Ларионов Никита Ларионович

Никита Ларионов
Никита Ларионов
Ҫуралнӑ чухнехи ячӗ	Ларионов Никита Ларионович
Ҫуралнӑ	1932, нарӑс, 7
Ҫуралнӑ вырӑн	Кармал ялĕ, Элӗк районӗ Чăваш АССР, РСФСР
Вилнӗ	2014, авӑн, 22
Вилнӗ вырӑн	Элĕк сали, Элĕк районĕ, Чăваш Ен, РФ
Гражданлӑх
Пӗлӳ илни	И.Я. Яковлев ячӗллӗ Чӑваш патшалӑх педагогика университечӗ; Элĕкри И. Я. Яковлев ячĕллĕ вăтам шкул;
Мӗн енӗпе ӗҫленӗ	чăваш çыравçи тата сăвăçĕ
Пултарулӑх ҫулӗсем	1975 - 2014
Жанр	повеç, роман, калав, поэзи
Хайлавсен чӗлхи	чăваш, вырăс
Наградӑсем

Ларионов Никита Ларионович (1932 çулхи нарăсăн 7-мĕшĕ, Чăваш Ен, Элӗк районӗ, Кармал ялĕ — 2014 çулхи авăнăн 22-мĕшĕ, Элĕк сали, Элӗк районӗ Чăваш Ен) — чăваш прозăçи, сăвăçи^[1]^[2]^[3].

1991 çултанпа Чăваш ÇП пайташĕ. РФ ÇП пайташĕ. ССРП спорт ăсти (1969)^[4],^[5].

Пурнăçĕпе ĕçĕ-хĕлĕ

Никита Ларионов 1932 çулхи нарăсăн 7-мĕшĕнче Чăваш Енĕн Элӗк районӗнчи Кармал ялĕнче çуралнă.

Тенири çиччĕ çул вĕренмелли, Элĕкри вăтам шкулсенче вĕренсе тухнă.

1955 çулта Чăваш педагогика институчĕн студенчĕ пулса историпе филологи факультетĕнче пĕлӳ пухнă.

Вӑрмар районӗнчи Урнар ялĕнчи вăтам шкулта ĕçе тытăннă, унтанах хĕсмете кайнă. Çулталăкран таврăнсан, çав районти Шăхаль вăтам шкулĕнче виçĕ çул ĕçленĕ.

1959 çултанпа — тăван Элĕк енĕнче. Парти райкомĕнче 6 çул пропагандист, Тени шкулĕнче 3 çул аслă пионерсен ертӳçи пулса тăрăшнă.

7 çул хушши Хирлеппуçĕнчи сакăр çул вĕренмелли шкулта вырăс чĕлхипе литературине тата физкультурăна вĕрентнĕ.

1975 çултан пуçласа тивĕçлĕ канăва тухичченех Элĕкри вăтам шкулĕнче ĕçленĕ.

2014 çулхи авăнăн 22-мĕшĕнче Никита Ларионович çут тĕнчерен уйрăлса кайнă^[6].

Спортри çитĕнӳсем[тӳрлет | кодне тӳрлет]

Темиçе хутчен те республика чемпионĕ пулнă. 1953 çулта студентсем хушшинчи йĕлтĕрпе чупса Чăваш АССР чемпионĕ ятне тивĕçнĕ.

1969 çулта РСФСР чемпионатĕнче 5-мĕш вырăн йышăнса СССР спорт ăстине тивĕçет.

1990 çулта Будапешт хулинче ветерансен Европа чемпионатĕнче хăвăрт утассипе ăмăртать (55-59 çулсенчисен 5 çм ăмăртăвĕнче — 3 вырăн, 20 çм ăмăртăвĕнче — 3 вырăн).

1991 çулта Будапештри ветерансен хĕллехи 5 çм ăмăртăвĕнче бронза медале çĕнтерсе илет.

1996-мĕш çулта Брюгге хулинче (Бельги) хăвăрт утассипе шоссе çинче иртнĕ командăпа тата пайăр ăмăртса медальсене тивĕçет.

Пултарулăхĕ

Никита Ларионович калавсене, повеçсене, романсене хаçатсемпе журналсенче пичетленĕ.

Уйрăм тухнă кăларăмсем:

«Олимп каçалăкĕ» роман, Мускав чăвашла;
«Йĕпкĕн хĕрлĕ хăю»,
«Хĕр тупри», Элĕк-Шупашкар, 2001,
«Ват ăшши», Шупашкар, 2010,
«Асамлă маç», Шупашкар, 2012.

Ӑнлантарусем

^ ЧУВАШСКАЯ ЭНЦИКЛОПЕДИЯ
^ Учитель. Спортсмен. Писатель
^ Вăхăт таппи: çулсем, çынсем, сăнсем. Элӗк ен çырависем инчен Биобиблиографи указателӗ. Элĕк, 2011
^ Чувашская энциклопедия, 6-мĕш том
^ П. Афанасьев, «Писатели Чувашии», Шупашкар, 2006
^ Не стало Никиты Ларионовича Ларионова

Вуламалли

Л. И. Ефимов. . — Элĕк.
. — Шупашкар. — ISBN 978-5-7670-1630-3.

Каçăсем

Çĕнĕ хыпарсем — Чăваш Енĕн Элĕк районĕ

[1] ЧУВАШСКАЯ ЭНЦИКЛОПЕДИЯ

[2] Учитель. Спортсмен. Писатель

[3] Вăхăт таппи: çулсем, çынсем, сăнсем. Элӗк ен çырависем инчен Биобиблиографи указателӗ. Элĕк, 2011

[4] Чувашская энциклопедия, 6-мĕш том

[5] П. Афанасьев, «Писатели Чувашии», Шупашкар, 2006

[6] Не стало Никиты Ларионовича Ларионова

[1]

[2]

[3]

[4]

[5]

[6]