Вырӑсла версиЯтарлӑ проектсем
Сӑна ӗнерлеЧӗлхе суйла
РУВИКИ ҪИНЧЕН

Константинов Валентин Николаевич

РУВИКИ-ре ҫак хушаматлӑ ытти ҫынсем пирки те статьясем пур: Константинов.

Валентин Николаевич Константинов (ҫур. 1958 ҫулхи чӳкӗн 16-мӗшӗ, Туçи Çармăс, Вăрнар районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — Раҫҫей чӑваш журналисчӗ, ҫыравҫи, Раҫҫей журналистсен пӗрлешӗвӗн (1985) тата Раҫҫей писательсен пӗрлешӗвӗн (2010) пайташӗ[1]. 1986 ҫултан Куславккари «Ялав» («Знамя») район хаҫачӗн редакцине ертсе пырать. Чӑваш Республикин тивӗҫлӗ культура ӗҫченӗ (2000)[1][2].

Пурнӑҫӗпе ӗҫӗ-хӗлӗ

1958 ҫулхи чӳк уйӑхӗн 16-мӗшӗнче Вӑрнар районӗнчи Туҫи Ҫармӑс ялӗнче ҫуралнӑ[2][1].

1982 ҫулта М. В. Ломоносов ячӗллӗ Мускав патшалӑх университечӗн журналистика факультетне вӗренсе пӗтернӗ[1].

1982 ҫултан Куславккари «Ялав» («Знамя») район хаҫачӗн редакцийӗнче вӑй хурать: корреспондент (1982—1984), тӗп редактор ҫумӗ (1984—1986), тӗп редактор (1986 ҫултанпа)[3], пӗр вӑхӑтрах 1998—2007 ҫулсенче «Ялав» Куславкка издательство ҫурчӗ» патшалӑх унитарлӑ предприятийӗн директорӗ пулнӑ[1].

Пултарулӑх

Валентин Константинов калавсем, повеҫсемпе романсем ҫырать[2]. Унӑн хайлавӗсем «Тӑван Атӑл», «Ялав» журналсенче тата пухмачсенче пичетленнӗ. Унӑн темиҫе юмор тата сатира калавӗ «Капкӑн» кулӑш журналӗнче пичетленнӗ[3].

Кӗнекисем

  • Константинов, В. Н. Кивӗ ҫӑл вӑрттӑнлӑхӗ : повесть, калавсем / В. Константинов. — Шупашкар, 2013. — 157 с.
  • Константинов, В. Н. Тупа : роман, повесть, калавсем / В. Константинов. — Шупашкар, 2018. — 204 с.
  • Константинов, В. Н. Шурӑ тӳпери шурӑ ҫурт : калавсемпе сӑвӑсем / В. Константинов. — Куславкка, 2006. — 99 с.
  • Константинов, В. Н. Ют ҫын ачи : повесть, калавсем / В. Константинов. — Шупашкар, 2025. — 205 с.[1].

Обществӑлла ӗҫӗ

Хисепӗсем

  • Чӑваш Республикин тава тивӗҫлӗ культура ӗҫченӗ (2000);
  • Раҫҫей журналистсен союзӗн Хисеп хучӗ (2002);
  • Раҫҫей Федерацийӗн Пичет, телерадиовещани тата массӑллӑ информаци хатӗрӗсен министерствин Хисеп хучӗ (2003);
  • Чӑваш Республикин Культура, национальнӑҫсен ӗҫӗсен тата архив ӗҫӗн министерствин Хисеп хучӗ (2006);
  • Чӑваш Республикин Патшалӑх Канашӗн Хисеп хучӗ (2008)[1][2].

Хаклав

Кӗнекисемпе хӑтлавсем, авторпа тӗлпулусем ирттереҫҫӗ[4].

Ольга Фёдорова (Васильева) ҫыравҫӑ, редактор авторӑн «Ан кай, кӑвакал, шыв хӗрне» повеҫне хакласа ҫапла ҫырать[5]:

Вӑл мана тӑван ҫут ҫанталӑк илемӗпе, лиризмӗпе ҫавӑрса илчӗ. Чи пӗлтерӗшли — автор повеҫре Тӑван Ҫӗршывшӑн, ашшӗ-амӑшӗшӗн тунсӑхлани ҫинчен ҫырать. Тӗп сӑнар Нина качча тухнӑ та ашшӗ-амӑшӗн ҫуртӗнчен аякка — Владивостока — пурӑнма вӗҫсе тухса кайнӑ. Вун ултӑ ҫул хушши вӑл тӑван ҫӗрӗнче пулман. Хӑйӗн йӑх тымарӗсемпе кӑсӑкланакан кореец Мэн Хо ашшӗ-амӑшӗ чӗрӗ чух ҫав тери нумай ҫул хушши вӗсем патне пӗр хут та кайса килмесӗр епле пурӑнма май пуррине ниепле те ӑнланаймасть. Ман шутпа, произведенин ҫак эпизочӗ паян та пӗлтерӗшлӗ: хальхи ҫынсенчен нумайӑшӗн яланах вӑхӑт ҫук, ҫав шутра хӑйсене кӗтсе пурӑнакан ашшӗ-амӑшӗ патне кайса килме те. Ҫавӑнпа Валентин Константинов ҫакӑн ҫинчен ырӑ, ӑшӑ произведенисем ҫырни питӗ савӑнтарать.

Ӑнлантарусем

  1. ^ 1, 2, 3, 4, 5, 6, 7, 8 Константинов, Валентин Николаевич (выр.). «Наследие Чувашии». Пӑхнӑ кун: 2026 ҫулхи авӑнӑн 24-мӗшӗ.
  2. ^ 1, 2, 3, 4 Константинов Валентин Николаевич (выр.). Rus4All. Пӑхнӑ кун: 2026 ҫулхи авӑнӑн 24-мӗшӗ.
  3. ^ 1, 2 А. Ю. Гаврилова. История газеты (выр.). Газета Козловского района «Знамя». Пӑхнӑ кун: 2026 ҫулхи авӑнӑн 24-мӗшӗ.
  4. ^ Его произведения – источник вдохновения (выр.). Газета Козловского района «Знамя» (10 юпан 2025). Пӑхнӑ кун: 2026 ҫулхи юпан 2-мӗшӗ.
  5. ^ В клубе «Варкӑш» состоялось обсуждение книги Валентина Константинова «Клятва» (выр.). Чувашское книжное издательство. Пӑхнӑ кун: 2026 ҫулхи юпан 2-мӗшӗ.

Вуламалли

  • Австрийская, О. Валентин Константиновӑн «Тупа» кӗнеки пичетленсе тухрӗ / О. Австрийская // Ҫӗнтерӳ ҫулӗ. — 2018. — 31 юпа (№ 84). — С. 2.
  • Богданова, Н. Вӑрттӑнлӑх, юрату, кулӑш / Н. Богданова // Пирӗн сӑмах. — 2013. — 9 чӳк (№ 111). — С. 4.
  • Васильева, О. А. В. Константинов пултарулӑхӗнчи этем шӑпин ӑраскалӗ / О. А. Васильева // Чӑваш чӗлхипе литератури: теори тата методика : статьясен пуххи / И. Я. Яковлев ячӗллӗ Чӑваш патшалӑх педагогика университечӗ. — Шупашкар, 2015. — 24-мӗш кӑларӑм. — С. 26-29.
  • Константинов, В. Н. Чӗрӗк ӗмӗр ытла — хаҫат ӗҫӗнче / В. Н. Константинов // Ҫӗнтерӳ ҫулӗ (Вӑрнар районӗ). — 2008. — 15 чӳк (№ 93)
  • Осипов, Н. Н. Валентин Константинов прозаикӑн илемпе сӑнарлӑ шухӑшлав шыравӗсем / Н. Н. Осипов // Хальхи чӑваш калавӗ (2000—2015 ҫулсем) : монографи / Н. Н. Осипов. — Шупашкар, 2015. — С. 126—132.
  • Осипов, Н. Илемпе сӑнарлӑ шухӑшлав тӗнчин шыравӗсем / Н. Осипов // Тӑван Атӑл : литературӑпа культура тата искусство журналӗ. — Шупашкар, 2014. — № 6. — С. 107—110.
  • Сергеева, И. Ентешсене яланах хапӑл / И. Сергеева // Хыпар. — 2015. — 31 март/пуш (№ 54/55). — С. 15.
  • Станьял, В. Тӑвайккисен айккисем / В. Станьял // Тӑван Атӑл. — 2015. — № 4. — С. 117—122.
  • Каримова, О. Параллельный мир писателя / О. Каримова // Знамя = Ялав. — 2018. — 30 ноября (№ 47). — С. 3.
  • Константинов Валентин Николаевич // Энциклопедия Вурнарского района. — Чебоксары, 2015. — [Т.] 2. — С. 157.
  • 30 лет с пером и за клавиатурой // Советская Чувашия. — 2016. — 12 октября (№ 156). — С. 3.

Каҫӑсем

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».

Категорисем