Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Князев Анатолий Пантелеймонович

Кня́зев Анато́лий Пантелеймо́нович (ҫур. 1960 ҫулхи кӑрлачӑн 24-мӗшӗ, Тĕмер, Чăваш Автономиллĕ Социализмлă Совет Республики) — Раҫҫейри патшалӑх ӗҫченӗ. Чӑваш Республикин тата Коми Республикин вырӑнти хӑй тытӑмлӑх тата патшалӑх влаҫ органӗсенче ертсе пыракан вырӑнсене йышӑннӑ.

Пурнӑҫӗ

1960 ҫулхи кӑрлач уйӑхӗн 24-мӗшӗнче Чӑваш АССР кӗрекен Елчӗк районӗнчи Тӗмер ялӗнче ҫуралнӑ. Ашшӗ Тӑван Ҫӗршывӑн Аслӑ вӑрҫине хутшӑннӑ[1].

1978-80 ҫулсенче Чикӗ хуралӗ çарӗнче хӗсметре тӑнӑ.

1984 ҫулта Чӑваш ял хуҫалӑх институтне «ял хуҫалӑх механизацийӗ» специальноҫпа вӗренсе пӗтернӗ. Ӗҫ биографине Красноярск крайӗнчи «Крутоярский» совхозра выльӑх-чӗрлӗх енӗпе ӗҫлекен инженер пулса пуҫланӑ[2].

1984—1994 ҫулсенче Чӑваш Енӗн Шупашкар районӗнчи Ленин ячӗллӗ колхозра инженерта вӑй хунӑ. 1994 ҫулта муниципаллӑ службӑна куҫнӑ. 1999 ҫулччен Шупашкар районӗнчи Апаш ял администрацине ертсе пынӑ. Ун хыҫҫӑн ҫав районтах ял хуҫалӑхпа апат-ҫимӗҫ управленийӗн пуҫлӑхӗ пулса ӗҫленӗ.

2002 ҫулта Шупашкар районӗн хӑй тытӑмлӑх пуҫлӑхне суйланнӑ. 2005 ҫултан пуҫласа 2010 ҫулччен Шупашкар районӗн пуҫлӑхӗн вырӑнне йышӑннӑ[3].

2010 ҫулта ӑна Чӑваш Республикин ҫут ҫанталӑк ресурсӗсен тата экологи министрӗ пулма ҫирӗплетнӗ. Ку вырӑнта вӑл 2011 ҫулччен ӗҫленӗ. Отставкӑна кайсан кӗске вӑхӑт «Южный» ТМЯП-ра техника директорӗн вырӑнне йышӑннӑ[3].

2011 ҫулхи раштав уйӑхӗнче Чӑваш Республикин Патшалӑх Канашӗн V пухӑвӗн депутатне суйланнӑ. 2011 ҫулхи раштавӑн 15-мӗшӗнчен пуҫласа 2016 ҫулччен Патшалӑх Канашӗн Председателӗн ҫумӗ пулнӑ, ҫавӑн пекех бюджет, финанс тата налук енӗпе ӗҫлекен Комитета ертсе пынӑ[4].

2016 ҫулта Коми Республикинче пурӑнма куҫнӑ. Унта вӑл Коми Республикин Правительство Председателӗн ҫумӗ — регионӑн ял хуҫалӑхӗпе потребитель рынокӗн министрӗ пулса тӑнӑ. Ку ӗҫре вӑл республикӑри агропромышленноҫ комплексӗн аталанӑвне тишкерсе тӑнӑ. Регион ертӳҫисем улшӑннӑ хыҫҫӑн 2020 ҫулта ӗҫрен тухнӑ[5].

Ҫемье

Авланнӑ, икӗ ача пур. Пӗр ывӑлӗ Алексей ятлӑ[1].

Хисеплӗ ятсемпе наградӑсем

  • «Чӑваш Республики умӗнчи тава тивӗҫлӗ ӗҫчемшӗн» орден медалӗ[4];
  • «Чӑваш Республикин тава тивӗҫлӗ ял хуҫалӑх ӗҫченӗ» хисеплӗ ят (2005)[6];
  • Чӑваш Республикин Президенчӗн Тав ҫырӑвӗ[3];
  • Раҫҫей Федерацийӗн ял хуҫалӑх министерствин Хисеп хучӗ[7];
  • Чӑваш Республикин ял хуҫалӑх министерствин Хисеп хучӗ;
  • Чӑваш Республикин 1-мӗш класри чӑн муниципаллӑ канашҫи[3].

Ӑнлантарусем

  1. ^ 1, 2 На первом месте – производство. Республика. Пӑхнӑ кун: 2026 ҫулхи нарӑсӑн 17-мӗшӗ.
  2. ^ Князев Анатолий Пантелеймонович. Комиинформ. Пӑхнӑ кун: 2026 ҫулхи нарӑсӑн 17-мӗшӗ.
  3. ^ 1, 2, 3, 4 Князев Анатолий Пантелеймонович (с 04.12.2011 до 23.03.2016). Государственный Совет Чувашской Республики (архив). Пӑхнӑ кун: 2026 ҫулхи нарӑсӑн 17-мӗшӗ.
  4. ^ 1, 2 Князев Анатолий Пантелеймонович. Культурное наследие Чувашии. Пӑхнӑ кун: 2026 ҫулхи нарӑсӑн 17-мӗшӗ.
  5. ^ Бывший депутат Госсовета ЧР, экс-глава минсельхоза Коми Анатолий Князев может вернуться в Чувашию. Наша версия (20 юпан 2020). Пӑхнӑ кун: 2026 ҫулхи нарӑсӑн 17-мӗшӗ.
  6. ^ Князев Анатолий Пантелеймонович. Чувашская энциклопедия. Пӑхнӑ кун: 2026 ҫулхи нарӑсӑн 17-мӗшӗ.
  7. ^ Князев Анатолий Пантелеймонович. КомиОнлайн. Пӑхнӑ кун: 2026 ҫулхи нарӑсӑн 17-мӗшӗ.

Каçăсем

Категорисем