Левицкая Валентина Михайловна
Левицкая Валентина Михайловна (ҫур. 1945 ҫулхи ҫурлан 25-мӗшӗ, Шемшер, Чăваш Автономиллĕ Социализмлă Совет Республики) — тухтӑр, медицина ӑслӑлӑхӗсен кандидачӗ (2002)[1]. Чӑваш АССРӗн тава тивӗҫлӗ тухтӑрӗ.
Кун-ҫулӗ
Улатӑр районӗнчи Ҫӗнӗ Эйпеҫ, Кире вӑтам шкулӗсенче пӗлӳ пухнӑ[2]. 1963 ҫулта Шупашкар районӗнчи Кӳкеҫри вӑтам шкула вӗренсе пӗтернӗ. 1975 ҫулта И.Н. Ульянов ячӗллӗ Чӑваш патшалӑх университетӗнче «Сиплев ӗҫӗ» специальноҫӗ алла илсе аслӑ пӗлӳллӗ пулса тӑнӑ[2].
Унӑн диссертаци теми «Оценка эффективности комбинированного метода акупунктуры при лечении больных с сочетанной хронической патологией: бронхитом и сальпингоофоритом» ятлӑ пулнӑ[1].
1975–1979 ҫулсенче Шупашкар хулин васкавлӑ пулӑшу больницинче врач-терапевт пулса, 1979 ҫултанпа — участок врач-терапевчӗ пулса ӗҫленӗ. 1982 ҫултанпа Шупашкарти промышленность тракторӗсен савучӗн поликлиникинче I участок терапев уйрӑмӗн заведующийӗ пулса тӑрӑшнӑ.
1996 ҫултан И.Н. Ульянов ячӗллӗ Чӑваш патшалӑх университетӗнче ӗҫленӗ. Малтан ӑслӑлӑхпа тӗпчев медицина институчӗн кӗҫӗн ӑслӑлӑх ӗҫченӗ пулнӑ, 2002 ҫултанпа ӑна лаборатори заведующийне лартнӑ. 2011 ҫултанпа университетра Г.М. Воронцова ячӗллӗ акушерствӑпа гинекологи кафедрин доценчӗ.
Ӗҫӗсем
Валентина Михайловна 50 патнелле ӑслӑлӑх ӗҫӗ ҫырса хатӗрленӗ. Унӑн ӗҫӗсем ытларах пайӗпе организмӑнсывламалли тата репродукци системинче вӑраха тӑсӑлакан шыҫӑ процессӗсене медицина препарачӗсене усӑ курмасӑр сиплемелли мелсемпе ҫыхӑннӑ.
Вӑл 2169549 № «Способ лечения хронических воспалительных заболеваний внутренних органов» (Шалти органсен вӑраха тӑсӑлакан воспалени чирӗсене сиплемелли мел) изобретени патенчӗн авторӗ.
Ҫемье
Аппӑшӗ — Воронцова Галина Михайловна (1929—2009), медицина ӑслӑлӑхӗсен докторӗ.
Хисепӗсем
- Чӑваш АССРӗн тава тивӗҫлӗ тухтӑрӗ.
Ӑнлантарусем
- ^ 1, 2 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 237. — 505 с.
- ^ 1, 2 http://энциклопедии.наследиечувашии.рф/a/article/2514.html
Вуламалли
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 237. — 505 с.
Каҫӑсем
- Левицкая Валентина Михайловна («Энциклопедии» сайт) (выр.)