Вырӑсла версиЯтарлӑ проектсем
Сӑна ӗнерлеЧӗлхе суйлаИнформаци
РУВИКИ ҪИНЧЕН

Кабаков Геннадий Германович

Геннадий Германович Кабаков (ҫур. 1947 ҫулхи ҫӗртмен 13-мӗшӗ, Тикаш, Чăваш Автономиллĕ Социализмлă Совет Республики) — совет саманин тата Раҫҫейӗн чӑваш прозаикӗ, таврапӗлӳҫӗ, Раҫҫей Федерацийӗн Ҫыравҫисен пӗрлӗхӗн пайташӗ (1994), юстици подполковникӗ (1992), Чӑваш Республикин Вӑрмар районӗнчи Тикаш ялӗн хисеплӗ гражданинӗ (2015).

Пурнӑҫӗ

1947 ҫулхи ҫӗртмен 13-мӗшӗнче Чӑваш АССРӗн Вӑрмар районӗнчи Тикаш ялӗнче ҫуралнӑ[1]. Вӑрмарти сӗтел-пукан фабрикинче ӗҫленӗ (1964–1965). Совет Ҫарӗнче хӗсметре тӑнӑ (1966–1968). Хӗсметрен таврӑнсан Хусанти патшалӑх университечӗн юридици факультетне вӗренме кӗнӗ, 1978 ҫулта вӗренсе пӗтернӗ.

1969 ҫултан пуҫласа 1994 ҫулччен Чӑваш Республикин шалти ӗҫсен органӗсенче хӗсметре тӑнӑ: взвод командирӗ, следователь, Шупашкар хулинчи Ленин районӗнчи шалти ӗҫсен уйрӑмӗн (РОВД) аслӑ следователӗ, уйрӑм пуҫлӑхӗ, Чӑваш Республикин Шалти ӗҫсен министерстви ҫумӗнчи следстви управленийӗн следстви пайӗн пуҫлӑхӗн ҫумӗ. 1992 ҫулта юстици подполковникӗн ятне панӑ, ҫав хисеппе отставкӑна тухнӑ[1]. Милицири хӗсмет практики унӑн приключениллӗ хайлавӗсенче, таврапӗлӳпе кӑсӑкланни вара — тӑван ен тӗпчевӗпе ҫырнӑ ӗҫӗсенче палӑрнӑ[1].

1969 ҫултанпа республикӑри хаҫатсемпе журналсенче пичетленнӗ. 1994 ҫултанпа — Раҫҫей Федерацийӗн Ҫыравҫисен пӗрлӗхӗн пайташӗ. Пӗрремӗш «Ют юн» повеҫне 1968 ҫулта ҫырнӑ[1]. Очерксем, калавсем тата приключениллӗ повеҫсен авторӗ.

2025 ҫулхи пушӑн 19-мӗшӗнче Шупашкарта вилнӗ[1].

Пичетленсе тухнисем

  • «Ют юн» (1981);
  • «Ҫунат ҫумне ҫунат» (1982);
  • «Шакал йӗрӗпе» (1992);
  • «Тегешево — далёкое и близкое» (2001);
  • «Шанчӑк пӗтмен» (2004);
  • «Корни и ветви старого дуба» (2008);
  • «Шакал йӗрӗпе» (2009);
  • «Врата ко всем путям земным» (2009);
  • «Пурнӑҫ хакӗ» (2012);
  • «Советский социализм и его крушение» (2015);
  • «Тумхахлӑ ҫул» (2016);
  • «Живёт в веках деревня Тегешево» (2016);
  • «Выбор пути» (2017);
  • «Канассӑр кунсем» (2022).

Периодика кӑларӑмӗсенче пичетленнисем

  • «Атӑл леш енче» // Тӑван Атӑл. — 2011. — № 9. — С. 65–78.
  • «Пурнӑҫ хакӗ» // Тӑван Атӑл. — 2012. — № 6. — С. 37–50.

Хисепӗсем

  • I, II, III степеньлӗ «Кӑлтӑксӑр хӗсметшӗн» медаль;
  • «Шалти ӗҫсен министерстви 200 ҫулта» медаль;
  • «Ӗҫ ветеранӗ» медаль;
  • «Чӑваш милицийӗ 90 ҫулта» медаль;
  • «РФ Шалти ӗҫсен министерстви ҫумӗнчи следствийӗ 50 ҫулта» медаль;
  • «Милици отличникӗ» кӑкӑр ҫине ҫакмалли паллӑ[1];
  • Чӑваш Республикин Вӑрмар районӗнчи Тикаш ялӗн хисеплӗ гражданинӗ (2015).

Ӑнлантарусем

  1. ^ 1, 2, 3, 4, 5, 6 Кабаков Геннадий Германович. Чӑваш Енӗн литература карти. Пӑхнӑ кун: 2025 ҫулхи авӑнӑн 16-мӗшӗ.

Вуламалли

  • Агивер, Х. Шухӑшласа кӑларман пурнӑҫ / Х. Агивер // Тӑван Атӑл. — 1996. — № 7. — С. 5.
  • Алендей, В. Кабаков Г. / В. Алендей // Ялав. — 1981. — № 6. — С. 8.
  • Кабаков, Г. Г. Атӑл леш енче : калав / Г. Г.Кабаков // Тӑван Атӑл. — 2011. — № 9. — С. 65-78. — Автор ҫинчен калани пур.
  • [Кабаков Г. Г.] // Тӑван Атӑл. — 2011. — № 9. — С. 65.
  • Кабаков, Г. Г. Пурнӑҫ хакӗ : калав / Г. Г. Кабаков // Тӑван Атӑл. — 2012. — № 6. — С. 37-50. — Автор ҫинчен калани пур.
  • [Кабаков Г. Г.] // Тӑван Атӑл. — 2012. — № 6. — С. 37.
  • Кудряшова, Н. Шутласа кӑларман пурнӑҫ : [Геннадий Германович Кабаков детективсен авторӗ ҫинчен] / Н. Кудряшова // Тӑван Атӑл. — 2022. — № 6 (ҫӗртме/июнь). — С. 105-107 : сӑн ӳкерчӗк.
  • Афанасьев, П. Кабаков Геннадий Германович / П. Афанасьев // Писатели Чувашии / П. Афанасьев. — Чебоксары, 2006. — С. 183.
  • Кабаков Геннадий Германович // Энциклопедия Урмарского района. — Чебоксары, 2023. — С. 183.
  • [Кабаков Геннадий Германович : член Союза писателей Российской Федерации, прозаик, 1947-2025] // Советская Чувашия. — 2025. — 20 марта (№ 30). — С. 8 : фот. — (Некролог).
  • Ялгир, П. Кабаков Геннадий Германович / П. Ялгир // Литературный мир Чувашии / П. Ялгир. — Чебоксары, 2005. — С. 46.

Каçăсем

Категорисем