Мокеев Эрнст Матвеевич

Эрнст Матвеевич 1936 çулта Канаш хулинче çуралнă. Пĕтĕм Союзри Кинематографин патшалăх институтĕнче пĕлӳ илнĕ хыççăн (1970) Раççейри кино- тата телестудисенче ĕçленĕ. 1953—1960 ҫулсенче — Ф. Г. Волков ячӗллӗ Ярославль патшалӑх драма театрӗнче цех монтировщикӗ, режиссёрӑн пулӑшаканӗ тата ассистенчӗ, 1967—1970 ҫулсенче — Ленинград киностудиӗн ӑслӑлӑх фильмӗсен уйрӑмӗн режиссёрӗ, 1970—1979 ҫулсенче Ростов киностудийӗн хроникӑпа документлӑ фильмсен уйрӑмӗн режиссёрӗ, 1979—1990 ҫулсенче Шупашкар телекуравӗн киноушкӑнӗн режиссёрӗ пулнӑ^[1].

Э.М. Мокеев «Полярный лётчик», «Салам, Адыгея», «Водолазы», «Мужество», «Репетиция в воскресенье» тата ытти документлă фильмсен сценарийĕн авторĕ. Чăваш Енпе çыхăннă 100-е яхăн киноорчерк авторĕ: «Алтăр», «Рядовой Харитонов», «Красный поезд», «Гобоист Анатолий Любимов», «Композитор Григорий Хирбю», «Поёт Ираида Вдовина», «Композитор Фёдор Васильев» тата ыттисем те^[1].

Вăл акварельпе ӳкернĕ «Манăн Чăваш Енĕм», «Нарспи», «Мастер и Маргарита» ӳкерчĕксен серине Мускавра тата Шупашкарта кăтартнă^[2].

Унăн ӳкерчĕкĕсене тата калавĕсене «Юность» тата «Молодая гвардия» журналсенче пичетленĕ.

• ЧАССР тава тивĕçлĕ культура ĕçченĕ (1986).

• Ашшӗ — Мокеев Матвей Васильевич, патшалӑхпа хуҫалӑх ӗҫченӗ, Канашри вакун юсакан завода тунӑскер^[3];
• Пиччӗшӗ — Мокеев Феликс Матвеевич, РСФСР тава тивӗҫлӗ артисчӗ^[4].