв, Анӑҫ, Ҫурҫӑр-Анӑҫ тата Калинин фрончӗсенче ҫапӑҫнӑ. Ржев енӗпе хӳтӗлев ҫапӑҫӗсене, Калинин хӳтӗлев, Торопец-Холм тата Ржев-Сычёвка операцисене хутшӑннӑ^[1].

1942 ҫулхи чӳк уйӑхӗнчен — 42-мӗш гварди корпус артиллери полкӗн командирӗ. 1943 ҫулхи ҫу уйӑхӗнчен 1945 ҫулхи пуш уйӑхӗччен — 57-мӗш гварди стрелоксен дивизийӗн артиллери командующийӗ^[1]. Кăнтăр-Анӑҫ, 3-мӗш Украина тата 1-мӗш Беларуҫ фрончӗсенче ҫапӑҫнӑ. Сталинград ҫапӑҫӑвне, Ворошиловград тата Изюм-Барвенково операцисене, Сулахай ҫыранти Украинӑна ирӗке кӑларнӑ, Никополь-Кривой Рог, Березнеговато-Снигирёвка, Одесса тата Люблин-Брест операцисене, Магнушев плацдармӗнчи ҫапӑҫусене, Варшава-Познань тата Тухӑҫ Померани операцисене хутшӑннӑ^[1].

1945 ҫулхи пуш — ҫу уйӑхӗсенче Ефимов 23-мӗш гварди ҫӑмӑл артиллери бригадин командирӗ пулнӑ (1-мӗш Беларуҫ фрончӗ)^[1][2]. Берлин операцине хутшӑннӑ. Унӑн бригади Одер юхан шывӗн сылтӑм ҫыранӗнчи Гросс-Нойендорф ялӗ (Германи, Бранденбург ҫӗрӗ) патӗнче стрелоксен дивизийӗ Берлин хӳтӗлевне касса тухма тата хуларах тӑшмана пӗтерме май панӑ. 1945 ҫулхи акан 15-мӗшӗнчен 25-мӗшӗччен тапхӑрта Ефимов бригади 70 пулемёт, 7 миномёт тата артиллери батареи, нумай тӑшман ҫар ҫыннине сиртӗпнӗ^[1][2]. 1945 ҫулхи акан 25-мӗшӗнче Берлин хула кварталӗсенче хӑйӗн бригадине тӳрӗ перӗве кӑларма ертсе пынӑ^[1].

СССР Аслӑ Канашӗн Президиумӗн 1945 ҫулхи ҫу уйӑхӗн 31-мӗшӗнчи хушӑвӗпе «бригадӑна ăслӑ ертсе пынӑшӑн тата ҫапӑҫура тӑнӑҫлӑхпа паттӑрлӑх кӑтартнӑшӑн» гварди полковникӗ Ефимов Константин Александровича Совет Союзӗн Паттӑрӗ ятне панӑ, унта Ленин орденӗпе «Ылтӑн Ҫӑлтӑр» медалне панӑ^[1][2].

Вӑрҫӑ вӗҫленӗ хыҫҫӑн Ефимов Совет Ҫарӗнче хӗсметне тӑснӑ. Германри Совет ҫарӗсен группинче артиллери бригадисен командирӗ пулнӑ^[1]. 1948 ҫулхи чӳк уйӑхӗн 4-мӗшӗнче трагиклӑ вилнӗ. Мускавра Введени ҫӑвинче пытарнӑ (1-мӗш участок)^[1][2].

• Совет Союзӗн Паттӑрӗ (1945 ҫулхи ҫу уйӑхӗн 31-мӗшӗ, «Ылтӑн Ҫӑлтӑр» медалӗ № 5609, Ленин орденӗ № 42149)^[1][2]
• Тӑватӑ Хӗрлӗ Ялав орденӗ (1944 ҫулхи пушӑн 20-мӗшӗ; 1944 ҫулхи авӑнӑн 21-мӗшӗ; 1945 ҫулхи чӳкӗн 3-мӗшӗ; 1948 ҫулхи ҫӗртмен 24-мӗшӗ)^[1]
• Александр Невский орденӗ (1943 ҫулхи кӑрлачӑн 29-мӗшӗ)^[1]
• Тӑван Ҫӗршыв вӑрҫин II степеньлӗ орденӗ (1943 ҫулхи чӳкӗн 19-мӗшӗ)^[1]
• Икӗ Хӗрлӗ Ҫӑлтӑр орденӗ (1942 ҫулхи авӑнӑн 17-мӗшӗ; 1944 ҫулхи чӳкӗн 3-мӗшӗ)^[1]
• Медальсем