Вырӑсла версиЯтарлӑ проектсем
Сӑна ӗнерлеЧӗлхе суйлаИнформаци
РУВИКИ ҪИНЧЕН

Касаткина Людмила Ивановна

Людми́ла Ива́новна Каса́ткина (1925 ҫулхи ҫӑвӑн 15-мӗшӗ, Вязьма[d], Смоленск кӗпӗрни — 2012 ҫулхи нарӑсӑн 22-мӗшӗ, Мускав) — совет саманин тата Раҫҫейӗн театрпа кино актриси. СССР халӑх артисчӗ (1975). РСФСР Васильев тӑвансен ячӗллӗ патшалӑх премийӗн (1976) тата Ленин комсомолӗн премийӗн (1968) лауреачӗ.

Пурнӑҫӗ

Людмила Касаткина Смоленск кӗпӗрнинчи Вязьма уесне кӗрекен Новое Село ялӗнче хресчен ҫемйинче ҫуралнӑ[3]. 1928 ҫулта кулаксене тӗп тунӑ вӑхӑтра вӗсен ҫемйин Мускава куҫма тивнӗ.

Шкулта вӗреннӗ чухне балетпа кӑсӑкланнӑ, анчах 14 ҫулта урине хуҫнипе ӑна пӑрахма тивнӗ. Тӑван Ҫӗршывӑн Аслӑ вӑрҫи вӑхӑтӗнче Мускаврах пурӑннӑ.

1943 ҫулта А. В. Луначарский ячӗллӗ ГИТИСа вӗренме кӗнӗ. 1947 ҫулта института вӗренсе пӗтерсен Совет Ҫарӗн тӗп театрне ӗҫе вырнаҫнӑ. Ӗмӗр тӑршшӗпех ҫав театрта ӗҫлесе 60 ытла роль вылянӑ.

Кинора пӗрремӗш хут 1954 ҫулта «Укротительница тигров» комедире тӗп роле вылянӑ. Каярах хӑйӗн упӑшкин, Сергей Колосов режиссёрӑн, фильмӗсенче ӗҫленӗ. Сӑмахран, «Вызываем огонь на себя» (1964) телесериалта Анна Морозова партизанкӑн сӑнарне ӳкернӗ (ку фильм хыҫҫӑн Морозовӑна вилнӗ хыҫҫӑн Совет Союзӗн Паттӑрӗ ят панӑ). Ҫавӑн пекех вӑл «Маугли» мультфильмра Багирӑна сасӑ кӗртнипе паллӑ.

Касаткина ГИТИСра тата Смоленскри ӳнер институтӗнче студентсене вӗрентнӗ.

2012 ҫулхи нарӑсӑн 22-мӗшӗнче, упӑшки вилнӗренпе 11 кун иртсен, йывӑр чире (Альцгеймер чирӗ) пула вилнӗ. Ӑна Мускаври Новодевичье масарӗнче упӑшкипе юнашар пытарнӑ[4].

Ҫемйи

Упӑшки — Сергей Николаевич Колосов (1921—2012), кинорежиссёр, СССР халӑх артисчӗ. Ывӑлӗ — Алексей (1958 ҫ.ҫ.), джазмен; мӑнукӗсем пур.

Хисепӗсем

Пултарулӑх ӗҫӗнче пысӑк ҫитӗнӳсем тунӑшӑн Людмила Касаткинӑна нумай хисепе тивӗҫтернӗ. Вӗсен шутӗнче:

Астӑвӑм

  • 2023 ҫулхи нарӑс уйӑхӗнче Раҫҫей Ҫарӗн тӗп академи театрӗнче унӑн асӑну ҫӑлтӑрне уҫнӑ[5].
  • Вязьма хулинче асӑну хӑми вырнаҫтарнӑ.

Фильмографи

  1. 1954 — Тигрсене алла илекен — Лена Воронцова
  2. 1956 — Пыл уйăхĕ — Люда Одинцова-Рыбальченко
  3. 1958 — По ту сторону — Варя
  4. 1960 — Три рассказа Чехова (новелла «Месть») — арӑмӗ Полина Григорьевна
  5. 1960 — Хлеб и розы — Лиза Никитина, коммунар
  6. 1961 — Укрощение строптивой — Катарина
  7. 1963 — Фитиль (сюжет №7 «Жертва») — Вӑл
  8. 1964 — Вызываем огонь на себя — Анна Морозова, совет разведчици, вӑрттӑн организаци ертӳҫи
  9. 1966 — Душечка — Ольга Семёновна Племянникова
  10. 1967 — Операция «Трест» — Мария Владиславовна Захарченко, террорист
  11. 1970 — Соло (короткометражный) — Изюмина
  12. 1972 — Гроссмейстер — Сергей Хлебников амӑшӗ
  13. 1972 — Свеаборг — Вера Константиновна Емельянова
  14. 1973 — Большая перемена — Екатерина Семёновна, шкул директорӗ
  15. 1974 — Помни имя своё — Зинаида Воробьёва
  16. 1975 — Под крышами Монмартра — мадам Марселина Арно
  17. 1977 — Диалог — Широкова
  18. 1982 — Мать Мария — Елизавета Юрьевна Кузьмина-Караваева
  19. 1982 — Принцесса цирка — мадам Каролина
  20. 1985 — Дороги Анны Фирлинг — Анна Фирлинг («Кураж анне» ятпа паллӑскер)
  21. 1988 — Радости земные — Наталья Лемехова
  22. 1992 — Маклер — Маклер
  23. 1993 — Раскол — Александра Калмыкова
  24. 1998 — Судья в ловушке — миссис Скуизем
  25. 2001 — Яды, или Всемирная история отравлений — Евгения Ивановна Холодкова
  26. 2003 — Ищу невесту без приданого — Вера Петровна
  27. 2006 — Потерянные в раю — Мария Бове

Ӑнлантарусем

  1. ^ Касаткина Людмила Ивановна // Большая советская энциклопедия (выр.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. ^ 1, 2 Internet Movie Database (англ.) — 1990.
  3. ^ Касаткина Л. И., Колосов С. Н. Судьба на двоих. Воспоминания в диалогах. — Молодая гвардия, 2005. — С. 11—16, 26—29. — 368 с. — ISBN 5-235-02788-4.
  4. ^ Людмила Касаткина умерла на 87-м году жизни , Wayback Machine çинчи 2012 ҫулхи нарӑсӑн 23-мӗшӗнчи копийӗ, 22 февраля 2012, vesti.ru
  5. ^ В Центральном академическом театре Российской Армии состоялась церемония открытия памятной Звезды народной артистки СССР Людмилы Касаткиной

Каҫӑсем

Категорисем