Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Иккасси тӗп шкулӗ

Иккасси тӗп шкулӗ — Шупашкар муниципаллӑ округне кӗрекен Иккассинче вырнаҫнӑ тӗп шкул. Хальхи вӑхӑтра, 2024 ҫулхи раштавӑн 28-мӗшӗнче пуҫласа, Ҫатра-Хочахмат вӑтам шкулӗн уйрӑмӗ шутланать.

Адресӗ: Шупашкар районӗ, Иккасси сали, Шкул урамӗ, 2а ҫурт[1].

Историйӗ

Иккасси шкулӗ Чӑваш Республикин лаптӑкӗнчи чи малтан уҫнӑ шкулсенчен пӗри шутланать. Ӑна 1861 ҫулта халӑх укҫи-тенкипе уҫнӑ, Патшалӑх пурлӑхӗн министерствине пӑхӑннӑ[2].

1887 ҫулта ялта пӗр класлӑ училище уҫӑлнӑ, ку тӗлӗшпе И.Я. Яковлев пулӑшнӑ. 1902 ҫулта вӑл икӗ класлӑ училище пулса тӑнӑ. 1896–1900 ҫулсенче училище валли ҫурт туса лартнӑ. Вӑл вӑхӑтра Иккасси шкулӗнче таврари ялсенчи ачасем вӗреннӗ[2].

Шкул чӑваш культурине самай пысӑк тӳпе хывнӑ. Хӑй вӑхӑтӗнче кунта сӑвӑҫ, драматург тата общество ӗҫченӗ Николай Шупуҫҫынни; профессилӗ чӑваш музикин никӗҫне хывнӑ Фёдор Павлов, литература тӗпчевҫи тата критик Емельян Захаров (Маден); ҫичӗ ордена тивӗҫнӗ Иван Степанов; Раҫҫей Федерацийӗн тава тивӗҫлӗ артисчӗ Иван Геннадьевич Иванов тата ыттисем вӗреннӗ[2].

undefined

1974 ҫулта шкул валли икӗ хутлӑ ҫурт хута янӑ. 2001 ҫулта ӑна ҫӗнетнӗ, вӑл пӗр хутлӑ ҫурт пулса тӑнӑ[1].

2024 ҫул вӗҫӗнче шкула Ҫатра-Хочахмат шкулӗпе пӗрлештериччен шкул директорӗ Карпов Василий Михайлович пулнӑ. Унччен 23 ҫул хушши ҫак вырӑна Владимиров Алексей Витальевич йышӑннӑ.

Хальхи вӑхӑтра

2008 ҫулта шкул ҫитӗнӗвӗсене кура ӑна Иван Яковлевич Яковлев медалӗпе чысланӑ[1].

Шкулта тӑватӑ ялти ачасем вӗренеҫҫӗ. Шкулӑн спорт залӗ, спорт лапамӗсем, 54 вырӑнлӑ столовӑй, вулавӑш, информатика кабинечӗ пур. Вӗренӳ процессне тивӗҫлӗ шайра пурнӑҫламашкӑн шкулӑн 14 компьютер, цифра фотоаппарачӗ, видеокамера, 3 мультимеди проекторӗ пур[1].

2021 ҫулхи нарӑсӑн 16-мӗшӗнчи Хушупа килӗшӳллӗн шкула Раҫҫей Федерацийӗнчи халӑхсен культура эткерӗн объекчӗсен йышне кӗртнӗ. 2021 ҫулта кунта пурӗ 21 ача вӗреннӗ[3].

2024 ҫулхи раштавӑн 28-мӗшӗнче шкул Ҫатра-Хочахмат вӑтам шкулӗн уйрӑмӗ пулса тӑнӑ.

Ӑнлантарусем

  1. ^ 1, 2, 3, 4 Сведения об образовательной организации (выр.). Муниципальное бюджетное общеобразовательное учреждение "Икковская основная общеобразовательная школа имени Н.В.Шубоссинни" Чебоксарского муниципального округа Чувашской Республики.
  2. ^ 1, 2, 3 Икковской школе – 150 лет (выр.). Чăваш Республикин Шупашкар муниципаллă округĕ (19 чӳкӗн 2011).
  3. ^ Анна Кашаева. Икковская школа отметила свое 160-летие (выр.). Тӑван Ен (27 чӳкӗн 2021).

Каҫӑсем

Категорисем