Вырӑсла версиЯтарлӑ проектсем
Сӑна ӗнерлеЧӗлхе суйла
РУВИКИ ҪИНЧЕН

Исаева Алевтина Михайловна

Исаева Алевтина Михайловна (ҫур. 1965 ҫулхи акан 10-мӗшӗ, Хӗрлӗ Ҫыр (Шупашкар районӗ), Чăваш Автономиллĕ Социализмлă Совет Республики) — патшалӑх ӗҫченӗ.

«Пӗрлӗхлӗ Раҫҫей» парти пайташӗ[1].

Кун-ҫулӗ

1987 ҫулта Чӑваш патшалӑх ял хуҫалӑх институтӗнче пӗлӳ илнӗ. 1995 ҫулта ертӳҫӗсемпе ҫӑмӑл промышленность специалисчӗсен квалификацине ӳстерекен институтӗнче квалификаци ӳстермелли курссенче вӗреннӗ. 2007 ҫулта Хальхи гуманитарлӑ академинче квалификаци ӳстермелли курссенче пӗлӗвне ӳстернӗ.

1987–1988 ҫулсенче Элӗк районӗнчи «Сорминский» совхозра аслӑ инженер-экономист пулса ӗҫленӗ. Кайран Шупашкар районне куҫнӑ: 1988–1989 ҫулсенче Шупашкар районӗн агропромышленность пӗрлешӗвӗн тӳлев енӗпе ертсе пыракан экономист пулнӑ, кайран, 1992–2001 ҫулсенче, Шупашкар районӗн Пенси фончӗн тӗп уполномоченнӑйӗ пулса ӗҫленӗ. 2001 ҫултанпа РФ Пенси Фончӗн Шупашкар районӗнчи управленин начальникӗ[2].

2012–2015 ҫулсенче Шупашкар районӗн пуҫлӑхӗ[2][3].

Шупашкар районӗн депутатсен пухӑвӗн председателӗ пулнӑ.

2009 ҫултанпа «Чӑваш Ен хӗрарӑмӗсен пӗрлӗхӗн» Шупашкар районӗнчи уйрӑма ертсе пынӑ[4].

Хисепӗсем

  • Чӑваш Республикин социаллӑ хӳтлӗхӗн тава тивӗҫлӗ ӗҫченӗ (2004);
  • «Раҫҫей профсоюзӗсем 100 ҫул тултарни» юбилейлӑ медаль;
  • хисеп хучӗсем.

Ӑнлантарусем

  1. ^ Исаева Алевтина Михайловна. Пӗрлӗхлӗ Раҫҫей. Пӑхнӑ кун: 2025 ҫулхи пушӑн 13-мӗшӗ.
  2. ^ 1, 2 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 193. — 505 с.
  3. ^ Исаева Алевтина Михайловна. Календарь знаменательных и памятных дат Чебоксарского района на 2020 год. Пӑхнӑ кун: 2025 ҫулхи пушӑн 13-мӗшӗ.
  4. ^ Алевтина Исаева переходит на должность главы Чебоксарского района. Таван Ен (17 кӑрлачӑн 2012). Пӑхнӑ кун: 2025 ҫулхи пушӑн 13-мӗшӗ.

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 193. — 505 с.

Каҫӑсем

Категорисем