Вырӑсла версиЯтарлӑ проектсем
Сӑна ӗнерлеЧӗлхе суйла
РУВИКИ ҪИНЧЕН

Курай кунӗ

Курай кунӗ — Пушкӑртстанӑн символӗсенчен пӗрне — курая — халалланӑ уяв. Пушкӑртстанра ҫӗнӗ уяв йӗркелесси ҫинчен калакан Хушӑва Пушкӑртстан Республикин Пуҫлӑхӗ Радий Хабиров 2024 ҫулхи октябрӗн 10-мӗшӗнче[1] алӑ пуснӑ, Курайҫӑсен патшалӑх ансамблӗн ҫак кун иртнӗ концерт-презентацийӗнче пӗлтернӗ. Уявӑн тӗллевӗ — пушкӑртсен наци музыка инструментне — курая — сыхласа хӑварасси тата ят-сумне сарасси[2].

Уяв кун-ҫулӗ

Курай — пушкӑртсен халӑх йӑли-йӗркипе, культурипе тачӑ ҫыхӑннӑ музыка инструменчӗ. 2021 ҫулта ӑна Раҫҫей Федерацийӗн Пушкӑртстан субъекчӗн территори бренчӗ вырӑнне регистрациленӗ[3][4]. 2024 ҫулхи ака уйӑхӗнче Пушкӑртстан Республикин Пуҫлӑхӗн Р. Ф. Хабировӑн Хушӑвӗпе Пушкӑрт Республикин курайҫӑсен патшалӑх ансамбльне йӗркеленӗ. Ансамблӗн илемлӗх ертӳҫине Раҫҫей Федерацийӗн тава тивӗҫлӗ артистне, Пушкӑртстан халӑх артистне Азат Айткулова ҫирӗплетнӗ. Хӑйӗн пӗрремӗш концертне ҫӗнӗ коллектив 2024 ҫулхи юпан 10-мӗшӗнче «Пушкӑртстан» патшалӑх концерт залӗнче ирттернӗ[5].

Курайҫӑсен патшалӑх ансамблӗн концерт-презентацийӗ вӑхӑтӗнче Радий Хабиров юпан 10-мӗшӗнче ҫӗнӗ уява — Курай кунне — паллӑ тӑвассине пӗлтернӗ. Куракансем регион пуҫлӑхӗн ҫак хыпарне тӑвӑллӑн алӑ ҫупса кӗтсе илнӗ[1][6].

Курай кунне наци музыка инструментне сыхласа хӑварма тата аталантарма туса хунӑ. Уяв мероприятийӗсем ҫамрӑксене курай калама вӗрентме, ҫавӑн пекех ҫитӗнекен ӑрӑвӑн пултарулӑхне аталантарма пулӑшма тивӗҫ. Ҫак кун республикӑра концертсем, куравсем тата мастер-классем ирттереҫҫӗ.

Вуламалли

Ӑнлантарусем

  1. ^ 1, 2 Глава Башкирии учредил новый праздник - День курая. Башинформ (10 юпан 2024).
  2. ^ Указ Главы Республики Башкортостан от 10 октября 2024 года №УГ-1053 «О Дне курая в Республике Башкортостан». Официальный Интернет-портал правовой информации Республики Башкортостан (10 юпан 2024). Пӑхнӑ кун: 2024 ҫулхи юпан 10-мӗшӗ.
  3. ^ Субъекты Российской Федерации, для региональных товаров которых зарегистрированы географические указания (ГУ) и наименования мест происхождения товаров (НМПТ) , Wayback Machine çинчи 2021 ҫулхи акан 25-мӗшӗнчи копийӗ // Роспатент
  4. ^ Курай зарегистрировали в качестве территориального бренда Башкортостана. «Башинформ» мәғлүмәт агентлығы, 2018, 1 март(выр.)(2018 çулхи пушӑн 2-мĕшĕнче тĕрĕсленĕ.)
  5. ^ Государственный ансамбль кураистов Республики Башкортостан. Башкирская государственная филармония имени Хусаина Ахметова.
  6. ^ В Башкирии учредят новый праздник. УфаLIVE.

Каҫӑсем

Категорисем