Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Мучар вӑтам шкулӗ

Мучар вӑтам шкулӗ — Тӑвай муниципаллӑ округӗнчи Мучар ялӗнче вырнаҫнӑ вӑтам шкул.

Адресӗ: Чӑваш Республики, Тӑвай районӗ, Мучар ялӗ, Ҫӗнӗ урам, 12-мӗш ҫурт[1].

Директорӗ: Белов Алексей Иванович[1].

Историйӗ

1825 ҫулта чиркӳ прихучӗн шкулӗ пек уҫнӑ. 1861 ҫултанпа Патшалӑх пурлӑхӗн министерствине пӑхӑннӑ. 1884 ҫултанпа — арҫын ачасене вӗрентекен Сӑваплӑ Гурий братствин шкулӗ[2].

1917 ҫулта пӗрремӗш ступеньлӗ совет шкулӗ пулса тӑнӑ. 1947 ҫулта кунта ачасене ҫичӗ ҫул вӗрентме тытӑннӑ. 1963 ҫулта вӑл сакӑр ҫул вӗренмелли шкул пулса тӑнӑ. 1988 ҫултанпа — тулли мар вӑтам шкул. 1992 ҫулта тӑхӑр ҫул вӗрентекен тӗп шкул пулса тӑнӑ. 1993 ҫултанпа — пӗтӗмӗшле пӗлӳ паракан вӑтам шкул[2].

Шкулӑн хальхи ҫуртне 1967 ҫулта хӑпартнӑ, 1992 ҫулта ӑна тӗпрен юсанӑ[2].

Шкул директорӗсем

Шкул директорӗ пулса тӗрлӗ вӑхӑтра ҫак ҫынсем ӗҫленӗ[2]:

  • Краснов Н.Д.;
  • Шишкин И.П. (1947–1952);
  • Иванов Г. (1952–1953);
  • Новикова М.Н. (1953–1954; 1961–1963);
  • Семёнов К.С (1957–1960);
  • Александров В.А. (1960–1961);
  • Мурзин Б.В. (1963–1983);
  • Бахмутов И.И. (1984–1988);
  • Бахмутова З.И. (1988–2005);
  • Смирнова В.И. (2005–2017);
  • Белов Алексей Иванович (2017–хальхи вӑхӑтччен).

Хальхи вӑхӑтра

Ку шкулта Киччӗ ялӗнчи, Кӗрше, Мучар салинчи ачасем пӗлӳ пухаҫҫӗ[2].

Шкулта 11 вӗренӳ кабинечӗ пур. Ҫавӑн пекех шкулӑн вулавӑш, спорт площадки, столовӑй, вӗренӳпе опытлӑ участок, компьютер класӗ пур. Ачасене шкула ПАЗ 3205 автобус турттарать. Шкулӑн пурӗ 13 компьютер, ноутбукпа музыка центрӗ пур[3].

Шкулта вӗренекен ачасене вӗри апатпа тивӗҫтереҫҫӗ. Ку тивӗҫе пурнӑҫлама «Янтиковский опщепит» ТМЯП-па килӗшӳ тунӑ[4].

Ӑнлантарусем

  1. ^ 1, 2 Администрация (выр.). Муниципальное бюджетное общеобразовательное учреждение «Можарская средняя общеобразовательная школа» Янтиковского муниципального округа Чувашской Республики.
  2. ^ 1, 2, 3, 4, 5 Энциклопедия Янтиковского района = Тӑвай районӗн энциклопедийӗ. — «Новое время», 2020. — Т. 1. — С. 298-295. — 636 с. — ISBN 978-5-907246-52-2.
  3. ^ Материально-техническое обеспечение и оснащенность образовательного процесса. Доступная среда (выр.). Муниципальное бюджетное общеобразовательное учреждение «Можарская средняя общеобразовательная школа» Янтиковского муниципального округа Чувашской Республики.
  4. ^ Организация питания в образовательной организации (выр.). Муниципальное бюджетное общеобразовательное учреждение «Можарская средняя общеобразовательная школа» Янтиковского муниципального округа Чувашской Республики.

Вуламалли

  • Энциклопедия Янтиковского района = Тӑвай районӗн энциклопедийӗ. — «Новое время», 2020. — Т. 1. — С. 298-295. — 636 с. — ISBN 978-5-907246-52-2.

Каҫӑсем

Категорисем