Проклова Елена Игоревна

1953 ҫулхи авӑнӑн 2-мӗшӗнче Мускавра ҫуралнӑ. Ашшӗ — В. И. Ленин ячӗллӗ Ҫарпа политика академийӗн вӗрентекенӗ Игорь Викторович Проклов (13.08.1929), амӑшӗ Инесса Александровна Проклова шкул вӗрентекенӗ^[4].

Пултарулӑх хутлӑхӗнче ӳснӗ: унӑн мӑн асламӑшӗпе аслашшӗ актёрсем пулнӑ^[5], чылай культура ӗҫченӗсем тата актёрсем унӑн ашшӗ-амӑшӗсен тусӗсем пулнӑ. Вӗсем пурӑнакан дача посёлокӗ ученӑйсемпе художниксен тата артистсен шутланнӑ. Ҫывӑх ҫыннисем Елена актриса пуласси пирки шухӑшламан, вӑл спортсменка пуласшӑн пулнӑ, тӑватӑ ҫултанпах спорт гимнастикипе аппаланнӑ, вун пӗрте спорт мастерӗ пулса тӑнӑ^[6][4].

«Шӑнкӑравлаҫҫӗ, алӑка уҫӑр» (1965, режиссёр Александр Митта) картина кинори дебют пулса тӑнӑ^[4]. Ҫак фильмӑн иккӗмӗш режиссёрӗ Еленӑн аслашшӗ Виктор Тимофеевич Проклов пулнӑ, вӑл актёрсене суйлассишӗн яваплӑ пулнӑ. Тӗп роле ҫамрӑк актриса шыранӑ, вара ҫемье тусӗ, вӑл та кинематографист, аслашшӗне хӑйӗн мӑнукне кӑтартма сӗннӗ. Аслашшӗ килӗшмен, вара ҫемье тусӗ хӗрачана хӑех режиссёр патне илсе пынӑ^[6]. Ун хыҫҫӑн паллӑ совет фильмӗсенчи — «Снежная королева» (1966), «Переходный возраст» (1968), «Гори, гори, моя звезда» (1969) — тӗп рольсем пулнӑ.

1973 ҫулта МХАТ шкул-студинче(выр.)чăв. (В. П. Марков курсӗ^[7]) вӗренсе тухнӑ та МХАТӑн(выр.)чăв. актриси пулса тӑнӑ (1991-мӗш ҫулччен)^[4].

1976 ҫулта Пӗтӗм Союзри кинофестиваль(выр.)чăв. лауреачӗ пулса тӑнӑ^[6][4].

1980 ҫулта Александр Митта Еленӑна каллех хӑйӗн проектне йыхравланӑ. Проклова театрта нумай ӗҫ пулнипе килӗшмен, ун чухне «Экипаж» фильм тӑван ҫӗршывӑн кино легенди пулса тӑрасси пирки шухӑшламан та. Фильмра актрисӑна ҫамрӑк Александра Яковлева улӑштарнӑ.

1975 ҫулта «Единственная…» картина тухнӑ хыҫҫӑн пӗтӗм Союзӗпе паллӑ пулса тӑнӑ, унта унӑн партнёрӗсем Валерий Золотухинпа Владимир Высоцкий пулнӑ^[4].

• Пӗрремӗш упӑшки — Виталий Мелик-Карамов, режиссёр-документалист (мӑшӑрлану тӑватӑ ҫула тӑсӑлнӑ, 1971 ҫултан пуҫласа 1975 ҫулччен)^[8].
  • Хӗрӗ — Арина (1972, ҫурла, 29)^[4][8], дизайнер пулса ӗҫлет.
    • Мӑнукӗ — Алиса (1995)^[8].
• Иккӗмӗш упӑшки (1977—1981 ҫулсенче) — Александр Дерябин, врач^[8].
• Виҫҫӗмӗш упӑшки — Андрей Тришин (1961), бизнесмен^[8][9]. 1984 ҫултанпа мӑшӑрланнӑ. 30 ҫул мӑшӑрлӑ пурӑнса 2015 ҫулта уйрӑлнӑ^[10]. 2025 ҫулхи юпа уйӑхӗнче Елена Проклова хӑйӗн упӑшки пулнӑ Андрей Тришин ӑна тепӗр хут качча тухма сӗннине пӗлтернӗ^[11].
  • Хӗрӗ — Полина (1994)^[4][8].

• 1978 ҫултанпа ВЛКСМ тӗп комитечӗн пайташӗ пулнӑ^[4].
• 2003 ҫултанпа «Пӗрлӗхлӗ Раҫҫей» партинче тӑрать^[4].
• 2003 тата 2007 ҫулсенче Раҫҫей Федерацийӗн IV тата V чӗнӗвӗсен Патшалӑх думин суйлавӗнче партин шаннӑ ҫыннисен шутне кӗнӗ^[4].
• 2005—2008 ҫулсенче — Раҫҫей Федерацийӗн Обществӑлла палатин(выр.)чăв. пайташӗ^[4].
• «Наци сывлӑхӗн лиги» Пӗтӗм Раҫҫейри обществӑлла организацин канашӗн пайташӗ^[5].
• Раҫҫей юланутҫисене пулӑшакан «Ваня» ыркӑмӑллӑх фончӗн попечительсен канашне кӗрет^[4].
• Раҫҫей Федерацийӗн кинематографистсен пӗрлешӗвӗн(выр.)чăв. тата Раҫҫей кинематографи «Ника» ӳнер академийӗн пайташӗ^[12][4].

• 1976 — Фрунзе хулинче иртнӗ Пӗтӗм Союзри кинофестивалӗн иккӗмӗш парни, «Единственная …» фильмра Татьяна Фешева рольне вылянӑшӑн (1975)^[4][6][18];
• 1977 — Панамӑри XV Пӗтӗм тӗнчери кинофестиваль в Панаме — «Единственная …» (1975) фильмри «Чи лайӑх хӗрарӑм ролӗшен» тӗп парне^[4][6];
• 1977 — Ленинла комсомол парни — «Ключ без права передачи» фильмра Марина Максимовна рольне вылянӑшӑн (1976)^[4];
• 1984 — РСФСР тава тивӗҫлӗ артисчӗ^[4].

• «Все трофеи Елены Прокловой» («Пӗрремӗш канал», 2013)^[19]
• «Елена Проклова и Андрей Тришин. „Свадебный переполох“» («Пӗрремӗш канал», 2013)^[20][21]
• «Елена Проклова. „Когда уходит любовь“» («ТВ Центр», 2017)^[22]
• «Елена Проклова. „Раскрывая тайны звёзд“» («Мускав 24», 2018)^[23]
• «Елена Проклова. „До слёз бывает одиноко…“» («Пӗрремӗш канал», 2018)^[24][25]
• «Мужчины Елены Прокловой» («ТВ Центр», 2019)^[26]
• «Елена Проклова и Алексей Баталов. „Звёзды советского экрана“» («Мускав 24», 2021)^[27]