Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Рак (зодиак палли)

Тӗрӗслесе тухнӑ статья

Рак (лат. Cancer) — астрологири ӑнлав, зодиакӑн шучӗпе тӑваттӑмӗш паллине палӑртать, вӑл Йӗкӗрешсемпе Арӑслан хушшинче вырнаҫнӑ, ҫурхи кунпа ҫӗр танлашнӑ пӑнчӑран шутласан тӳпе эклиптикин 90° — 120° хушшинчи сектора тивӗҫтерет[1][2].

Раксен шутне ҫӗртме уйӑхӗн 21-мӗшӗнчен пуҫласа утӑ уйӑхӗн 22-мӗшӗччен ҫуралнисем кӗреҫҫӗ тесе шутлаҫҫӗ, мӗншӗн тесен анӑҫ астрологийӗ ҫирӗплетнӗ тӑрӑх ҫак вӑхӑтра Хӗвел Рак паллинче тӑрать[3][4].

Енчен те, астрологсен кӑтартӑвӗсемпе килӗшӳллӗн, Платонӑн Аслӑ ҫулӗ, е эклиптикӑпа ҫурхи кунпа ҫӗр танлашнӑ пӑнчӑн куҫӑмӗн тулли ҫаврӑмӗ, 25 920 ҫулпа танлашать пулсан, Сурӑхӑн астрологи самани пирӗн эрӑчченхи 9000 ҫултан пуҫласа пирӗн эрӑри 7000 ҫулччен пынӑ[5].

Рак паллине Шыв стихийӗ тивӗҫтерет[1].

Паллӑна тытса тӑракан планета — Уйӑх[2].

Рак тӗсӗ — симӗс е хӗрлӗрех хӑмӑр[6].

Рака ялан краб (е лобстер, е рак) пек[7][8] е раксен икӗ хаччипе сӑнлаҫҫӗ[9].

Рак паллине Рак ҫӑлтӑр ушкӑнӗпе пӑтраштармалла мар, Хӗвел унта, астрономипе килӗшӳллӗн, утӑ уйӑхӗн 21-мӗшӗнчен пуҫласа ҫурла уйӑхӗн 9-мӗшӗччен тӑрать[10].

Мифологи

Авалхи грексен халапӗнче Рак Лерней гидрипе ҫапӑҫакан Геракла тапӑннӑ. Геракл Рака пусса лапчӑтнӑ, анчах та Геракла юратман Гера Ракӑн хӑюлӑхне шута илсе ана тӳпене хӑпартнӑ[7][11].

Рак хуппи ҫинче икӗ янкӑр ҫутӑ ҫӑлтӑр пур (вӗсем — Ашаксем, вӗсем хушшинчи тӗтрелӗх — Урапа, ун патенче вӗсем тӑраҫҫӗ те); сылтӑм кашни ури ҫинче ун перер ҫутӑ ҫӑлтӑр, сулахай урисем ҫинче — малтипе иккӗмӗш урисем ҫинче икшер ҫутӑ, виҫҫӗмӗшпе тӑваттӑмӗш ҫинче пӗрер ҫӑлтӑр; ҫӑварӗ патӗнче — пӗрре; сылтӑм хаччи ҫинче виҫӗ пӗр пек ҫӑлтӑр, сулахай хаччи ҫинче — пӗрре. Пурӗ вунсаккӑр[11].Эратосфен «Катастеризмсем»

undefined

Классификаци

Рака зодиак палли пек тӗрлӗ критерипе ҫапларах классификацилеҫҫӗ:

  • квадрантсем е ҫулталӑк вӑхӑчӗ тӑрӑх — ҫуллахи чӗрӗкӗ вӗри, типӗ тата холериклӑ[1],
  • триплицетсем (стихийӑсем) тӑрӑх — шыв (шыв, сивӗ тата нӳрӗк)[1],
  • кунпа ҫӗр танлашнӑ пӑнчӑсем тӗлӗшпе вырнаҫнипе — ҫурҫӗр[12],
  • тригонсемпе — кӑнтӑрла Афродита тригонӗ, ҫӗрле Арес тригонӗ[2],
  • экзальтаци тӑрӑх — экзальтацире Зевс (Юпитер), ӳкнӗ чух Арес (Марс)[2][13],
  • тытса тӑракан планета тӑрӑх — Уйӑх[2],
  • паллӑлӑх ҫутҫанталӑкӗпе — тропиклӑ[2], хускануллӑ е кардиналлӑ[12],
  • ар-ама паллипе — ама[14][2][12],
  • пурӑннӑ вырӑнпа — Уйӑх турӑ килӗ[2],
  • регион тӑрӑх — Эрмени[2],
  • ҫын кӗлеткин пайӗпе — кӑкӑр[2],
  • пӑхӑнса тӑракан тӑрӑх — ертсе пыракан[1],
  • асцендентра тӑнӑ вӑхӑтпа — тӳрӗ е вӑрах хӑпаракан паллӑ[1].

Символ

Рак паллине ♋ икӗ хачӑпа палӑртаҫҫӗ[9], вӑл темиҫе пӗлтерӗшлӗ, сӑмахран:

  • аҫапа ама ҫыхӑнӑвне (инь тата ян) пӗлтерет[9],
  • уроборос палли (этемлӗх историйӗнчи вӗҫсӗрлӗхе пӗлтерекен паллӑ)[9].

Рак паллине ♋ символпа палӑртаҫҫӗ (хӑш-пӗр браузерсенче урӑхла курӑнма пултарать). Юникодра — 9803 номерпе ҫырӑнать, вунултӑ паллӑллӑ кодра 264В номерпе, HTML-кодпа &#9803 е &#x264В пулма пултарать[15].

Ӳкерчӗксем

Гераклпа Лерней гидрин ҫапӑҫӑвӗ Ганс Себальд Бехам гравюри, 1545 ҫул
Уроборос Алхими элемӗсен «Философский камень» кӗнекери Л. Дженнис гравюри, 1625 ҫул
Инь тата ян символ
«Рак» Раҫҫей укҫи, 2003 год
«Рак» Эрмени кӗмӗл укҫи
«Рак» Эрмени ылтӑн укҫи

Ҫавӑн пекех пӑхӑр

Ӑнлантарусем

  1. ^ 1, 2, 3, 4, 5, 6 Лилли У., 1999, с. 101—106.
  2. ^ 1, 2, 3, 4, 5, 6, 7, 8, 9, 10 Абдулманова И. В., 2021, с. 155—158.
  3. ^ Smith J. C., 2010.
  4. ^ Сурдин В. Г. Астрология и общество // Природа. — 1994. — № 5.
  5. ^ Михайлов О. В., 2011, с. 58-59.
  6. ^ Лилли У., 1999, с. 101.
  7. ^ 1, 2 Cancer (англ.). Britannica (20 акан 2023). Пӑхнӑ кун: 2023 ҫулхи ҫурлан 22-мӗшӗ.
  8. ^ Smith R. C. A manual of astrology, by Raphael(акăлч.). — Oxford University, 1828. — P. 56.
  9. ^ 1, 2, 3, 4 Рак (знак зодиака). Megabook (Универсальная энциклопедия Кирилла и Мефодия). Пӑхнӑ кун: 2023 ҫулхи ҫурлан 23-мӗшӗ.
  10. ^ Shapiro L. T., 1977.
  11. ^ 1, 2 Эратосфен. Катастеризмы.
  12. ^ 1, 2, 3 Лилли У., 1999, с. 102.
  13. ^ Лилли У., 1999, с. 85-86.
  14. ^ Клавдий Птолемей.
  15. ^ [Unicode Decimal Code ♋ Unicode Decimal Code ♋]. Code Table .NET. Пӑхнӑ кун: 2023 ҫулхи ҫурлан 22-мӗшӗ.

Вуламалли

  • Normand H. Bélier // Словарь универсальных символов, основанных на принципе ключа к знаниям = Dictionnaire des symboles universels basés sur le principe de la clef de la connaissance (фр.). — Dervy, 2012. — Т. 1. — С. 207—210. — 338 с. — ISBN 978-2844549358.
  • Shapiro L. T. The Real Constellations of the Zodiac (англ.) // Planetarian. — International Planetarium Society, 1977. — March (vol. 6, no. 1). — P. 17—18. — ISSN 0090-3213.
  • Slosman A. L'astronomie selon les Égyptiens (фр.). — Omnia Veritas Ltd, 2017. — 330 с. — ISBN 978-1910220993. Архивная копия от 28 ноября 2020 на Wayback Machine
  • Smith J. C. Pseudoscience and extraordinary claims of the paranormal : a critical thinker's toolkit (англ.). — Malden, MA: Wiley-Blackwell, 2010. — P. 52—53. — ISBN 9781405181235.
  • Zodiaque // Petit Larousse des symboles (фр.) / Nanon Gardin, Robert Olorenshaw. — Larousse, 2011. — С. 655—659. — 680 с. — ISBN 978-2035969248.
  • Абдулманова И. В. «Введение в астрологию» Павла Александрийского: особенности структуры и содержания // Самарский научный вестник. — 2021. — Т. 10, № 4. — С. 155—158. — doi:10.17816/snv2021104204.
  • Знаки астрономические // Советский энциклопедический словарь / Научно-редакционный совет: А. М. Прохоров (пред.). — М.: Советская энциклопедия, 1981. — С. 470. — 1600 с.
  • Клавдий Птолемей. Четверокнижие.
  • Лилли У. Глава XVI. О двенадцати знаках Зодиака и их множественном делении // Христианская астрология, смиренно изложенная в трёх книгах = Christian astrology. — М.: Академия мировой астрологии и метаинформации, 1999. — С. 101—106. — 160 с.
  • Михайлов О. В. Блеск и нищета астрологии. — 2-е изд. — М.: КомКнига, 2011. — 240 с.
  • Рак, знак зодиака // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

Категорисем