Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Кӳлвар Альберт Николаевич

Кӳлвар Альберт Николаевич (чӑн хушамачӗ Николаев; ҫур. 1939, Платка, Чăваш Автономиллĕ Социализмлă Совет Республики) — совет саманин тата Раҫҫейӗн сӑвӑҫи, журналист, учитель тата корреспондент[1][2]. 1997 ҫултанпа Раҫҫей ҫыравҫисен пӗрлешӗвӗн членӗ[2].

Пурнӑҫӗ

Альберт Кӳлвар 1939 ҫулта ҫуралнӑ[1][2]. Чӑн хушамачӗ Николаев, чӑваш.[2]

Иккассинчи вӑтам шкултан вӗренсе тухсан вӑл Казахстана ҫерем ҫӗтме кайнӑ. Каярахпа И. Я. Яковлев ячӗллӗ Чӑваш патшалӑх педагогика институтне тата А. А. Жданов ячӗллӗ Ленинградри патшалӑх университечӗн журналистика факультетне вӗренсе пӗтернӗ.

Ӗҫӗ-хӗлӗнче вӑл журналист тата корреспондент пулса ӗҫленӗ, ачасене шкулта вӗрентнӗ[1].

Вӑл «Ӑраскал» телекӑларӑмӑн пӗрремӗш кӑларӑмне ертсе пыраканӗ пулнӑ. 1969—1974 ҫулсенче Патӑрьел районӗнче Чӑваш радиокомитечӗн корреспонденчӗ пулса ӗҫленӗ.

1975 ҫултанпа Сочи хулинче пурӑнать[3].

Пултарулӑхӗ

Кӳлвар чӑваш поэзийӗнче сӑвӑҫ пек палӑрнӑ[1][2]. Чӑваш кӗнеке издательствинче унӑн «Платка ҫӗршывӗ» кӗнеке тухнӑ, «Атӑл» журнал библиотекинче — «Хура астрӑм» сӑвӑсен кӗнеки[3].

Унӑн хӑш-пӗр сӑввисем[4]:

  • «Тӑван ялта»;
  • «Пӑлатка йӑмрисем»;
  • «Хӗрлӗ палан та пилеш»;
  • «Вучах»;
  • «Киле таврӑнни»;
  • «Юр ирӗлет»;
  • «Тупа»;
  • «Хура тинӗс»;
  • «Крыльца ҫинче».

Ӑнлантарусем

  1. ^ 1, 2, 3, 4 Писатели и поэты (выр.). Культурный мир Чебоксарского района. Пӑхнӑ кун: 2026 ҫулхи акан 13-мӗшӗ.
  2. ^ 1, 2, 3, 4, 5 Николаев (Кюльвар) Альберт Николаевич (выр.). Электронная библиотека Национальной библиотеки Чувашской Республики. Пӑхнӑ кун: 2026 ҫулхи акан 13-мӗшӗ.
  3. ^ 1, 2 В.В. Петров. Энциклопедия Чебоксарского района : Николаев (Кульвар) Альберт Николаевич (выр.). Энциклопедии. Цифровая библиотека НБ ЧР. Пӑхнӑ кун: 2026 ҫулхи акан 13-мӗшӗ.
  4. ^ Альберт Кӳлвар. chuvash.org. Пӑхнӑ кун: 2026 ҫулхи акан 13-мӗшӗ.

Вуламалли

  • Шупашкар районӗнче ҫуралса ӳснӗ ҫыравҫӑсем : Библиогр. справочникӗ / сост. Р. П. Романова ; Р. П. Романова пухса хатӗрл. — Кӳкеҫ : и. ҫ., 2002. — 60 с.

Каҫӑсем

Категорисем