Михайлов Леонид Хрисанфович
Михайлов Леонид Хрисанфович (1916 ҫулхи ҫӗртмен 3-мӗшӗ, Юрпаш, Хусан кӗпӗрни — 2008 ҫулхи пушӑн 30-мӗшӗ, Шупашкар) — совет саманин хуҫалӑх, патшалӑх тата политика ӗҫченӗ.
Пурнӑҫӗпе ӗҫӗ-хӗлӗ
1916 ҫулта Хусан кӗпӗрнин Етӗрне уесӗнчи[1] Юрпаш ялӗнче ҫуралнӑ. Етӗрнери ҫырлапа пахча-ҫимӗҫ ӗрчетме вӗрентекен ял хуҫалӑх техникумӗнчен (1936) вӗренсе тухнӑ, 1941 ҫулта Чӑваш ял хуҫалӑх институчӗн уй-хир факультечӗн 3 курсне пӗтернӗ, 1948 ҫулта ВКП(б) ЦК ҫумӗнчи партин аслӑ шкулӗнче пӗлӳ илнӗ[2].
1937 ҫултанпа — хуҫалӑх, общество тата политика ӗҫне пурнӑҫланӑ. 1937–1975 ҫулсенче — РСФСР ҫӗр ӗҫӗн халӑх комиссариачӗ ҫумӗнчи «Сортсемовощ» чӑваш кантурӗн агрономӗ тата уполномоченнӑйӗ, ВЛКСМ Чӑваш обкомӗн пропаганда енӗпе ӗҫлекен секретарӗ, ВЛКСМ Чӑваш обкомӗн пӗрремӗш секретарӗ, партин Шупашкар хула комитечӗн секретарӗ тата иккӗмӗш секретарӗ, КПСС обкомӗн парти, профсоюз тата комсомол органӗсен пай заведующийӗ, Чӑваш облсовпрофӗн председателӗ, КПСС Ҫӗмӗрле район комитечӗн пӗрремӗш секретарӗ, Чӑваш республикин профессипе техника вӗрентӗвӗн управленийӗн пуҫлӑхӗ пулнӑ[3].
Ӑна СССР Аслӑ Канашӗн 6-мӗш пухӑвӗн депутатне, КПСС XXII съезчӗн делегатне суйланӑ[3].
2008 ҫулта Шупашкарта вилнӗ[3].
Хисепӗсем
Леонид Хрисанфович ҫак хисепсене тивӗҫнӗ[2]:
- «Хисеп палли» орденӗ (виҫӗ хут);
- РСФСР профессипе техника вӗрентӗвӗн тава тивӗҫлӗ ӗҫченӗ (1990);
- унӑн ятне Чӑваш АССРӗн Ӗҫ Мухтавӗпе Паттӑрлӑхӑн Хисеп Кӗнекине ҫырса хунӑ (1990);
- медальсем;
Ӑнлантарусем
- ^ Халӗ — Чӑваш Республикин Муркаш районӗ
- ^ 1, 2 Михайлов, Леонид Хрисанфович (государственный и общественный деятель; 02.06.1916-30.03.2008) (выр.). «Наследие Чувашии». Цифровая библиотека чувашского наследия. Пӑхнӑ кун: 2025 ҫулхи ҫурлан 8-мӗшӗ.
- ^ 1, 2, 3 Ф.Ф. Фёдоров. Михайлов Леонид Хрисанфович // Электронная Чувашская энциклопедия = Чувашская энциклопедия : в 4 т. / Гл. ред. В. С. Григорьев. — Чебоксары : Чувашское книжн. изд-во, 2009. — Т. 3: М—Се. — 683 с. — ISBN 978-5-7670-1719-5.
Вуламалли
- Хисеп кӗнекине кӗртнӗ // Коммунизм ялавӗ. — 1990. — 8 май. — С. 1.
- Михайлов Леонид Хрисанфович // Энциклопедия Моргаушского района. — Чебоксары, 2020. — С. 235-236.
- Ф.Ф. Фёдоров. Михайлов Леонид Хрисанфович // Электронная Чувашская энциклопедия = Чувашская энциклопедия : в 4 т. / Гл. ред. В. С. Григорьев. — Чебоксары : Чувашское книжн. изд-во, 2009. — Т. 3: М—Се. — 683 с. — ISBN 978-5-7670-1719-5. // Чувашский государственный институт гуманитарных наук.
Каҫӑсем
- Михайлов, Леонид Хрисанфович (государственный и общественный деятель; 02.06.1916-30.03.2008) (выр.). «Наследие Чувашии». Цифровая библиотека чувашского наследия. Пӑхнӑ кун: 2025 ҫулхи ҫурлан 8-мӗшӗ.