Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Савельев Геннадий Александрович

РУВИКИ-ре ҫак хушаматлӑ ытти ҫынсем пирки те статьясем пур: Савельев.

Геннадий Александрович Савельев (1950 ҫулхи кӑрлачӑн 8-мӗшӗ, Мăн Ямаш — 2021 ҫулхи раштавӑн 18-мӗшӗ, Шупашкар) — Раҫҫейри таврапӗлӳҫӗ[1], журналист тата ҫыравҫӑ[2], Чӑваш Республикин культура ӗҫченӗ[1].

Пурнӑҫӗ

Геннадий Александрович Савельев 1950 ҫулхи кӑрлачӑн 8-мӗшӗнче Чӑваш АССР-ти Элӗк районӗнчи Мӑн Ямаш ялӗнче ҫуралнӑ[1].

Ҫӗрпӳри ял хуҫалӑх техникумне вӗренсе пӗтернӗ[2]. Ӗҫӗ-хӗлне электрик пулса пуҫланӑ[1]. Кайрантарах аслӑ электрик, киномеханик, контролёр, тӗп энергетик, пионервожатӑй, Элӗк районӗнчи радиокалаҫу редактор-дикторӗ[2], Хӗрлӗ Чутай районӗнчи «Пирӗн пурнӑҫ» хаҫат корреспонденчӗ пулса ӗҫленӗ[1]. 1977 ҫултанпа Чӑваш радиокалаҫӑвӗн тулаш штатри ӗҫченӗ пулнӑ[1]. 1980—1995 ҫулсенче ялти пултарулӑх ушкӑнне ертсе пынӑ[2].

Районти тата республикӑри хаҫат-журналсемпе хастар ӗҫленӗ[1]. «Ӗҫ ялавӗ» район хаҫачӗн редакцийӗпе 1964 ҫултанпа ҫыхӑну тытнӑ[3]. Унӑн тӑван ен историйӗ ҫинчен ҫырнӑ документлӑ хайлавӗсем, вӑрҫӑпа ӗҫ ветеранӗсен шӑписем ҫинчен ҫырнӑ очеркӗсем, сӑввисемпе юррисем массӑллӑ информаци хатӗрӗсенче пысӑк вырӑн йышӑнаҫҫӗ[3].

Савельев Элӗк районӗнчи «Тӗп библиотека тытӑмӗ» МБУК фондне парнелекенӗ пулнӑ[4].

Хисепӗсем тата ячӗсем

  • Чӑваш Республикин хисеплӗ таврапӗлӳҫи (1995)[2];
  • Раҫҫейри журналистсен пӗрлӗхӗн пайташӗ (1995)[1];
  • Чӑваш Республикин ҫыравҫисен пӗрлӗхӗн пайташӗ (1996)[1];
  • Чӑваш наци культурин тава тивӗҫлӗ ӗҫченӗ (2000)[2];
  • А. Талвир ячӗллӗ республикӑри литература премийӗн лауреачӗ (2004)[1];
  • Чӑваш халӑх ӑслӑлӑхпа ӳнер академийӗн чӑн пайташӗ (2007)[2];
  • Чӑваш Республикин халӑх академикӗ[1].

Тӗп кӑларӑмӗсем

  • «Ямаш — тӗне кӗмен чӑваш», историпе таврапӗлӳ очеркӗсем, калавсемпе сӑвӑсем (Элӗк, 1995)[1];
  • «Утатпӑр пурнӑҫ ҫулӗпе», пичет ветеранӗсен мемуарӗсем, историпе тарапӗлӳ очеркӗсем (Элӗк, 1998)[1];
  • «Село мое родное» (Мӑн Ямаш ялӗ, 2003)[1];
  • «Люблю тебя, край родной!» [Етӗрне уесӗн аталану историйӗнчен] (Элӗк, 2007)[1];
  • «Юрлатӑп юрату ҫинчен», 1979—2009 ҫулсенчи 60 сӑвӑпа юрӑ (Шупашкар: Ҫӗнӗ вӑхӑт, 2010; 2011 ҫулта ҫӗнӗрен кӑларнӑ)[3].

Библиографи

Кӗнекесем

  1. Савельев, Г. А. Ямаш — тӗне кӗмен чӑваш : историпе краеведени очеркӗсем, калавпа сӑвӑсем / Г. А. Савельев. — Элӗк сали : [б. и.], 1995. — 79 с.
  2. Савельев, Г. А. Утатпӑр пурнӑҫ ҫулӗпе : пичет ветеранӗсен асаилӗвӗсем, историпе краеведени очеркӗсем / Г. Савельев. — Элӗк : [б. и.], 1998. — 56, [1] с.
  3. Савельев, Г. А. Село мое родное / Геннадий Савельев. — Большое Ямашево, с. (Аликовский р-н) : [б. и.], 2003. — 60 с. : фот.
  4. Савельев, Г. А. К 100-летнему юбилею Новоатайской средней школы / Г. А. Савельев. — Красные Четаи, [б. г.]. — 4 с.
  5. Савельев, Г. А. Люблю тебя, край родной! : [из истории развития Ядринского уезда] / Геннадий Савельев. — Аликово : Тип. ИП Филипповой Р. Б., 2007. — 124 с.
  6. Савельев, Г. А. Юрлатӑп юрату ҫинчен : кӗнекене 1979—2009-мӗш ҫулсенче ҫырнӑ 60 сӑвӑ-юрӑ кӗнӗ / Геннадий Савельев. — Шупашкар : Ҫӗнӗ вӑхӑт, 2010. — 111 с.

Статьясем

  1. Савельев, Г. А. Юлашки юн тумламӗччен : [Элӗк районӗнче ҫуралнӑ Борис Петров лётчик ҫинчен] / Г. Савельев // Хыпар. — 2009. — 3 ака. — С. 3.
  2. Савельев, Г. А. Хӗрарӑм тивӗҫне туллин пурнӑҫланӑ : [Елизавета Васильевна Михайлова ҫинчен] / Г. Савельев // Хыпар. — 2009. — 29 авӑн. — С. 3 : сӑн ӳкерчӗксем.
  3. Савельев, Г. А. Наш «Будённый» : [Тӑван Ҫӗршывӑн Аслӑ вӑрҫине хутшӑннӑ Георгий Сергеевич Сергеев ҫинчен] / Геннадий Савельев // Чебоксарская правда. — 2010. — 18 марта (№ 10). — С. 3 : фот.
  4. Савельев, Г. А. Виҫӗ район чиккинче : [Элӗк районӗнчи Мӑн Ямаш вӑтам шкулӗн историйӗ ҫинчен] / Геннадий Савельев // Хыпар. — 2010. — 2 утӑ (№ 127). — С. 3.
  5. Савельев, Г. А. Хисеп вӑй кӳрет : [вӑрҫӑ ветеранӗ Николай Михайлович Михайлов ҫинчен] / Г. Савельев // Хресчен сасси. — 2011. — 12 юпа (№ 78). — С. 3.
  6. Савельев, Г. А. Ялти чи ватӑ ҫын : [Илья Михайлович Михайлов ветеран ҫинчен] / Г. Савельев // Хыпар. — 2011. — 30 ҫӗртме. — С. 4.
  7. Савельев, Г. А. Пурнӑҫланнӑ ӗмӗт : [Юрий Александрович Николаев ҫинчен] / Г. Савельев // Хресчен сасси. — 2012. — 7 чӳк (№ 42). — С. 2 : сӑн ӳкерчӗк.
  8. Савельев, Г. А. Судьба солдата : [Тӑван Ҫӗршывӑн Аслӑ вӑрҫине хутшӑннӑ Павел Егорович Борисов ҫинчен] / Г. Савельев // Республика. — 2012. — 25 апр. (№ 19). — С. 10.

Ӑнлантарусем

  1. ^ 1, 2, 3, 4, 5, 6, 7, 8, 9, 10, 11, 12, 13, 14, 15 Савельев, Геннадий Александрович (краевед, журналист). Наследие Чувашии. Пӑхнӑ кун: 2025 ҫулхи утӑн 15-мӗшӗ.
  2. ^ 1, 2, 3, 4, 5, 6, 7 65 лет назад родился Савельев Геннадий Александрович — краевед, почётный краевед Чувашской Республики. Министерство культуры, по делам национальностей и архивного дела Чувашской Республики. Пӑхнӑ кун: 2025 ҫулхи утӑн 15-мӗшӗ.
  3. ^ 1, 2, 3 Дополненное издание. Знамя труда (Красночетайский район). Пӑхнӑ кун: 2025 ҫулхи утӑн 15-мӗшӗ.
  4. ^ Партнёры и дарители. МБУК «Централизованная библиотечная система» Аликовского района. Пӑхнӑ кун: 2025 ҫулхи утӑн 15-мӗшӗ.

Вуламалли

  • Аликовская энциклопедия / редколлегия: Ефимов Л. А., Ефимов Е. Л., Ананьев А. А., Терентьев Г. К.. — Шупашкар: 2009. — ISBN 978-5-7670-1630-3
  • Юхма Мишши, Ялта пурăнакан çыравçă. Ялав. 2000, № 2, С. 96.
  • Юхма Мишши, Ҫырас вӑй-халӗ чакмасть-ха. Пурнăç çулĕпе. – 2005. – 15 янв. – С.3.

Каҫӑсем

Категорисем