Вырӑсла версиЯтарлӑ проектсем
Сӑна ӗнерлеЧӗлхе суйлаИнформаци
РУВИКИ ҪИНЧЕН

Макаров Олег Григорьевич

Оле́г Григо́рьевич Мака́ров (1933 ҫулхи кӑрлачӑн 6-мӗшӗ[1], Удомля[d], Мускав облаҫӗ — 2003 ҫулхи ҫӑвӑн 28-мӗшӗ, Мускав) — СССР космонавчӗ, икӗ хут Совет Союзӗн Паттӑрӗ. СССР лётчик-космонавчӗ. Техника ӑслӑлӑхӗсен кандидачӗ.

О. Г. Макаров лётчик-космонавтӑн асӑну хӑми, Ровно хули
СССР марки «Л. Д. Кизим, Г. М. Стрекалов тата О. Г. Макаров космонавтсем „Союз Т-3“ караппа вӗҫни» (1981)

Пурнӑҫӗ

1933 ҫулхи кӑрлачӑн 6-мӗшӗнче Удомля ялӗнче (халӗ Тверь облаҫӗнчи хула) ҫар ҫыннин ҫемйинче ҫуралнӑ. Нацилӗхӗпе вырӑс. 1951 ҫулта Ровно хулинчи 3-мӗш вӑтам шкула вӗренсе пӗтернӗ.

1957 ҫулта Н. Э. Бауман ячӗллӗ Мускаври аслӑ техника училищине вӗренсе тухнӑ хыҫҫӑн С. П. Королёвӑн 1-мӗш ОКБ-нче ӗҫленӗ, пилотлӑ пӗрремӗш космос карапӗсене тума хутшӑннӑ. 1961 ҫултанпа КПСС пайташӗ.

1966 ҫултанпа — Космонавтсен отрядӗнче. 1965—1969 ҫулсенче Уйӑх тавра вӗҫсе ҫаврӑнмалли тата Уйӑх ҫине анса лармалли совет программипе хатӗрленнӗ ушкӑнра пулнӑ (Уйӑх ҫине вӗҫмелли экспедицисене пӑрахӑҫланӑ).

СССР 27-мӗш космонавчӗ. Пӗтӗмпе космоса тӑватӑ хутчен вӗҫнӗ:

  • Пӗрремӗш хут 1973 ҫулхи авӑнӑн 27–29-мӗшӗсенче «Союз-12» карап ҫинче В. Г. Лазаревпа пӗрле вӗҫнӗ.
  • Иккӗмӗш хут 1975 ҫулхи акан 5-мӗшӗнче каллех В. Г. Лазаревпа пӗрле «Союз-18-1» карап ҫинче вӗҫнӗ, анчах старт вӑхӑтӗнче вӗҫтерсе яракан ракетӑра пӑтӑрмах тухнӑран вӗҫев суборбитӑллӑ кӑна пулнӑ (21 минут та 27 ҫеккунт тӑсӑлнӑ). Космонавтсем Алтай тӑвӗсенче (халӗ Казахстан территорийӗ) анса ларнӑ[2].
  • Виҫҫӗмӗш хут 1978 ҫулхи кӑрлачӑн 10–16-мӗшӗсенче «Союз-27» караппа вӗҫсе «Салют-6» станци ҫинче Владимир Джанибековпа пӗрле ӗҫленӗ.
  • Тӑваттӑмӗш хут 1980 ҫулхи чӳкӗн 27-мӗшӗнчен раштавӑн 10-мӗшӗччен «Союз Т-3» караппа Леонид Кизимпа тата Геннадий Стрекаловпа пӗрле вӗҫнӗ.

Космосра пӗтӗмпе 20 кун та 17 сехет те 20 минут пулнӑ.

2003 ҫулхи ҫӑвӑн 28-мӗшӗнче инфарктран вилнӗ. Мускаври Останкино масарӗнче пытарнӑ.

Хисепӗсем

  • Икӗ хут Совет Союзӗн Паттӑрӗ;
  • Тӑватӑ Ленин орденӗ (1973, 1975, 1978, 1980);
  • «Кӑвак Нил» орден (Эфиопи);
  • СССР лётчик-космонавчӗ;
  • Джезказган (Казахстан), Ровно (Украина), Якутск (Раҫҫей) хулисен хисеплӗ гражданинӗ;
  • Раҫҫей Федерацийӗн Президенчӗн Тав ҫырӑвӗ (1996)[3].

Астӑвӑм

  • Тӑван Удомля хулинче бронза бюст вырнаҫтарнӑ.
  • Ровно хулинчи 3-мӗш шкул ҫуртӗнче асӑну хӑми уҫнӑ.

Ӑнлантарусем

  1. ^ 1, 2 Макаров Олег Григорьевич // Большая советская энциклопедия (выр.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. ^ К 95-летию космонавта В. Г. Лазарева. 23 февраля 1928 г. родился летчик-космонавт СССР, Герой Советского Союза Василий Григорьевич Лазарев. РГАНТД впервые публикует фрагменты радиопереговоров космонавтов во время аварийного запуска корабля «Союз» 5 апреля 1975 г.
  3. ^ Распоряжение Президента Российской Федерации от 9 апреля 1996 года № 174-рп. Пӑхнӑ кун: 2019 ҫулхи юпан 6-мӗшӗ.

Вуламалли

  • «С. П. Королёв. Энциклопедия жизни и творчества» — под редакцией В. А. Лопота, РКК «Энергия» им. С. П. Королёва, 2014 г. ISBN 978-5-906674-04-3.
  • И. А. Маринин, С. Х. Шамсутдинов, А. В. Глушко (составители). Советские и российские космонавты. 1960—2000 / Под редакцией Ю. М. Батурина. — ООО Информационно-издательский дом «Новости космонавтики», 2001. — ISBN 5-93345-003-0.

Каҫӑсем

Темӑпа ҫыхӑннисем

Категорисем