Лукьянов Иван Константинович
Лукьянов хушаматлă урăх çынсем çинчен РУВИКИ-ре статьясем пур.| Лукьянов Иван Константинович | ||
| Çуралнă вăхăт: | 1889, кӑрлач, 20 | |
|---|---|---|
| Çуралнă вырăн: | Чĕмпĕр кĕперни (халĕ Чĕмпĕр облаçĕн Чĕмпĕр районĕ) | |
| Вилнĕ вăхăт: | 1952, пуш, 6 | |
| Вилнĕ вырăн: | Хусан, Тутар АССР | |
| Ăсчах степенĕ: | медицина ăслăхĕсен тухтăрĕ | |
| Ăсчах хисепĕ: | профессор (1935) | |
| Альма-матер: | Хусанти университет (1918) | |
| Чыславсемпе премисем |
| |
Иван Константинович Лукьянов (20.1.1889, Чĕмпĕр кĕперни (халĕ Чĕмпĕр облаçĕн Чĕмпĕр районĕ) – 6.3.1952, Хусан, Тутар АССР) – тухтăр, медицина ăслăхĕсен тухтăрĕ, профессор (1935), патшалăх ĕсченĕ[1].
Биографи
Ачалăхĕ, çамрăк чухнехи пурнăçĕ Шăмăршă ялĕпе çыхăннă. Çав ялти Таисия Ильинична Гурова каланă тăрăх[2], Лукьяновсен килйышĕ ирçесем пулнă. Çав вăхăтрах, Пётр Осиповăн «Элкей таврашĕ» романĕнче ăна Шăмăршă чăвашĕ тенĕ.
Хусан университечĕн медицина факультетĕнче пĕлӳ илнĕ (1918). Пĕрремĕш Тĕнче вăрçине тата граждан вăрçине хутшăннă. Улатăр хулин сыватăшĕнче ĕçленĕ.
1921 — 1926 çулсенче ЧАО сывлăха сыхлас халăх комиссариачĕн уйрăмĕн ертӳçи, 1925–26 çулсенче ЧАССР сывлăха сыхлас халăх комиссарĕ.
Ĕçĕсем
Трахомăна профилактикипе, шыв çăлкуçĕсен, тăпрасен характеристикипе 50 яхăн ăслăх ĕç, çав шутра 4 монографи пичетленĕ.
- Трахома в Волжско-Камском крае. Ч., 1925; К вопросу о глазной заболеваемости населения Чувашской автономной области // Профилактическая медицина. 1926. №11.
Чыслани
- Тутар ССР тава тивĕçлĕ ăслăх ĕçченĕ (1945)
- Ĕçлĕх Хĕрлĕ Ялав орденĕ