Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Поляшов Владислав Сергеевич

Disambig gray.svg Поляшов хушаматлă урăх çынсем çинчен РУВИКИ-ре статьясем пур.

Поляшов Владислав Сергеевич (ҫур. 1995 ҫулхи акан 4-мӗшӗ, Шупашкар) — Раҫҫей гимнасчӗ. Тӗнче, Раҫҫей шайӗнчи тата БРИКС ҫӗршывӗсен вӑййин чемпионӗ. Олимп вӑййисене хутшӑннӑскер. Тӗнче шайӗнчи Раҫҫей спорт мастерӗ.

Пурнӑҫӗ

Владислав Поляшов 1995 ҫулхи акан 4-мӗшӗнче Шупашкарта ҫуралнӑ.

Вӑл Шупашкарти 6-мӗш номерлӗ СШОРта пӗлӳ илнӗ[1]. Шупашкарти олимп резервӗн училищине вӗренсе пӗтернӗ.

Харпӑр пурнӑҫӗ

2024 ҫулхи юпа уйӑхӗнче Владислав авланнӑ. Арӑмӗн ячӗ — Надежда[2].

Спортри карьери

2012 ҫулта вӑл «Раҫҫейӗн тӗнче шайӗнчи спорт мастерӗ» ята тивӗҫнӗ[3].

2014 тата 2016 ҫулсенче команда ӑмӑртӑвӗсенче Раҫҫей чемпионӗ пулнӑ.

2017 ҫулта Тайбэйри ҫуллахи Универсиадӑра перекладина ҫинчи упражненисенче кӗмӗл медаль ҫӗнсе илнӗ[4].

Каярахпа тӗнче тата Европа чемпионачӗсен, Европа вӑйисен призёрӗ пулнӑ.

2021 ҫулта Токиори Олимп вӑййине хутшӑннӑ. Унта лаша ҫинчи упражненисенче 14-мӗш вырӑн, брус ҫинчи упражненисенче 15-мӗш вырӑн йышӑннӑ.

2022 ҫулта лаша ҫинчи упражненисенче Раҫҫей чемпионатӗнче ҫӗнтернӗ.

2024 ҫулта лаша ҫинчи упражненисенче Раҫҫей чемпионӗ тата БРИКС ҫӗршывӗсен вӑйисен чемпионӗ пулса тӑнӑ[5].

2025 ҫулхи пуш уйӑхӗнче Тӗнчери гимнастика федерацийӗнчен нейтраллӑ статус илнӗ. Ку статус ӑна тӗнчери ӑмӑртусене хутшӑнма ирӗк парать[6]. Юпа уйӑхӗнче лаша ҫинчи упражненисенче Раҫҫей чемпионатӗнче ҫӗнтернӗ[7]. Тӗнче чемпионатӗнче вӑл брусья ҫинчи упражненисенче 6-мӗш вырӑн йышӑннӑ.

Ҫавӑн пекех 2025 ҫулта ТНТ каналӗнчи «Титаны» спорт телешоувӗн виҫҫӗмӗш сезонне хутшӑннӑ. Унта вӑл 76-мӗш номерпе ӑмӑртнӑ[8]. Тӑххӑрмӗш кӑларӑмра шоуран тухса ӳкнӗ[9].

Спортри ҫитӗнӗвӗсем

Тӗнче чемпионачӗсем
Кӗмӗл Доха 2018 команда
Ылтӑн Штутгарт 2019 команда
Европа вӑййисем
Бронза Минск 2019 нумай енлӗ кӗрешӳ
Европа чемпионачӗсем
Бронза Щецин 2019 лаша
БРИКС ҫӗршывӗсен вӑййи
Ылтӑн Хусан 2024 лаша
Универсиадӑсем
Кӗмӗл Тайбэй 2017 перекладина
Бронза Тайбэй 2017 команда

Ӑнлантарусем

  1. ^ Гимнаст подаёт большие надежды. Архивланӑ 2022 ҫулхи кӑрлачӑн 28-мӗшӗ.
  2. ^ Владислав Поляшов приобрёл статус мужа
  3. ^ Приказ «О присвоении спортивного звания „Мастер спорта России международного класса“» от 26.12.2012 г. № 72-нг. Архивланӑ 2024 ҫулхи нарӑсӑн 21-мӗшӗ.
  4. ^ Гимнаст Поляшов завоевал серебро Универсиады в упражнении на перекладине (выр.). Рамблер/спорт. Пӑхнӑ кун: 2019 ҫулхи нарӑсӑн 6-мӗшӗ. Архивланӑ 2019 ҫулхи нарӑсӑн 9-мӗшӗ.
  5. ^ Поляшов выиграл упражнения на коне на Играх БРИКС. Архивланӑ 2024 ҫулхи утӑн 2-мӗшӗ.
  6. ^ Олимпийская чемпионка Мельникова и Маринов получили нейтральный статус для участия в международных соревнованиях (2025-03-06). 2025 ҫулхи ҫӑвӑн 20-мӗшӗнче архивланӑ. Тӗрӗсленӗ: 2025 ҫулхи пушӑн 6-мӗшӗ.
  7. ^ Маринов, Поляшов и Заика завоевали золотые медали на ЧР по гимнастике
  8. ^ Полина Симикова. Гимнаст из Чувашии поборется за 10 миллионов в новом сезоне спортивного реалити на ТНТ (2025-08-29). Тӗрӗсленӗ: 2025 ҫулхи чӳкӗн 13-мӗшӗ.
  9. ^ Кто вылетел из «Титанов» на ТНТ 16 ноября? Звезда проекта ушла из шоу второй раз. Кик (16 чӳкӗн 2025). Пӑхнӑ кун: 2025 ҫулхи чӳкӗн 16-мӗшӗ.

Каҫӑсем

Темӑпа ҫыхӑннисем

Категорисем